پنجاب و سندھ میں بارشیں اور سیلابی ریلا: لاکھوں افراد محفوظ مقامات پر منتقل، سڑک و فضائی آمد و رفت متاثر
اشاعت کی تاریخ: 31st, August 2025 GMT
پنجاب اور سندھ میں مسلسل بارشوں اور دریاؤں میں بلند سطح کے پانی نے سیلابی صورتحال کو مزید سنگین کر دیا ہے۔
فلڈ فورکاسٹنگ ڈویژن کے مطابق راوی، ستلج اور چناب کے کئی مقامات پر اونچے درجے کا سیلاب ہے جبکہ صوبائی حکومتوں نے ہنگامی اقدامات تیز کر دیے ہیں۔
لاہور اور گردونواح میں بارش
لاہور کے مختلف علاقوں اور کوٹ رادھا کشن میں 2 گھنٹے سے جاری بارش نے نشیبی علاقوں کو زیرِ آب کر دیا۔
Corps Commanders are on-ground in their respective areas of responsibility, overseeing Relief and Rescue operations in flood affected areas of #Punjab
???? Corps Commander Lahore
???? Corps Commander Gujranwala
Pakistan Army, the people’s Army????????#Pakistan #COAS #Floods #ISPR pic.
— Pakistan Armed Forces News ???????? (@PakistanFauj) August 30, 2025
پاکپتن میں بھی موسلادھار بارش اور تیز ہوا کے باعث متعدد علاقے بجلی سے محروم ہو گئے۔
دریاؤں میں اونچے درجے کا سیلاب
فلڈ فورکاسٹنگ ڈویژن کے مطابق دریائے راوی اس وقت شاہدرہ کے مقام پر 90 ہزار 500 کیوسک اور بَلوکی کے مقام پر 2 لاکھ 11 ہزار 395 کیوسک کے بہاؤ کے ساتھ اونچے درجے کے سیلاب کی کیفیت میں ہے۔
اسی طرح دریائے ستلج سلیمانکی پر 1 لاکھ 54 ہزار 219 کیوسک پانی کے ساتھ بلند سطح کے ریلا گزار رہا ہے۔
دریائے چناب بھی کئی مقامات پر بڑھتے ہوئے پانی کے دباؤ کا سامنا کر رہا ہے، جہاں قادرآباد پر 2 لاکھ 3 ہزار 862 کیوسک، تریموں پر 2 لاکھ 30 ہزار 688 کیوسک کے ساتھ درمیانے درجے کا سیلاب اور جسر کے مقام پر 95 ہزار 580 کیوسک پانی کا بہاؤ ریکارڈ کیا گیا ہے۔
پاکستان میٹرولوجیکل ڈیپارٹمنٹ/فلڈ فورکاسٹنگ ڈویژن کا پاکستان کے اہم دریاؤں کے اہم مقامات کا فلڈ روٹنگ میپ۔ پانی کے بہاؤ کا ایک مقام سے دوسرے مقام تک پہنچنے کا وقت۔ pic.twitter.com/hHBsWZpjoy
— FFDLahore (@ffdlhr) August 30, 2025
حکام کے مطابق ان تمام مقامات پر صورتحال پر مسلسل نظر رکھی جا رہی ہے۔
ریسکیو آپریشن اور بچاؤ کی کارروائیاں
حافظ آباد میں ریسکیو ٹیم نے دو شہریوں کو بچایا جو سیلابی ریلے میں بہہ گئے تھے، ایک شخص اپنی گاڑی سمیت پانی میں پھنس گیا تھا۔
ساہیوال میں دریائے راوی کے کنارے اورنگ آباد کے بند پر دباؤ کے باعث شگاف پڑ گیا تاہم پانی کو زرعی زمینوں کی طرف موڑ دیا گیا جس سے رہائشی آبادی محفوظ رہی۔ متاثرہ افراد کے لیے ریلیف کیمپ قائم کر دیا گیا ہے۔
پنجاب حکومت کے اقدامات
وزیر اعلیٰ پنجاب مریم نواز نے بتایا کہ 6 لاکھ سے زائد افراد اور 4.5 لاکھ مویشی محفوظ مقامات پر منتقل کیے گئے ہیں۔
انہوں نے کارڈورہا گردوارہ کرتارپور میں 12 فٹ پانی کی نکاسی 24 گھنٹوں میں مکمل کرنے پر ضلعی انتظامیہ کو سراہا۔
Worst floods in 40 years hit Pakistan, killing 28 this week and forcing over a million from their homes, with more than 800 dead since June as monsoon rains submerge towns and villages pic.twitter.com/9HiPvwxQfX
— TRT World Now (@TRTWorldNow) August 30, 2025
انہوں نے کہا کہ اسکول کی عمارتوں کو عارضی پناہ گاہ کے طور پر استعمال کیا جا سکتا ہے، متاثرہ اضلاع میں مواصلاتی نظام کی فوری بحالی کو یقینی بنایا جائے، جبکہ ملتان، اوکاڑہ، ٹوبہ ٹیک سنگھ، ساہیوال اور رحیم یار خان کے اضلاع میں بروقت انخلا کو یقینی بنایا جائے۔
فضائی آپریشن معطل
سیلاب کے باعث سیالکوٹ ایئرپورٹ پر پروازیں عارضی طور پر معطل کر دی گئیں۔
پی آئی اے نے تمام آپریشن لاہور ایئرپورٹ پر منتقل کر دیے ہیں اور مسافروں کو کال سینٹر سے رابطے کی ہدایت کی گئی ہے۔
سندھ میں ہنگامی اقدامات
صوبائی حکومت نے کراچی میں بارش و سیلاب ایمرجنسی مانیٹرنگ سیل مکمل طور پر فعال کر دیا ہے جو 24 گھنٹے شکایات وصول کر کے متعلقہ اداروں کو بھیج رہا ہے۔
Watch: Pakistan's Punjab hit by floods ????
UAE residents say they 'can’t sleep in peace’ fear for families hit by Pakistan floods
READ MORE: https://t.co/0qqq7WQE76 pic.twitter.com/Uq3m0Ypbrz
— Khaleej Times (@khaleejtimes) August 30, 2025
محکمہ لائیو اسٹاک نے سندھ بھر میں 300 ویکسی نیشن کیمپس قائم کر دیے ہیں، ریسکیو 1122 کی ٹیمیں سکھر، لاڑکانہ، نوابشاہ، حیدرآباد اور دادو میں بھیجی گئی ہیں جبکہ صوبائی وزراء مختلف اضلاع کے دورے کر رہے ہیں۔
عوام سے اپیل
انتظامیہ نے کچے کے علاقوں میں رہائش پذیر شہریوں سے محفوظ مقامات پر منتقل ہونے اور ریسکیو ٹیموں سے تعاون کرنے کی اپیل کی ہے تاکہ جانی نقصان سے بچا جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان پنجاب سندھ سیلاب متاثرین سیلاب مریم نواز وزیراعلٰی پنجابذریعہ: WE News
کلیدی لفظ: پاکستان سیلاب متاثرین سیلاب مریم نواز مقامات پر کر دیا
پڑھیں:
دریاؤں میں پانی کے بہاؤ کی تازہ ترین صورتحال
پاکستان کے مختلف دریاؤں میں پانی کے بہاؤ کی تازہ ترین صورتحال کی رپورٹ کے مطابق دریائے سندھ میں گڈو کے مقام پر اونچے درجے کا سیلاب ہے جبکہ پانی کا بہاؤ 6 لاکھ 24 ہزار 456 کیوسک ریکارڈ ہوا۔ دریائے سندھ میں سکھر کے مقام پر اونچے درجے کا سیلاب ہے اور پانی کا بہاؤ 5 لاکھ 60 ہزار 890 کیوسک اور کوٹری کے مقام پر نچلے درجے کا سیلاب ہے۔ اسلام ٹائمز۔ پاکستان کے مختلف دریاؤں میں پانی کے بہاؤ کی تازہ ترین صورتحال جاری کر دی گئی۔ رپورٹ کے مطابق دریائے ستلج میں گنڈا سنگھ کے مقام پر درمیانے درجے کا سیلاب ہے اور پانی کا بہاؤ 1 لاکھ 1 ہزار 395 کیوسک، ہیڈ اسلام کے مقام پر درمیانے درجے کا سیلاب جبکہ پانی کا بہاؤ 81 ہزار 768 کیوسک ریکارڈ کیا گیا۔ دریائے چناب میں ہیڈ پنجند کے مقام پر درمیانے درجے کا سیلاب ہے اور پانی کا بہاؤ 2 لاکھ 87 ہزار 255 کیوسک ریکارڈ کیا گیا۔
رپورٹ کے مطابق دریائے سندھ میں گڈو کے مقام پر اونچے درجے کا سیلاب ہے جبکہ پانی کا بہاؤ 6 لاکھ 24 ہزار 456 کیوسک ریکارڈ ہوا۔ دریائے سندھ میں سکھر کے مقام پر اونچے درجے کا سیلاب ہے اور پانی کا بہاؤ 5 لاکھ 60 ہزار 890 کیوسک اور کوٹری کے مقام پر نچلے درجے کا سیلاب ہے جبکہ پانی کا بہاؤ 2 لاکھ 84 ہزار 325 کیوسک ریکارڈ کیا گیا۔
باغ میں ڈیجیٹل انقلاب، نوجوانوں کی خودکفالت میں سافٹ ویئر ہاؤس کا اہم کردار