چناب بپھر گیا، ملتان شہر کو بچانے کے لیے ہیڈ محمد والا پر شگاف ڈالنے کی تیاری
اشاعت کی تاریخ: 29th, August 2025 GMT
ملتان:
دریائے چناب کی بپھری موجوں نے جنوبی پنجاب میں خطرے کی گھنٹیاں بجا دی ہیں، ملتان شہر کو ممکنہ تباہی سے بچانے کے لیے انتظامیہ نے ہیڈ محمد والا پر کنٹرولڈ شگاف ڈالنے کا فیصلہ کر لیا ہے۔
ضلعی حکومت نے ہنگامی بنیادوں پر انخلاء کا عمل تیز کر دیا ہے اور 60 فیصد آبادی کو محفوظ مقامات پر منتقل کر دیا گیا ہے۔
ڈپٹی کمشنر وسیم حامد کے مطابق، اگر شگاف نہ ڈالا گیا تو شہر کو بڑے پیمانے پر نقصان پہنچ سکتا ہے۔ اگلے دو روز انتہائی نازک قرار دیے گئے ہیں کیونکہ دریائے چناب کا انتہائی طاقتور سیلابی ریلا جھنگ کے بعد اب ملتان کا رخ کر رہا ہے۔
ملتان کی تحصیل جلال پور پیروالا کے 18 دیہات پہلے ہی پانی کی لپیٹ میں آ چکے ہیں، مجموعی طور پر 138 سے زائد موضع جات متاثر ہوئے ہیں۔
ادھر مظفرگڑھ میں صورتحال نہایت سنگین ہو چکی ہے، جہاں 5 مقامات پر حفاظتی بند توڑنے کی تیاریاں مکمل کر لی گئی ہیں تاکہ چناب کے ممکنہ طغیانی ریلے کو قابو میں لایا جا سکے۔
سرگودھا کے علاقے کوٹ مومن میں پانی نے کھیتوں کو نگل لیا، فصلیں تباہ ہو گئیں اور مقامی دیہات کا زمینی رابطہ کٹ گیا۔
منڈی بہاالدین کی تحصیل پھالیہ کے 69 دیہات مکمل طور پر زیر آب آ چکے ہیں، جہاں راستے ختم ہو چکے ہیں اور لوگ محصور ہو گئے ہیں۔
حافظ آباد میں دھان اور چارے کی فصلیں سیلابی ریلے کی نذر ہو گئیں۔
گوجرانوالہ میں نالہ پلکھو اوور فلو ہونے سے دیہات کا رابطہ کٹ گیا، جب کہ وزیرآباد میں دریا کنارے آباد کئی بستیاں ڈوب گئیں۔
.
ذریعہ
ذریعہ: Express News
پڑھیں:
مئی ، 3161 نئی کمپنیاں رجسٹرڈ، مجموعی تعداد 297,239 ہو گئی، ایس ای سی پی
اسلام آباد، گزشتہ مہینے پاکستان میں 3ہزار 161نئی کمپنیاں رجسٹرڈ(companies registerd) ہوئیں جس کے بعد رجسٹرڈ کمپنیوں کی مجموعی تعداد 2لاکھ 97 ہزار 239 تک پہنچ گئی۔ ڈیجیٹلائزیشن کے باعث 99.9 فیصد کمپنیاں آن لائن رجسٹر کی گئیں۔
ایس ای سی پی کے مطابق صوبائی اور علاقائی لحاظ سے مئی کے دوران سب سے زیادہ ایک ہزار 643 کمپنیاں پنجاب میں رجسٹر ہوئیں، جبکہ وفاقی دارالحکومت اسلام آباد میں 596 اور سندھ میں 479 کمپنیاں رجسٹر کی گئیں۔
خیبر پختونخوا میں 260، گلگت بلتستان میں 112 اور بلوچستان میں 71 کمپنیاں رجسٹر کی گئیں۔ انفارمیشن ٹیکنالوجی اور ای کامرس کا سیکٹر سرفہرست رہا، جہاں آئی ٹی میں سب سے زیادہ 598 نئی کمپنیاں رجسٹر ہوئیں۔
اس کے بعد ٹریڈنگ میں 503 ، سروسز سیکٹر میں 404 ، رئیل اسٹیٹ اور کنسٹرکشن میں 303 جبکہ سیاحت اور ٹرانسپورٹ کے شعبے میں 206 نئی کمپنیوں نے رجسٹریشن کرائی۔ مئی میں 17 ممالک کے سرمایہ کاروں نے پاکستان میں سرمایہ کاری کی۔
مزید پڑھیں:بجٹ 2026-27، پائیڈ کی کم از کم ماہانہ تنخواہ 45 ہزار روپے مقرر کرنے کی تجویز
چین سرفہرست رہا جہاں کے نواسی شیئر ہولڈرز نے کمپنیوں میں ڈائریکٹر شپ حاصل کی۔ تمام غیر ملکی کمپنیوں کا مجموعی ادا شدہ سرمایہ تیرہ کروڑ چورانوے لاکھ روپے ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ