اپنی شادی پر سلمان خان سے یہ توقع نہ تھی، اداکارہ بھاگیاشری کا انکشاف
اشاعت کی تاریخ: 3rd, September 2025 GMT
فلم ’میں نے پیار کیا‘ سے شہرت حاصل کرنے والی بھارتی اداکارہ بھاگیاشری نے حال ہی میں اپنے ساتھی اداکار سلمان خان کے ساتھ اپنی خصوصی وابستگی پر بات کرتے ہوئے انکشاف کیا کہ جب انہوں نے ہمالیہ داسانی سے شادی کی تو اس جذباتی لمحے میں سلمان خان نے ان کا ساتھ دیا۔
بھاگیاشری نے ایک گفتگو کے دوران بتایا کہ جب انہوں نے شادی کا فیصلہ کیا تو ان کے خاندان کی طرف سے کوئی موجود نہیں تھا، صرف اداکار سلمان خان ساتھ کھڑے تھے۔
یہ بھی پڑھیں: سلمان خان کے والد اور والدہ کی ویڈیو کیوں دھوم مچا رہی ہے؟
’وہ آخری شخص تھے جو شادی کے بعد وہاں سے رخصت ہوئے۔ یہ میرے لیے بہت خوشگوار اور غیر متوقع لمحہ تھا، سلمان شرارتی ضرور تھے لیکن بہت ہی پیارے انسان بھی تھے۔‘
بھاگیاشری کے مطابق سلمان خان ہمیشہ ان کے لیے ایک محافظ کی طرح رہے۔ ’میرے لیے سلمان ہمیشہ وہ شخصیت رہے جو میرا ساتھ دیتے تھے، وہ بہت حفاظتی مزاج کے تھے۔‘
بھاگیاشری کا کہنا تھا کہ سلمان خان نے جس طرح کی شہرت اور مقبولیت دیکھی ہے، ان کا خیال نہیں کہ آج کے کسی نوجوان اداکار کو اس سطح کی مقبولیت اور جنون حاصل ہو سکے گا۔ ’یہ بالکل ویسا ہی تھا جیسا راجیش کھنہ کے زمانے میں تھا۔‘
مزید پڑھیں:’میں 3 بڑی بیماریوں سے لڑ رہا ہوں‘، بالی ووڈ اداکار سلمان خان کے انکشافات
یاد رہے کہ والدین کی جانب سے شادی کی مخالفت پر بھاگیاشری نے ہمالیہ داسانی کے ساتھ گھر سے بھاگ کرشادی کی، تقریب سادہ اور محدود تھی لیکن اس میں سلمان خان کی موجودگی ان کے لیے سہارا بنی۔
شادی کے بعد بھاگیاشری نے فلمی دنیا سے کنارہ کشی اختیار کر لی اور گھریلو زندگی پر توجہ دی۔ ان کے دو بچے، ابھیمنیو اور اوانتیکا، اب فلمی دنیا میں قدم رکھ چکے ہیں۔
اداکارہ ایک بار پھر بڑی اسکرین پر واپسی کے لیے تیار ہیں۔ وہ ریتیش دیشمکھ کی ہدایت کاری میں بننے والی فلم ’راجا شیواجی‘ میں جلوہ گر ہوں گی، جس میں سنجے دت، جنیلیا دیشمکھ، ابھیشیک بچن اورفردین خان بھی شامل ہیں۔ یہ فلم یکم مئی 2026 کو ریلیز ہوگی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ابھیشیک بچن بھارتی اداکارہ بھاگیاشری راجا شیواجی راجیش کھنہ ریتیش دیشمکھ سلمان خان شادی فلمی دنیا ہمالیہ داسانی.ذریعہ: WE News
کلیدی لفظ: ابھیشیک بچن بھارتی اداکارہ بھاگیاشری راجا شیواجی راجیش کھنہ ریتیش دیشمکھ فلمی دنیا ہمالیہ داسانی کے لیے
پڑھیں:
شوبز انڈسٹری بدل گئی ہے، اب ڈرامے بنا کر خود کو لانچ کیا جارہا ہے، غزالہ جاوید کا انکشاف
سینئر اداکارہ غزالہ جاوید نے انکشاف کیا ہے کہ شوبز انڈسٹری میں وقت کے ساتھ بڑے پیمانے پر تبدیلیاں آئی ہیں، اب انڈسٹری میں لوگ پیسے لگا کر ڈرامے اور سیریلز بناتے ہیں تاکہ خود کو یا اپنی بچیوں کو لانچ کرسکیں۔
غزالہ جاوید نے حال ہی میں مزاحیہ پروگرام ’مذاق رات‘ میں شرکت کی، جہاں انہوں نے اپنے کیریئر اور شوبز انڈسٹری کے حوالے سے کھل کر گفتگو کی۔
اداکارہ نے بتایا کہ ماضی میں جب معروف فنکار معین اختر حیات تھے تو اس وقت انہیں کئی سیاسی جماعتوں کی جانب سے شمولیت کی پیشکشیں ہوئیں، متعدد لوگ ان کے گھر آئے اور انہیں اپنی سیاسی پارٹی میں شامل ہونے کی دعوت دی، تاہم معین اختر نے انہیں مشورہ دیا کہ کسی بھی سیاسی پارٹی کا حصہ نہ بنیں کیونکہ ایک فنکار سب کا ہوتا ہے، اس لیے وہ کسی ایک کا نہیں ہوسکتا۔
ان کے مطابق معین اختر نے کہا کہ فنکار کا دل اتنا بڑا ہوتا ہے کہ وہ سب سے پیار کرتا ہے اور سب اس سے محبت کرتے ہیں، اس لیے خود کو کبھی محدود نہ کریں۔
اپنے کیریئر کے آغاز کے حوالے سے غزالہ جاوید نے بتایا کہ اس وقت ڈراموں کا معیار بہت اعلیٰ تھا، پی ٹی وی پر مہینوں ریہرسل کی جاتی تھی، لیکن وہ اتنی محنت کرنے کی خواہش مند نہیں تھیں، اسی لیے چند سیریلز کرنے کے بعد انہوں نے فیصلہ کیا کہ ڈراموں میں مزید کام نہیں کریں گی۔
اداکارہ کے مطابق ایک موقع پر معین اختر نے انہیں مزاحیہ اسکٹ میں کام کرنے کی پیشکش کی، لیکن انہوں نے انکار کردیا کیونکہ وہ ڈرتی تھیں کہ اتنے بڑے فنکار کے سامنے ان کی کوئی حیثیت نہیں ہوگی اور وہ زیادہ محنت بھی نہیں کرنا چاہتی تھیں، تاہم بعد میں وہ راضی ہوگئیں۔
ان کا یہ بھی کہنا تھا کہ آج کل لوگ پیسے دے کر انڈسٹری میں آرہے ہیں، ڈرامے اور سیریلز بنارہے ہیں تاکہ خود کو یا اپنی بچیوں کو لانچ کرسکیں۔
انہوں نے بتایا کہ ماضی میں شوبز میں آنے پر گھر والے اعتراض کرتے تھے اور واویلا مچ جاتا تھا، لیکن آج کل وہی لوگ چاہتے ہیں کہ اگر کوئی جاننے والا شوبز میں ہے تو وہ اس کے ذریعے کام حاصل کرلیں۔
اداکارہ کے مطابق اب جو نئی اداکارائیں آرہی ہیں وہ زیادہ تعلیم یافتہ ہیں اور انہیں پرانی نسل کی طرح پابندیوں کا سامنا بھی نہیں کرنا پڑتا۔
یادگار آپریشن سومنات میں پاک بحریہ نےبھارتی مواصلاتی نظام تباہ کیاتھا، وزیراعظم کایوم بحریہ پر پیغام