خیبر پختونخوا کے تمام اسکولوں میں اسمبلی کے دوران درود شریف لازمی قرار
اشاعت کی تاریخ: 2nd, September 2025 GMT
خیبر پختونخوا حکومت نے صوبے کے تمام اسکولوں میں صبح کی اسمبلی کے دوران 3 مرتبہ درود شریف پڑھنا لازمی قرار دے دیا ہے، جو تلاوتِ قرآن پاک اور قومی ترانے کے بعد پڑھا جائے گا۔
ڈائریکٹوریٹ آف ایلیمنٹری اینڈ سیکنڈری ایجوکیشن خیبر پختونخوا نے اس حوالے سے تمام ڈسٹرکٹ ایجوکیشن آفیسرز، ڈپٹی ڈسٹرکٹ ایجوکیشن آفیسرز، ایس ای ڈی اوز اور اے ایس ڈی ای اوز کو ہدایات جاری کردی ہیں۔
یہ بھی پڑھیں: خیبر پختونخوا حکومت کا ’علم پیکٹ پروگرام‘ کیا ہے؟
ڈائریکٹوریٹ نے تمام افسروں کو حکم دیا ہے کہ وہ اپنے اضلاع میں اسکولوں کی اسمبلیوں کا معائنہ کریں تاکہ نظم و ضبط، وقت کی پابندی، طلبہ کی شمولیت اور سرگرمیوں جیسے تلاوت، قومی ترانہ، دن کی سوچ اور اہم اعلانات کا مؤثر انعقاد یقینی بنایا جا سکے۔
نوٹیفکیشن کے مطابق اسمبلی کے دوران 3 مرتبہ درود شریف پڑھنے کی بھی ہدایت کی گئی ہے۔ ’مزید یہ کہ اسمبلی کے دوران قرآن پاک کی چند آیات کی تلاوت کے بعد 3 بار درود شریف پڑھا جائے اور پھر قومی ترانہ پیش کیا جائے۔‘
مزید پڑھیں: صوبہ خیبر پختونخوا میں پہلی بار انسانی اعضا عطیہ کرنے کے لیے رجسٹریشن شروع
وزیر اعلیٰ خیبر پختونخوا علی امین گنڈاپور نے یہ نوٹیفکیشن اپنے فیس بک پیج پر شیئر کرتے ہوئے کہا کہ یہ اقدام پی ٹی آئی کے بانی چیئرمین عمران خان کے مدینہ کی ریاست کے وژن کے مطابق کیا گیا ہے۔
عمران خان نے اپنے وزیراعظم کے دور میں وعدہ کیا تھا کہ پاکستان میں اصلاحات لائی جائیں گی جو ریاست مدینہ کے اصولوں کے مطابق ہوں گی، جہاں اسلامی تعلیمات پر عمل کیا جاتا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسکول اسمبلی تلاوت خیبر پختونخوا درود شریف ڈائریکٹوریٹ آف ایلیمنٹری اینڈ سیکنڈری ایجوکیشن علی امین گنڈاپور قومی ترانہ وزیر اعلی.ذریعہ: WE News
کلیدی لفظ: اسکول اسمبلی تلاوت خیبر پختونخوا درود شریف علی امین گنڈاپور وزیر اعلی اسمبلی کے دوران خیبر پختونخوا درود شریف
پڑھیں:
بھارتی قومی اسمبلی (لوک سبھا) کے 93 فیصد ارکان کروڑ و ارب پتی بن گئے، عوام بدحال؛ رپورٹ
بھارت کے تحقیقی ادارے ایسوسی ایشن فار ڈیموکریٹک ریفارمز کی تازہ رپورٹ میں انکشاف ہوا ہے کہ بھارتی قومی اسمبلی (لوک سبھا) میں بیٹھے 93فیصد ارکان کروڑ پتی یا ارب پتی بن چکے ہیں۔
سب سے زیادہ ایسے ارکان حکمران جماعت بی جے پی سے تعلق رکھتے ہیں جن کی تعداد کل ارکان 240میں سے235 ہے۔ صرف 5 ارکان کے اثاثے 1 کروڑ روپے سے کم ہیں۔
یاد رہے نریندر مودی کی زیر قیادت 2014ء میں بی جے پی نے یہ نعرہ لگا کر الیکشن جیتا تھا کہ وہ بھارت سے ایلیٹ کلچر کا خاتمہ کرکے عوام کی حکومت لائے گی مگر صرف 10سال میں الٹی گنگا بہنے لگی اور بی جے پی امیر ترین بھارتی سیاسی جماعت بن چکی ہے۔
عام بھارتی بدحال لیکن مودی کی تان پاکستان دشمنی پر ٹوٹتی ہے، رپورٹ میں کہا گیا کہ بھارت میں اب جمہوریت الیکشن لڑنے والوں کے لیے کمائی کا ذریعہ بن چکی ہے۔
لہٰذا حکومتی نظام کو اصلاحات نہیں بلکہ اس کی ضرورت کہ اسے کرپٹ امرا کے چنگل سے آزاد کرایا جائے تاکہ عام آدمی غربت، بیروزگاری اور مہنگائی سے نجات پا سکے۔
9مئی و دیگر 5 کیسز؛ عمران خان کو عدالت یا بذریعہ ویڈیو لنک پر پیش کرنے کا حکم