کرسٹیانو رونالڈو سعودی عرب کی نئی سیاحتی مہم کا حصہ بن گئے
اشاعت کی تاریخ: 2nd, September 2025 GMT
ریاض (اسپورٹس ڈیسک) عالمی شہرت یافتہ فٹبالر کرسٹیانو رونالڈو سعودی عرب کی نئی سیاحتی مہم “Unreal Calendar” کا حصہ بن گئے ہیں۔ اس مہم کا مقصد کھیلوں اور ثقافتی ایونٹس کو دنیا بھر میں متعارف کرانا ہے۔
اس مہم کے تحت ایک منٹ کی خصوصی ویڈیو تیار کی گئی ہے جس میں رونالڈو اپنی آواز شامل کرتے ہیں۔ ویڈیو میں انہیں سعودی عرب کے بڑے کھیلوں کے مقابلوں کا لطف اٹھاتے اور النصر کلب کے لیے کھیلتے ہوئے دکھایا گیا ہے۔ آخر میں وہ کہتے ہیں: “میں فٹبال کے لیے آیا تھا لیکن یہاں اور بھی بہت کچھ ہے۔”
یہ ویڈیو یورپ، بھارت اور چین سمیت کئی ملکوں میں دکھائی جائے گی۔ سعودی عرب آئندہ برسوں میں کئی بڑے عالمی مقابلوں کی میزبانی کرے گا جن میں فیفا ورلڈ کپ 2034، ایشین کپ 2027، ای اسپورٹس اولمپکس 2027 اور ایشین ونٹر گیمز 2029 شامل ہیں۔ اس کے علاوہ فارمولا ون، گالف، ٹینس اور سعودی پرو لیگ جیسے ایونٹس ہر سال منعقد کیے جا رہے ہیں۔
وزیر سیاحت احمد الخطيب نے کہا ہے کہ سعودی عرب کھیلوں اور ثقافتی تقریبات کے ساتھ ساتھ اپنی روایات اور مہمان نوازی کے باعث دنیا بھر کے لوگوں کے لیے پرکشش مقام بن رہا ہے۔
رونالڈو، جو 2022 میں النصر کلب سے وابستہ ہوئے اور 2027 تک اپنا معاہدہ بڑھا چکے ہیں، کا کہنا ہے کہ سعودی عرب کھیلوں کا مستقبل بنا رہا ہے۔ ان کے مطابق یہ ملک اپنی ثقافت کو سنبھالے ہوئے ہے اور ساتھ ہی نوجوان نسل کے لیے نئے مواقع پیدا کر رہا ہے۔
سعودی حکومت نے سیاحت کے شعبے کو فروغ دینے کے لیے اربوں ڈالر کی سرمایہ کاری کی ہے۔ حکام کا ہدف ہے کہ 2030 تک سیاحت ملکی معیشت کا اہم ستون بن جائے۔
Post Views: 6.ذریعہ: Daily Mumtaz
کلیدی لفظ: کے لیے
پڑھیں:
سوشل میڈیا پر وائرل سعودی اسکائی اسٹیڈیم کا راز کھل گیا
data-id="863a0a8" data-element_type="widget" data-widget_type="theme-post-content.default">
سوشل میڈیا پر سعودی عرب کے ’اسکائی اسٹیڈیم‘ کی جو ویڈیو وائرل ہو رہی ہے وہ جعلی نکلی ہے۔
خبر ایجنسی کے مطابق مصنوعی ذہانت سے تیار کی گئی اس ویڈیو کو غلط فہمی کے تحت 2034 ورلڈ کپ کے اسٹیڈیم کا ڈیزائن سمجھ لیا گیا تھا جبکہ حقیقت میں اس کا سعودی حکومت کے کسی سرکاری منصوبے سے کوئی تعلق نہیں ہے۔
ایجنسی سے بات کرنے والے اس ویڈیو کے خالق نے بھی تصدیق کی ہے کہ یہ صرف ایک اے آئی تصور تھا اور اس نے کسی سرکاری سعودی پروجیکٹ کو بنیاد بنا کر یہ ویڈیو تیار نہیں کی تھی۔ ان کا کہنا تھا کہ لوگ اسے حقیقت سمجھ کر پھیلا رہے ہیں جبکہ یہ محض ایک تخیلاتی آئیڈیے کی پیشکش ہے۔
واضح رہے کہ اس ویڈیو نے دنیابھر کی توجہ اپنی طرف کھینچی ہے اور اسے اب تک 5 کروڑ سے زائد بار دیکھا جا چکا ہے، جس کے بعد یہ معاملہ سوشل میڈیا پر بطور ایک حقیقی اسٹیڈیم ڈیزائن تیزی سے گردش کر رہا تھا تاہم اب اس کی حقیقت واضح ہو گئی ہے۔
حیدر آباد میں ڈینگی سے ہلاک نوجوان کے والد عدالت پہنچ گئے