اسلام آباد میں شورومز کی غیر قانونی پارکنگ کے خلاف ٹریفک پولیس کا کریک ڈاؤن
اشاعت کی تاریخ: 30th, August 2025 GMT
اسلام آباد ٹریفک پولیس نے سیکٹر جی 9 اور جی 8 میں شورومز کے خلاف غیر قانونی پارکنگ اور تجاوزات کے خلاف کارروائی کی۔ چیف ٹریفک آفیسر کیپٹن (ر) حمزہ ہمایوں نے خود آپریشن کی نگرانی کی اور اس دوران شورومز کی انتظامیہ اور مارکیٹ یونین سے بھی ملاقات کی۔
ترجمان اسلام آباد پولیس کے مطابق آپریشن کے دوران متعدد غیر قانونی طور پر پارک کی گئی گاڑیوں کو ہٹایا گیا جبکہ مراکز کے اطراف ٹریفک کی روانی میں حائل رکاوٹوں کو بھی دور کیا گیا۔
یہ بھی پڑھیے: اسلام آباد میں پولیس ناکہ پر فائرنگ، دو ملزمان زخمی حالت میں گرفتار
سی ٹی او کا کہنا تھا کہ ایسے آپریشن وفاقی دارالحکومت کے تمام علاقوں میں روزانہ کی بنیاد پر کیے جائیں گے اور غیر قانونی پارکنگ پر زیرو ٹالرنس پالیسی اپنائی جائے گی۔
کیپٹن (ر) حمزہ ہمایوں نے کہا کہ شہری اپنی گاڑیاں صرف مختص کردہ پارکنگ ایریاز میں کھڑی کریں تاکہ ٹریفک کی روانی متاثر نہ ہو۔ ان کا مزید کہنا تھا کہ ہمارا مقصد شہریوں کو تنگ کرنا نہیں بلکہ اسلام آباد میں پارکنگ کے نظام کو بہتر بنانا ہے۔
انہوں نے شہریوں پر زور دیا کہ وہ ٹریفک قوانین پر عمل کریں اور ٹریفک پولیس کے ساتھ تعاون کریں تاکہ وفاقی دارالحکومت میں ٹریفک رواں دواں رہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام آباد پولیس پارکنگ ٹریفک پولیس.
ذریعہ
ذریعہ: WE News
کلیدی لفظ: اسلام ا باد پولیس پارکنگ ٹریفک پولیس ٹریفک پولیس اسلام آباد
پڑھیں:
لاہور میں وین ڈرائیور سے بدتمیزی ٹریفک وارڈن کو مہنگی پڑ گئی
لاہور میں نجی کوریئر کمپنی کی وین کے ڈرائیور سے بدتمیزی کرنے پر ٹریفک وارڈن کو معطل کر دیا گیا۔
سی ٹی او لاہور سید عبدالرحیم شیرازی نے فوری ایکشن لیتے ہوئے واقعے کی تحقیقات کے لیے ایس پی صدر کو انکوائری کا حکم دے دیا۔
ٹریفک پولیس افسر کا کہنا تھا کہ انکوائری رپورٹ کی روشنی میں مزید کارروائی ہوگی، شہریوں سے حسنِ سلوک پر کوئی سمجھوتہ نہیں کیا جائے گا۔
سی ٹی او لاہور نے ٹریفک پولیس میں نظم و ضبط اور عوامی احترام اولین ترجیح قرار دیتے ہوئے کہا کہ اختیارات کے ناجائز استعمال کی اجازت نہیں دی جائے گی، انکوائری مکمل ہونے پر حقائق عوام کے سامنے لائے جائیں گے۔
شہری کے مطابق ٹریفک وارڈن نے رکنے کا اشارہ کیا لیکن اشارہ نظر نہیں آیا، تاہم آگے جا کر رکا جس پر ٹریفک وارڈن نے گاڑی کے اندر سوار ہو کر تشدد کا نشانہ بنایا اور گالم گلوچ کی۔ موقع پر وارڈن نے آن لائن چالان بھی جمع کروایا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ