یوکرین جنگ کے خاتمے پر ٹرمپ سے معاملات طے پا گئے ہیں، پیوٹن کا دعویٰ
اشاعت کی تاریخ: 1st, September 2025 GMT
روسی صدر ولادیمیر پیوٹن نے ایک حیران کن دعویٰ کرتے ہوئے کہا ہے کہ گزشتہ ماہ الاسکا میں ان کی امریکی صدر ڈونلڈ ٹرمپ سے ہونے والی ملاقات میں یوکرین جنگ کے خاتمے پر “افہام و تفہیم” ہو چکی ہے۔
برطانوی میڈیا کے مطابق پیوٹن نے اشارہ دیا کہ بات چیت میں اہم پیش رفت ہوئی ہے، تاہم انہوں نے اس سوال پر خاموشی اختیار کی کہ آیا وہ صدر ٹرمپ کی موجودگی میں یوکرینی صدر ولادیمیر زیلنسکی کے ساتھ براہِ راست امن مذاکرات کے لیے تیار ہوں گے یا نہیں۔
ادھر یورپی رہنما، خاص طور پر فرانسیسی صدر، پیوٹن سے یہ وضاحت مانگ چکے ہیں کہ وہ ان “طے پانے والے معاملات” کی نوعیت کیا ہے — اور اس کا جواب دینے کے لیے آج (پیر) تک کی مہلت دی گئی ہے۔
چین میں شنگھائی تعاون تنظیم (SCO) کے اجلاس سے خطاب کرتے ہوئے پیوٹن نے ایک بار پھر اپنے موقف کو دہراتے ہوئے کہا کہ یہ جنگ روس کے حملے کی وجہ سے نہیں، بلکہ یوکرین میں ایک مغرب نواز بغاوت کے نتیجے میں شروع ہوئی، جسے باہر سے بڑھاوا دیا گیا۔
انہوں نے واضح کیا کہ روس کی جانب سے یوکرین پر چڑھائی اس وقت ہوئی جب نیٹو کی توسیع مسلسل روسی سیکیورٹی کو چیلنج کر رہی تھی۔
پیوٹن نے چین اور بھارت کے کردار کو بھی سراہا اور ان کا شکریہ ادا کیا، جو کہ اس بحران میں ثالثی اور تعاون کی کوششیں کر رہے ہیں۔ یاد رہے کہ یہ دونوں ممالک روسی خام تیل کے بڑے خریدار ہیں — اور مغربی دنیا کا ماننا ہے کہ ان کی خریداری نے روسی معیشت کو پابندیوں کے باوجود سنبھالا دیا ہوا ہے۔
اجلاس کے بعد امریکی خصوصی ایلچی اسٹیو وٹکوف نے کہا کہ پیوٹن نے یوکرین کو کچھ سیکیورٹی ضمانتیں دینے پر آمادگی ظاہر کی ہے۔ تاہم ماسکو نے اس حوالے سے اب تک کوئی باضابطہ تصدیق نہیں کی۔
دوسری طرف، یوکرینی صدر ولادیمیر زیلنسکی نے پیوٹن کے کسی بھی ممکنہ بفر زون یا امن منصوبے کو مسترد کرتے ہوئے سخت ردعمل دیا۔ ان کا کہنا تھا روس جنگ کے خاتمے کے لیے سنجیدہ نہیں ہے، بلکہ وہ محض وقت حاصل کر رہا ہے تاکہ جنگ کو مزید طول دیا جا سکے۔
ذریعہ
ذریعہ: Daily Mumtaz
کلیدی لفظ: پیوٹن نے
پڑھیں:
پنجاب حکومت کے اقدامات دھرے کے دھرے رہ گئے‘بارشوں نے تباہی مچادی
لاہور(اردوپوائنٹ اخبارتازہ ترین-انٹرنیشنل پریس ایجنسی۔23 جولائی ۔2026 ) پنجاب حکومت کے اقدامات دھرے کے دھرے رہ گئے‘حکومتی دعوﺅں کے برعکس حالیہ بارشوں میں پنجاب میں اب تک 21 شہری جاں بحق اور 154 زخمی ہوئے، بارشوں میں چھتیں گرنے سے 15 افراد جاں بحق ہوئے‘کرنٹ لگنے سے 3 اور آسمانی بجلی گرنے سے 2 افرادجاں بحق ہوئے‘ بارش کے پانی میں ڈوبنے سے ایک شخص جاں بحق ہوا جبکہ 38 مکانات متاثر ہوئے.(جاری ہے)
پراونشل ڈیزاسٹر مینجمنٹ اتھارٹی (پی ڈی ایم اے) پنجاب نے مون سون بارشوں کے باعث نقصانات سے متعلق رپورٹ جاری کی ہے ترجمان پی ڈی ایم اے پنجاب کے مطابق مون سون بارشوں کے باعث پنجاب میں اب تک 21 شہری جاں بحق اور 154 زخمی ہوئے، بارشوں میں چھتیں گرنے سے 15 افراد جاں بحق ہوئے ڈی جی پی ڈی ایم اے نے کہا کہ جاں بحق افراد کے خاندانوں کو 10 سے 50 لاکھ روپے تک امداد فراہم کی جا رہی ہے. ادھرمحکمہ موسمیات نے ملک بھر میں موسلا دھار بارش کی پیش گوئی کر تے ہوئے نشیبی علاقے زیر آب اور لینڈ سلائیڈنگ کے خدشات ظاہر کیئے ہیں رپورٹ میں بتایا گیا ہے کہ پورے ملک میں تیز ہواﺅں اور گرج چمک کے ساتھ بیشتر مقامات پر وقفے وقفے سے بارش کا امکان ہے. صوبائی دارلحکومت لاہور میں آج ہونے والی بارش سے واپڈا ٹاﺅن‘ جوہر ٹاﺅن‘ گلبرگ اور ڈیفنس ‘ او پی ایف سوسائٹی‘ ایل ڈی اے ایونیو‘ فیصل ٹاﺅن‘ماڈل ٹاﺅن‘علامہ اقبال ٹاﺅن‘مسلم ٹاﺅن‘گارڈن ٹاﺅن‘سبزہ زار‘ملتان روڈسمیت شہر بھر میں تیزبارش سے شہر کی مرکزی شاہرائیں ندیوں کا منظرپیش کرتی رہیں جبکہ شہر کے نشیبی علاقوں میں پانی گھر میں داخل ہوگیا. شمالی لاہوراور اندرون شہر میں بھی بارش کی پانی کی وجہ سے معمولات زندگی شدید متاثرہوئے . محکمہ موسمیات کے مطابق آئندہ چند گھنٹوں کے دوران بھی مزید بارش کا امکان ہے محکمہ موسمیات کے مطابق شام کے وقت درجہ حرات 28ڈگری ریکارڈ کیا گیا جبکہ شہر میں 11 کلومیٹر فی گھنٹہ کی رفتار سے ہوائیں چل رہی ہیں تاہم ہوا میں نمی کا تناسب 95 فیصد تک پہنچ چکا ہے، جس کے باعث موسم مرطوب مگر خوشگوار محسوس کیا جا رہا ہے.
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار