سیلاب متاثرہ بیشتر علاقوں میں بجلی بحال کردی گئی
اشاعت کی تاریخ: 3rd, September 2025 GMT
پاور ڈویژن نے سیلاب سے متاثرہ علاقوں میں اب تک مجموعی طور پر 49 گرڈ اور 487 متاثرہ فیڈرز میں سے 222 کو مکمل اور 127 کو عارضی طور پر بحال کر کے 1266928 صارفین کی بجلی بحال کر دی ہے ۔
بجلی کی بحالی پر پاور ڈویژن کی 3 ستمبر تک کی رپورٹ کے مطابق سیلاب کے باعث پیسکو کے علاقے سوات، بونیر، شانگلہ ، صوابی اور ڈی آئی خان کے 12 گرڈز اور 91 فیڈرز متاثر ہوئے جن میں سے 85 فیڈرز مکمل اور 6 کو جزوی طور پر بحال کر کے463375 متاثرہ صارفین میں سے 459921 صارفین کی بجلی بحال کر دی گئی ہے۔
یہ بھی پڑھیں: سیلاب متاثرہ علاقوں میں مواصلات کا نظام اور بجلی فوری بحال کی جائے، وزیراعظم کی ہدایت
پیسکو کے باقی 3454 متاثرہ صارفین کے لئے بجلی کی بحالی کا کام 4 سے 11 ستمبر تک مکمل کر لیا جائے گاجبکہ صوابی اور ڈی آئی خان میں بجلی کی بحالی کا کام مکمل ہو چکا ہے۔
گیپکوکے کے 11 گرڈز اور 103 متاثرہ فیڈرز میں سے 83 فیڈرز مکمل اور 13 جزوی طور پر بحال کر کے 735995 متاثرہ صارفین میں سے 631495 صارفین کی بجلی بحال کر دی گئی، گیپکو کے باقی 104500 متاثرہ صارفین کے لئے بجلی بحالی کا کام سیلاب کا پانی اترنے پر مکمل کر لیا جائے گا۔
لیسکو میں لاہور، اوکاڑہ ، شيخوپورہ، قصور اور ننکانہ کے 67 متاثرہ فیڈرز میں سے 31 مکمل اور 36 جزوی طور پر بحال کر کے 75681 متاثرہ صارفین میں سے 59590 صارفین کی بجلی بحال کر دی گئی ہے، باقی 16091 متاثرہ صارفین کے لئے بجلی کی بحالی کا کام 4 سے 5 ستمبر تک مکمل کر لیا جائے گا۔
یہ بھی پڑھیں: سیلاب زدہ علاقوں میں بجلی کب تک بحال کر دی جائے گی؟ وزارتِ توانائی نے بتادیا
فیسکو کے زیرِ انتظام علاقوں ٹوبہ ٹیک سنگھ، فیصل آباد ، چنیوٹ، جھنگ، سرگودھا ، میانوالی اور ڈی آئی خان کے 26 گرڈ اور 76 فیڈرز متاثر ہوئے، متاثرہ فیڈرز میں سے 18 مکمل اور 54 عارضی طور پر بحال کر کے 194344 متاثرہ صارفین میں سے 83185 صارفین کی بجلی بحال کر دی گئی ہے۔ فیسکو کے باقی 111159 متاثرہ صارفین کی بجلی کی بحالی کا کام 4 سے 5 ستمبر تک مکمل کر لیا جائے گا ۔
میپکو کے زیرِ انتظام علاقوں میں 134 فیڈرز متاثر ہوئے، 88818 صارفین متاثر ہوئے، میپکو کے زیرِ انتظام علاقوں میں پانی اترتے ہی متاثرہ فیڈرز کی مکمل بحالی کا کام شروع ہو جائے گا۔
اس طرح ٹیسکو کے علاقے شمالی وزیرستان اور خیبر کے 13 فیڈرز متاثرہوئے جن میں سے 2 فیڈر مکمل اور 9 فیڈر عارضی طور پر بحال کر کے ٹیسکو کے 25433 متاثرہ صارفین میں سے 9072 صارفین کی بجلی بحال کر دی گئی ہے جبکہ باقی 16361 متاثرہ صارفین کی بجلی کی بحالی کا کام 5 ستمبر شام 5 بجے تک مکمل ہونے کی توقع ہے۔
یہ بھی پڑھیں: کراچی: بارش سے سڑکوں پر سیلابی صورتحال، کئی علاقے بجلی سے محروم
مزید برآں ہیزکو کے زیرِ انتظام علاقے مانسہرہ کے 3 متاثرہ فیڈر مکمل طور پر بحال کر دیے گئے ہیں۔ پاور ڈویژن نے کہا ہے کہ متاثرہ علاقوں میں بجلی کی مکمل بحالی اولین ترجیح ہے، متاثرہ علاقوں میں جلد بجلی مکمل طور پر بحال کر دی جائے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news بجلی پاور ڈویژن پیسکو ٹیسکو سیلاب فیسکو گیگو لیسکو ہیزکو.
ذریعہ
ذریعہ: WE News
کلیدی لفظ: بجلی پاور ڈویژن پیسکو ٹیسکو سیلاب فیسکو لیسکو ہیزکو صارفین کی بجلی بحال کر دی گئی ہے متاثرہ صارفین میں سے بجلی کی بحالی کا کام متاثرہ فیڈرز میں سے مکمل کر لیا جائے گا متاثرہ علاقوں میں طور پر بحال کر کے فیڈرز متاثر متاثر ہوئے پاور ڈویژن ستمبر تک مکمل اور میں بجلی تک مکمل کے زیر
پڑھیں:
مریم نواز کا اربن فلڈنگ اور سیلاب سے نمٹنے کے لیے وسائل بروئے کار لانے کا حکم
وزیر اعلیٰ پنجاب مریم نواز نے اربن فلڈنگ اور سیلاب سے نمٹنے کے لیے انسانی و مکینل وسائل بروئے کار لانے کا حکم دے دیا ہے۔ وزیر اعلیٰ پنجاب مریم نواز کا کہنا ہے کہ دریاؤں، ڈیموں اور بیراج پر نہانے پر پابندی یقینی بنائی جائے اور دریاؤں، ڈیموں اور بیراج کی ڈرون سے مانیٹرنگ کی جائے۔انہوں نے کہا کہ عوام کو بارش اور فلڈ سے آگاہ کرنے کے لیے مساجد اور میڈیا پر اعلانات کیے جائیں۔کرنٹ لگنے سے ہلاکتوں پر مریم نواز نے لیسکو اور دیگر بجلی تقسیم کار کمپنیوں کو نوٹس لینے کا حکم دیتے ہوئے کہا کہ بجلی تقسیم کار کمپنیوں کی غفلت کی وجہ سے لوگ جان سے ہاتھ دھو رہے ہیں۔انہوں نے کہا کہ کھمبوں پر بجلی کے بے ہنگم لٹکتے تار انسانی جانوں کے لیے خطرہ بن چکے ہیں۔ وزیر اعلیٰ نے واسا کمپلینٹ ہیلپ لائن پر فوری ایکشن کا ریکارڈ مرتب کرنے کی ہدایت کی۔مریم نواز نے مون سون کے دوران ہر کنسٹرکشن سائٹ کو باقاعدہ محفوظ بنانے کی ہدایت دی اور کہا کہ انتظامیہ خستہ حال عمارتوں کا جائزہ لے کر رضاکارانہ طور پر خالی کروائے۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم