بریڈ پٹ، واکین فینکس اور رونی مارا کی غزہ پر مبنی فلم “دی وائس آف ہند رجب” میں شمولیت
اشاعت کی تاریخ: 29th, August 2025 GMT
ہالی ووڈ کےنامور اداکار بریڈ پٹ، واکین فینکس، رونی مارا سمیت کئی شخصیات نے غزہ پر مبنی ڈرامہ ’دی وائس آف ہند رجب‘ کے ساتھ بطور ایگزیکٹو پروڈیوسر شمولیت اختیار کر لی ہے، یہ فلم اس سال کے وینس فلم فیسٹیول میں عالمی سطح پر نمائش کے لیے پیش کی جائے گی۔
ایوارڈ یافتہ ہدایتکار الفونسو کیورون اور جوناتھن گلیزر بھی بطور ایگزیکٹو پروڈیوسر اس فلم پروجیکٹ میں شامل ہیں، گلیزر نے مارچ 2024 میں اپنے فلم زون آف انٹرسٹ کے لیے آسکر جیتنے کے موقع پر ایک جذباتی تقریر کی تھی، جس میں انہوں نے ہولوکاسٹ پر بنی اپنی فلم کو غزہ کی موجودہ صورتحال سے تشبیہ دی تھی۔
یہ بھی پڑھیں:
کوثربن ہنیہ کی ہدایتکاری میں بننے والی یہ فلم 3 ستمبر کو وینس میں ریڈ کارپٹ پر پیش کی جائے گی اور اس کے بعد ٹورنٹو انٹرنیشنل فلم فیسٹیول میں دکھائی جائے گی۔
یہ ڈرامہ 6 سالہ فلسطینی بچی ہند رجب کے المناک قتل کے واقعات کو اجاگر کرتا ہے، جسے رواں سال جنوری میں اپنے کزنز، خالہ اور ماموں کے ساتھ کار میں سفر کے دوران اسرائیلی فوج نے نشانہ بنایا۔
فلم میں فلسطینی ریڈ کریسنٹ سوسائٹی کے طبی رضاکاروں کے ساتھ ہند کی گفتگو کی آوازیں شامل کی گئی ہیں، جنہوں نے اسے لائن پر رکھنے کی کوشش کی تاکہ ایمبولینس بھیجی جا سکے۔ انہی کالز کے دوران فائرنگ کی آوازیں بھی ریکارڈ ہوئیں۔ بعدازاں 2 پیرا میڈکس بھی مارے گئے جو امداد کے لیے پہنچے تھے۔
اقوام متحدہ کے ماہرین نے جولائی 2024 میں کہا تھا کہ ہند کا قتل جنگی جرم کے زمرے میں آ سکتا ہے، کیونکہ شواہد سے ظاہر ہوتا ہے کہ گاڑی کو قریب سے ایسے ہتھیار سے نشانہ بنایا گیا جو صرف اسرائیلی فوج کے پاس موجود ہے۔ ان کے مطابق آڈیو ریکارڈنگ سے ظاہر ہوتا ہے کہ خاندان میں سب سے آخر میں زندہ بچی صرف ہند تھی، جو بعد میں ماری گئی۔
مزید پڑھیں:
ہند رجب کا قتل غزہ میں اسرائیلی افواج کے مظالم کی شدت اور ہولناکی کو بے نقاب کرتا ہے۔ اکتوبر 2023 سے اب تک مقامی طبی حکام کے مطابق 62 ہزار سے زائد فلسطینی شہید ہو چکے ہیں، جن میں اکثریت خواتین اور بچوں کی ہے۔ اصل تعداد اس سے بھی زیادہ بتائی جاتی ہے کیونکہ ہزاروں لاشیں اب بھی ملبے تلے دبی ہوئی ہیں۔ غزہ اس وقت قحط جیسے حالات کا بھی شکار ہے، جو مشرق وسطیٰ کی تاریخ میں پہلی مرتبہ ریکارڈ ہوا ہے۔
وینس فلم فیسٹیول میں ’دی وائس آف ہند رجب‘ کی نمائش ایسے وقت میں ہو رہی ہے جب اٹلی کے اس شہر میں غزہ کی جنگ کے مستقل خاتمے کے مطالبے پر احتجاج جاری ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اٹلی احتجاج اسرائیلی افواج دی وائس آف ہند رجب غزہ فلسطینی قحط وینس فلم فیسٹیول.
ذریعہ
ذریعہ: WE News
کلیدی لفظ: اٹلی اسرائیلی افواج دی وائس آف ہند رجب فلسطینی وینس فلم فیسٹیول دی وائس آف ہند رجب فلم فیسٹیول کے لیے
پڑھیں:
سعودیہ کی ابراہم معاہدوں میں شمولیت مشرقِ وسطیٰ میں تاریخی پیش رفت ہوگی، نیتن یاہو
عالمی خبر رساں ادارے کے مطابق اسرائیلی وزیراعظم کا اپنے بیان میں کہنا تھا کہ سعودی عرب کی ابراہم معاہدوں میں شمولیت نہ صرف اسرائیل اور عرب دنیا کے تعلقات میں ایک نئے باب کا آغاز کرے گی بلکہ پورے خطے میں استحکام، تعاون اور امن کے امکانات بھی بڑھ جائیں گے۔ اسلام ٹائمز۔ اسرائیلی وزیراعظم بنیامین نیتن یاہو نے کہا ہے کہ اگر سعودی عرب ابراہم معاہدوں میں شامل ہو جاتا ہے تو یہ مشرقِ وسطیٰ میں امن کے لیے ایک "تاریخی جست" ثابت ہوگی۔ عالمی خبر رساں ادارے کے مطابق نیتن یاہو نے اپنے بیان میں کہا کہ سعودی عرب کی ابراہم معاہدوں میں شمولیت نہ صرف اسرائیل اور عرب دنیا کے تعلقات میں ایک نئے باب کا آغاز کرے گی بلکہ پورے خطے میں استحکام، تعاون اور امن کے امکانات بھی بڑھ جائیں گے۔
اسرائیلی وزیراعظم کا یہ بیان امریکی صدر ڈونلڈ ٹرمپ کی جانب سے سعودی عرب کے مجوزہ سول جوہری معاہدے کو اسرائیل سے تعلقات معمول پر لانے سے مشروط کیے جانے کے بعد سامنے آیا ہے۔ صدر ڈونلڈ ٹرمپ نے اپنے سوشل میڈیا پلیٹ فارم ٹروتھ سوشل پر کہا تھا کہ امریکا اور سعودی عرب کے درمیان مجوزہ سول جوہری معاہدے کی حتمی منظوری اس وقت تک نہیں دی جائے گی جب تک سعودی عرب ابراہم معاہدوں میں شامل نہیں ہو جاتا۔
ٹرمپ نے یہ بھی واضح کیا تھا کہ مجوزہ معاہدہ صرف پُرامن اور غیر فوجی مقاصد کے لیے ہوگا اور اس کے تحت سعودی عرب کو یورینیئم افزودگی کی اجازت نہیں دی جائے گی۔واضح رہے کہ ایک روز قبل جب اس مجوزہ جوہری معاہدے کی ابتدائی منظوری کا اعلان کیا گیا تھا تو صدر ٹرمپ نے اسے سعودی عرب اور اسرائیل کے تعلقات معمول پر لانے کی شرط سے منسلک نہیں کیا تھا، تاہم بعد ازاں انہوں نے واضح کیا کہ دونوں معاملات ایک دوسرے سے وابستہ ہیں۔
بھارت سے جنگ اور افغانستان میں کارروائی خارج ازامکان نہیں، وزیردفاع