ٹک ٹاک انفلوئنسر پورے خاندان سمیت قتل
اشاعت کی تاریخ: 2nd, September 2025 GMT
میکسیکو کے شہر گوادالاجارا میں ٹک ٹاک انفلوئنسر اسمرالڈا فیریر گریبے، ان کے شوہر، اور 2 بچوں کو گن پوائنٹ پر قتل کر کے پلاسٹک میں لپیٹ کر پک اپ ٹرک کے اندر پھینک دیا گیا، ایسا محسوس ہوتا ہے کہ یہ کسی کارٹل کی واردات ہو۔
خبر کے مطابق، اس خونی واقعے کی تمام 4 لاشیں ایک خالی گرے فورڈ رینجر ٹرک میں پائی گئیں۔
پراسیکیوٹر الفونسو گٹیرز سانتیان نے بتایا کہ سی سی ٹی وی فوٹیج کے ذریعے ٹرک کا راستہ قریب ہی واقع ایک آٹو ورکشاپ تک ٹریس کیا گیا، قتل اسی مقام پر کیا گیا تھا، وہاں خون کے داغ، فائر کی گئی گولیوں کے خول اور دیگر شواہد ملے۔
ابتدائی طور پر اس ورکشاپ کے 2 ملازمین کو گرفتار کیا گیا، تاہم ثبوتوں کی کمی کی وجہ سے انہیں ضمانت پر چھوڑ دیا گیا۔ حیرت انگیز طور پر، چند منٹ بعد وہ دونوں مسلح افراد کے ہاتھوں اغوا ہو گئے، جس میں ان کے 2 رشتہ دار بھی شامل تھے، جبکہ ایک بچ نکلا۔
یہ حملہ پوری مسلح افراد نے منصوبہ بندی کے ساتھ انجام دیا، جس سے اس واقعے کی منظم نوعیت کا پتہ چلتا ہے ۔
حالانکہ کوئی واضح ثبوت اس بات کی تصدیق نہیں کرتا کہ اسمرالڈا یا ان کے شوہر کارٹل کا حصہ تھے، تاہم میکسیکو کے نشریاتی ادارے El Financiero کی رپورٹ کے مطابق، ان کے شوہر، رابرٹو کارلوس گل لیسیہ، جو مشیواکان میں گاڑیوں کی فروخت اور ٹماٹر کی کاشت میں ملوث تھے، غالباً منظم جرائم پیشہ گروہوں کا ہدف بنے ۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ٹک ٹاک انفلوئنسر.
ذریعہ
ذریعہ: WE News
کلیدی لفظ: ٹک ٹاک انفلوئنسر
پڑھیں:
شہباز شریف سمیت حکومتی شخصیات کو 21 تحائف ملے، توشہ خانہ کا ریکارڈ جاری
فوٹو: فائلوزیراعظم اور نائب وزیراعظم سمیت مختلف اعلیٰ حکومتی شخصیات کو 21 قیمتی تحائف ملے، کابینہ ڈویژن نے اپریل تا جون توشہ خانہ کا ریکارڈ جاری کردیا۔
کابینہ ڈویژن کے مطابق وزیراعظم اور نائب وزیراعظم توشہ خانہ تحائف وصول کرنے والوں میں شامل ہیں۔ وزیراعظم شہباز شریف کو ایک شوگر باؤل، قیمتی قلم، مسجد نبویﷺ کا ماڈل، شیلڈ اور ٹائی بطور تحفہ ملی۔
دستاویز کے مطابق وزیراعظم کو چینی خلائی اسٹیشن کا ماڈل، ایک کپ، گھڑی اور شیلڈ بھی بطور تحفہ ملی۔
دستاویز کے مطابق نائب وزیراعظم کو چمڑے سے بنا چینی بیلٹ، مصری اسٹیچو کا ماڈل اور کف لنکس بطور تحفہ ملے۔
دونوں اعلیٰ ترین حکومتی شخصیات نے حاصل ہونے والے تحائف توشہ خانہ میں جمع کرا دیے۔ کابینہ ڈویژن کے مطابق وزیراعظم اور نائب وزیراعظم کو ملنے والے تحائف کی قیمتوں کا تخمینہ لگایا جا رہا ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا