سیلاب متاثرین کی مدد: پشاور زلمی کا پشاور میں ’فلڈ ریلیف نمائشی میچ‘ کا اعلان
اشاعت کی تاریخ: 26th, August 2025 GMT
پاکستان سپر لیگ (پی ایس ایل) کی فرنچائز پشاور زلمی نے خیبرپختونخوا کے لیے ’فلڈ ریلیف نمائشی میچ‘ کا اعلان کردیا۔
پشاور زلمی کی جانب سے ایک بیان میں کہا گیا ہے فرنچائز ڈائریکٹوریٹ جنرل آف اسپورٹس خیبر پختونخوا اور صوبائی حکومت کے اشتراک سے ’کھیل سے خدمت‘ کے نعرے کے تحت سیلاب متاثرین کی امداد کے لیے فلڈ ریلیف نمائشی کرکٹ میچ کے انعقاد کا اعلان کرتی ہے۔
We bring you an Exhibition Match that is larger than cricket itself.
On 30th August in Peshawar, we stand with every flood affected family of Khyber Pakhtunkhwa. ????
This is our time to unite and rebuild together. #KhelSeKhidmat #TogetherForKP” pic.twitter.com/1DprmZBdla
— Javed Afridi (@JAfridi10) August 26, 2025
یہ خصوصی نمائشی میچ ہفتہ 30 اگست 2025 کو پشاور کے ’عمران خان کرکٹ اسٹیڈیم‘ میں کھیلا جائےگا، جس میں پشاور زلمی اور لیجنڈز الیون کے درمیان ایک بہترین مقابلہ دیکھنے کو ملے گا۔
پشاور زلمی کی جانب سے کہا گیا ہے کہ یہ اقدام صرف کرکٹ کا میچ نہیں، بلکہ خیبر پختونخوا کے عوام کے ساتھ یکجہتی، ہمدردی اور خدمت کا عملی مظاہرہ ہے۔ میچ کی تمام ٹکٹوں سے حاصل ہونے والی آمدنی 100 فیصد سیلاب زدگان کی بحالی اور امداد کے لیے وقف کی جائے گی، تاکہ ضروری مدد ان لوگوں تک پہنچے جو سب سے زیادہ متاثر ہوئے ہیں۔
ہم کھیل کے جذبے کو ایک اہم مقصد کے لیے استعمال کرنا چاہتے ہیں، جاوید آفریدیپشاور زلمی کے چیئرمین جاوید آفریدی نے کہاکہ کرکٹ ہمیشہ پاکستان میں اتحاد کی علامت رہی ہے۔ اس نمائشی میچ کے ذریعے ہم اس کھیل کے جذبے کو ایک اہم مقصد کے لیے استعمال کرنا چاہتے ہیں، اپنے ان بھائیوں اور بہنوں کے لیے جو خیبر پختونخوا میں خوفناک سیلاب سے متاثر ہوئے ہیں۔ یہ صرف ایک میچ نہیں، بلکہ ہمارا فرض ہے کہ ہم ان کے ساتھ کھڑے ہوں۔
کھیل صرف تفریح نہیں بلکہ خدمت اور یکجہتی کا ذریعہ بھی ہے، وزیر کھیل فخر جہانخیبر پختونخوا کے وزیر کھیل و امور نوجوانان سید فخر جہان نے بھی اپنے خیالات کا اظہار کرتے ہوئے کہا کہ کھیل صرف تفریح نہیں بلکہ خدمت اور یکجہتی کا ذریعہ بھی ہے۔ یہ میچ ان تمام متاثرہ افراد کے ساتھ ہماری ہمدردی کا مظہر ہے جو سیلاب کی تباہ کاریوں کا شکار ہوئے ہیں۔
میچ میں شرکت کرنے والے شائقین نہ صرف اپنے پسندیدہ کرکٹرز کو ایکشن میں دیکھیں گے بلکہ ایک عظیم مقصد کے لیے اپنا کردار بھی ادا کریں گے۔ معروف کرکٹ اسٹارز اور لیجنڈز کی موجودگی اس ایونٹ کو پشاور کی اسپورٹس تاریخ کا یادگار لمحہ بنا دے گی۔
فرنچائز کی جانب سے بتایا گیا ہے کہ فلڈ ریلیف نمائشی میچ کی ٹکٹس پشاور اسپورٹس کمپلیکس، حیات آباد اسپورٹس کمپلیکس اور عمران خان کرکٹ اسٹیڈیم سے حاصل کی جا سکتی ہیں۔
’شائقین، فلاحی شخصیات اور پاکستانی عوام کو اسٹیڈیم آنے کی دعوت‘پشاور زلمی نے مزید کہاکہ زلمی فیملی کرکٹ کے شائقین، فلاحی شخصیات اور پاکستان کے عوام کو اس عظیم مقصد کے لیے ایک ساتھ آنے کی دعوت دیتی ہے، تاکہ کھیل کی طاقت سے زندگیاں اور معاشرے بدلے جا سکیں۔
یہ بھی پڑھیں: ہائیر پاکستان کا بونیر کے سیلاب زدگان کے لیے نوکریوں کا اعلان
بیان میں کہا گیا ہے کہ پشاور زلمی صرف ایک کرکٹ فرنچائز نہیں بلکہ ایک تحریک ہے، جو کھیل، تعلیم اور سماجی فلاحی اقدامات کے ذریعے معاشروں کو بہتر بنانے کے لیے پرعزم ہے۔ ’کھیل سے خدمت کے جذبے کے تحت، زلمی ایسے منصوبوں کی سرپرستی جاری رکھے ہوئے ہے جو امید، اتحاد اور مثبت تبدیلی کی علامت ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پاکستان سپر لیگ پی ایس ایل سیلاب متاثرین کی مدد فلڈ ریلیف نمائشی میچ وی نیوز
ذریعہ
ذریعہ: WE News
کلیدی لفظ: پاکستان سپر لیگ پی ایس ایل سیلاب متاثرین کی مدد وی نیوز خیبر پختونخوا مقصد کے لیے پشاور زلمی کا اعلان گیا ہے
پڑھیں:
بجٹ میں عوام کو ریلیف دینے کیلئے پر عزم ہیں،وزیراعظم
وزیراعظم شہباز شریف(Shehbaz Sharif) نے کہا ہے کہ بجٹ میں عوام کو ریلیف دینے کیلئے پر عزم ہیں، غیر رسمی معیشت کو ٹیکس نیٹ میں لانے کیلئے اقدامات کئے جا رہے ہیں۔
وزیراعظم شہباز شریف سے ملک کے معروف صنعتکاروں اور ممتاز کاروباری شخصیات کے وفد نے ملاقات کی، یہ ملاقات ملک کی مجموعی معاشی ترقی کی رفتار تیز کرنے اور مالی سال 27-2026 کے بجٹ کے حوالے سے کاروباری برادری سے مشاورت کے تناظر میں تھی۔
وفد میں میاں محمد منشاء ، عارف حبیب، عاطف باجوہ، محمد علی تبہ، مصدق ذوالقرنین، زیاد بشیر, شہزاد سلیم، زیلاف منیر، عمر سعید، عمر منشاء، یوسف سعید، کامران ارشد، خرم مختار، آصف پیر، سلطان گوہر اعجاز، فواد انور، ذوالفقار حیات، جاوید اقبال، یوسف حسین، عامر ابراہیم, خواجہ مسعود اختر اور اعجاز نبی شامل تھے۔
وفد کو کاروبار، صنعت و تجارت کے فروغ کے حوالے سے حکومتی اقدامات پر بریفنگ دی گئی۔
وزیراعظم نے وفد کو خوش آمدید کہا اور گفتگو کرتے ہوئے کہا کہ آپ لوگ پاکستان کے سفیر اور دنیا میں ہماری پہچان ہیں، مشکل معاشی حالات میں حکومت کا ساتھ دینے پر کاروباری برادری کے شکر گزار ہیں۔
ان کا کہنا تھا کہ حکومت اور نجی شعبے کی مضبوط شراکت داری معاشی ترقی کی ضمانت ہے، پاکستان کی معیشت کے حوالے سے پالیسی سازی میں کاروباری برادری سے مشاورت انتہائی اہمیت کی حامل ہے، برآمدات پر مبنی ترقی کی راہ پر گامزن ہیں، یہی ہماری معاشی پالیسی کا محور ہے۔
مزیدپڑھیں:تمام ایپل ڈیوائسز پر یکساں تجربہ، واٹس ایپ کا یونیفائیڈ ڈیزائن پلان سامنے آ گیا
شہباز شریف نے کہا کہ غیر رسمی معیشت کو ٹیکس نیٹ میں لانے کیلئے اقدامات کئے جا رہے ہیں، بجٹ میں عوام کو ریلیف دینے کیلئے اقدامات شامل کئے جا رہے ہیں، کاروبار دوست پالیسیوں کی بدولت ملکی معیشت مستحکم ہوئی اور بیرونی سرمایہ کاروں کا اعتماد بحال ہوا، ایسی صنعتوں کے فروغ کے لئے کوشاں ہیں جن سے ملکی پیداوار بڑھے، برآمدات میں اضافہ ہو اور ملازمتوں کے زیادہ سے زیادہ مواقع پیدا ہوں۔
انہوں نے کہا کہ صنعت، زراعت، انفارمیشن ٹیکنالوجی کے شعبوں میں ترقی سے معیشت کو مزید استحکام ملے گا اور روزگار کے نئے مواقع پیدا ہوںگے، نوجوانوں کیلئے تکنیکی و فنی تربیت کے پروگرام شروع کئے ہیں تاکہ ان کو روز گار ملنے میں آسانی ہو اور وہ قومی ترقی میں بھرپور کردار ادا کر سکیں۔
وفد نے خطے میں امن کی بحالی کے لئے پاکستان کی سفارتی کوششوں پر وزیراعظم اور ان کی ٹیم کو بھرپور خراج تحسین پیش کیا، کاروباری رہنماؤں نے وزیراعظم کی قیادت میں معاشی بحالی کے سفر اور بہتر مالیاتی انتظام پر اعتماد کا اظہار کیا۔
وفد نے ملکی معیشت کو درست سمت میں گامزن کرنے اور کاروبار و سرمایہ کاری کیلئے موزوں ماحول فراہم کرنے پر وزیراعظم اور ان کی ٹیم کا شکریہ ادا کیا۔
کاروباری رہنما کا کہنا تھا کہ ڈیجیٹل ادائیگیوں اور دستاویزی معیشت کے فروغ کے حکومتی وژن کو سراہتے ہیں، وفد نے ٹیکس اصلاحات اور کاروباری آسانیوں کے فروغ کے اقدامات کا خیرمقدم کیا۔
کاروباری رہنماؤں نے صنعتوں کیلئے بجلی کے نرخوں میں کمی لانے، ایکسپورٹ ڈیولپمنٹ لیوی کے خاتمے اور ٹیکس ریفنڈ کی بروقت ادائیگیوں پر وزیراعظم سے اظہار تشکر کیا، شرکاء نے آئندہ بجٹ کی تیاری میں کاروباری برادری کو اعتماد میں لینے کے اقدام کو سراہا۔
اس موقع پر کاروباری رہنماؤں نے قومی معیشت کی مضبوطی اور بجٹ کے حوالے سے اپنی تجاویز وزیراعظم کو پیش کیں۔
کاروباری برادری نے معاشی بحالی اور ترقی کیلئے حکومت کے ساتھ مکمل تعاون جاری رکھنے کے عزم کا اظہار کیا، وفد کے شرکاء نے صنعتی ترقی، برآمدات میں اضافے اور روزگار کے نئے مواقع پیدا کرنے کے حکومتی عزم کو سراہا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ