ہالی ووڈ اداکار بروس ولس کی دماغی حالت بگڑ رہی ہے، بیوی ایما ہیمنگ کا انکشاف
اشاعت کی تاریخ: 27th, August 2025 GMT
ہالی ووڈ اداکار بروس ولِس کی بیوی، ایما ہیمنگ ولِس نے انکشاف کیا ہے کہ ان کے شوہر کا دماغ اب ان کا ساتھ نہیں دے رہا اور ان کی زبان ختم ہوتی جا رہی ہے، یہ انکشاف اس وقت سامنے آیا ہے جب ولِس کو فرنٹو ٹیمپورل ڈیمینشیا یعنی زوال عقل کی تشخیص ہوئے 2 سال سے زائد عرصہ گزر چکا ہے۔
اے بی سی کے ایک خصوصی پروگرام میں گفتگو کرتے ہوئے ایما ہیمنگ نے کہا کہ بروس ولس اب بھی کافی متحرک ہیں اور مجموعی طور پر اچھی صحت میں ہیں۔ ’مسئلہ صرف یہ ہے کہ ان کا دماغ ساتھ نہیں دے رہا، ان کی زبان ختم ہو رہی ہے، ہم نے ان کے ساتھ بات چیت کا ایک نیا طریقہ سیکھ لیا ہے، جو بس ایک مختلف انداز ہے۔‘
یہ بھی پڑھیں:
یاد رہے کہ 2022 میں بروس ولِس کے خاندان نے اعلان کیا تھا کہ ’ڈائی ہارڈ‘ اور ’سِکستھ سینس‘ میں اپنی یادگار اداکاری کے جوہر دکھانے والے اسٹار اداکاری سے ریٹائر ہو رہے ہیں کیونکہ انہیں افیزیا یعنی لسانی عارضہ لاحق ہوگیا تھا، جو زبان اور بولنے میں دشواری پیدا کرتا ہے۔
ایما ہیمنگ نے بتایا کہ شروع میں بروس کے رویے میں نمایاں تبدیلی آئی۔ ’جو شخص ہمیشہ باتونی اور پرجوش تھا، وہ اچانک خاموش سا ہو گیا، جب فیملی اکٹھی ہوتی تو وہ بس پگھلنے لگتے، وہ پہلے بہت گرمجوش اور پیار کرنے والے تھے، لیکن پھر ان کا رویہ بالکل الٹ ہو گیا، جو بہت ڈراؤنا اور تشویشناک تھا۔‘
افیزیا کی تشخیص کے ایک سال بعد بروس ولِس کو فرنٹو ٹیمپورل ڈیمینشیا کی تشخیص ہوئی، اس وقت خاندان نے ایک مشترکہ بیان میں کہا تھا کہ اگرچہ یہ تکلیف دہ ہے لیکن واضح تشخیص بھی کسی حد تک اطمینان کا باعث ہے۔
مزید پڑھیں:
ایما ہیمنگ نے بتایا کہ جب انہوں نے یہ تشخیص پہلی بار سنی، تو وہ بالکل گھبرا گئی تھیں۔ ’مجھے صرف خبر سنائی دی اور اس کے بعد کچھ سنائی ہی نہیں دیا۔ ایسا لگ رہا تھا جیسے میں خلا میں گر رہی ہوں۔‘
انہوں نے کہا کہ آج بھی بعض اوقات بروس کی اصل شخصیت کی جھلک نظر آتی ہے۔ ’ہمیں وہ دن اب بھی ملتے ہیں… نہیں بلکہ لمحے۔ اس کی ہنسی، جو بہت بھرپور اور گہری ہے۔ کبھی آنکھوں میں وہ چمک آ جاتی ہے، وہی پرانی روشنی۔ لیکن جتنا جلدی یہ لمحے آتے ہیں، اتنی ہی تیزی سے غائب بھی ہو جاتے ہیں۔‘
بروس ولِس نے، جو اب 70 برس کے ہیں، ایما ہیمنگ سے 2009 میں شادی کی تھی اور ان کی 2 بیٹیاں ہیں، ایما ہیمنگ کی کتاب رواں سال 9 ستمبر کو شائع ہو گی، جس میں وہ بروس ولِس کی دیکھ بھال سے متعلق اپنے تجربات بیان کریں گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اداکار ایما ہیمنگ ولِس بروس ولس تشخیص ڈیمینشیا زوال عقل ہالی ووڈ.
ذریعہ
ذریعہ: WE News
کلیدی لفظ: اداکار ایما ہیمنگ ول س بروس ولس ڈیمینشیا زوال عقل ہالی ووڈ ایما ہیمنگ بروس ول س
پڑھیں:
میاں بیوی کو تین سالہ بچی سمیت اٹھانے کی سی سی ٹی وی فوٹیج محفوظ کرنے کی درخواست ، لاہور ہائیکورٹ کی متعلقہ عدالت سے رجوع کرنے کی ہدایت
لاہور (اُردو پوائنٹ اخبارتازہ ترین - اے پی پی۔ 02 جون2026ء) لاہور ہائیکورٹ نے سی سی ڈی اہلکاروں کی جانب سے میاں بیوی اور تین سالہ بچی کو گھر سے اٹھانے کے معاملے میں سی سی ٹی وی کیمروں کی وڈیو فوٹیج محفوظ کرنے کی درخواست مسترد کرتے ہوئے درخواست گزار کو متعلقہ ٹرائل کورٹ سے رجوع کرنے کی ہدایت کر دی۔لاہور ہائیکورٹ کے جسٹس شہرام سرور چوہدری نے درخواست پر سماعت کی۔ درخواست گزار رحمان کی جانب سے ایڈووکیٹ ایاز صفدر سندھو نے دلائل دیئے۔درخواست گزار کے وکیل نے موقف اختیار کیا کہ سی سی ڈی گوجرانوالہ نے درخواست گزار کی بہن، بہنوئی اور ان کی تین سالہ بچی کو گھر سے اٹھایا اور بعد ازاں میاں بیوی کے خلاف منشیات کا جھوٹا مقدمہ درج کر دیا۔ مذکورہ میاں بیوی ایک مبینہ جعلی پولیس مقابلے کے مدعی ہیں اور پیروی سے باز نہ آنے پر انہیں جھوٹے مقدمے میں نامزد کیا گیا۔(جاری ہے)
تین سالہ بچی بھی سی سی ڈی کی تحویل میں رہی تاہم درج مقدمے میں اس کا کوئی ذکر موجود نہیں۔ عدالت سے استدعا کی گئی کہ متعلقہ مقامات کی سی سی ٹی وی فوٹیج محفوظ بنانے کے احکامات جاری کیے جائیں۔سماعت کے دوران جسٹس شہرام سرور چوہدری نے ریمارکس دیے کہ فوٹیج حاصل کرنا یا اسے محفوظ بنانا ہائیکورٹ کا کام نہیں۔ عدالت نے قرار دیا کہ ٹرائل کورٹ کے پاس سی سی ٹی وی فوٹیج محفوظ رکھنے سمیت متعدد قانونی اختیارات موجود ہیں۔عدالت نے درخواست گزار کو ہدایت کی کہ وہ اپنی درخواست متعلقہ ٹرائل کورٹ میں دائر کرے کیونکہ اس حوالے سے حکم جاری کرنے کا اختیار اسی عدالت کے پاس ہے۔بعد ازاں عدالت نے سی سی ٹی وی فوٹیج محفوظ کرنے کی درخواست مسترد کرتے ہوئے درخواست گزار کو ٹرائل کورٹ سے رجوع کرنے کی ہدایت کر دی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ