کوئٹہ دھماکا: جاں بحق افراد کی تعداد 13 ہوگئی، وزیراعلیٰ کا ضرورت پڑنے پر ایئر سروس مہیا کرنے کا اعلان
اشاعت کی تاریخ: 3rd, September 2025 GMT
کوئٹہ کے علاقے سریاب روڈ پر ہونے والے دھماکے میں جاں بحق افراد کی تعداد بڑھ کر 13 ہو گئی ہے جبکہ 31 زخمیوں کو سول اسپتال منتقل کیا گیا ہے۔
محکمہ صحت کے میڈیا کوآرڈینیٹر ڈاکٹر وسیم بیگ کے مطابق زخمیوں کو سول اسپتال کے ٹراما سینٹر میں طبی امداد فراہم کی جا رہی ہے۔
یہ بھی پڑھیے: کوئٹہ میں بی این پی کے جلسے کے بعد دھماکا، اختر مینگل بال بال بچے
دوسری طرف وزیراعلیٰ بلوچستان میر سرفراز بگٹی نے ہدایت کی ہے کہ تمام زخمیوں کو بہترین طبی سہولیات فراہم کی جائیں اور اگر ڈاکٹرز کی تجویز پر کسی بھی مریض کو کراچی منتقل کرنا ضروری ہو تو حکومت بلوچستان کی فضائی سروسز بروئے کار لائی جائیں گی۔
ان کا کہنا تھا کہ زخمی افراد کی طبی ریلیف کے لیے حکومت کے تمام وسائل دستیاب ہیں۔
پولیس کے مطابق علاقے کو گھیرے میں لے کر شواہد اکٹھے کرنے کا عمل جاری ہے جبکہ ابتدائی تحقیقات میں یہ دھماکہ خودکش معلوم ہوتا ہے۔
یاد رہے کہ گزشتہ دن بلوچستان کے دارالحکومت کوئٹہ میں بلوچستان نیشنل پارٹی (بی این پی) مینگل کے جلسے کے بعد دھماکا ہوا ہے جس میں ابتدائی طور پر 5 افراد جاں بحق اور 29 زخمی ہوگئے، تاہم اختر مینگل بال بال بچ گئے۔
یہ بھی پڑھیں: کوئٹہ کے علاقے کوہلو میں بم دھماکہ، 2سیکورٹی اہلکار جاں بحق
پولیس کے مطابق کوئٹہ میں سریاب روڈ پر شاہوانی اسٹیڈیم کے قریب دھماکا ہوا ہے، دھماکے کے بعد علاقے میں شدید بھگدڑ مچ گئی۔
واضح رہے کہ شاہوانی اسٹیڈیم میں سردار عطا اللہ مینگل کی چوتھی برسی کے سلسلے میں بلوچستان نیشنل پارٹی کا جلسہ جاری تھا۔ پولیس کا کہنا ہے کہ دھماکا جلسے کے اختتام کے بعد ہوا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اختر مینگل بلوچستان بلوچستان نیشنل پارٹی خودکش دھماکا سریاب روڈ دھماکا عطا اللہ مینگل.
ذریعہ
ذریعہ: WE News
کلیدی لفظ: اختر مینگل بلوچستان بلوچستان نیشنل پارٹی خودکش دھماکا سریاب روڈ دھماکا عطا اللہ مینگل کے بعد
پڑھیں:
پیٹرول پمپس اونرز ایسوسی ایشن کاکل کی ہڑتال مؤخر کرنے کا اعلان
اسلام آباد(ڈیلی پاکستان آن لائن)پیٹرول پمپس اونرز ایسوسی ایشن اور ڈیلرز ایسوسی ایشن نے کل کی ہڑتال مؤخر کرنے کا اعلان کردیا۔پاکستان پیٹرولیم ڈیلرز ایسوسی ایشن کی جانب سے جاری بیان میں کہا گیا کہ ہڑتال کی کال مؤخر کردی، حکومت نے پیٹرول ڈیلرز کا مارجن بڑھانے کی یقین دہانی کرائی ہے، حکومتی یقین دہانی پر احتجاج کی کال مؤخر کرتے ہیں۔سیکرٹری اطلاعات پیٹرول پمپس اونرز ایسوسی ایشن ندیم خان نے کہا کہ ہمیں یقین دہانی کرائی گئی ہے کہ ہمارے مطالبات پورے کیے جائیں گے، امید ہے کہ دو ہفتوں میں پمپس اونرز کے کمیشن کامعاملہ حل ہوجائے گا، یومیہ نرخ کا نظام بھی دو ہفتے ٹرائل بیسز پر چلانے کا کہا گیا ہے۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
مزید :
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار