اینٹی ٹرسٹ کیس میں گوگل بڑی کارروائی سے بچ گیا
اشاعت کی تاریخ: 3rd, September 2025 GMT
اینٹی ٹرسٹ کیس میں گوگل بڑی کارروائی سے بچ گیا ہے۔
امریکی وفاقی جج نے فیصلہ دیا ہے کہ گوگل کو اپنا کروم براؤزر فروخت نہیں کرنا پڑے گا، تاہم اسے اپنے حریف اداروں کے ساتھ سرچ ڈیٹا شیئر کرنا ہوگا۔
یہ بھی پڑھیں: گوگل پر پوری دنیا کی کل دولت سے زائد جرمانہ کیوں عائد کیا گیا؟
برطانوی نشریاتی ادارے بی بی سی کے مطابق ڈسٹرکٹ جج امیت مہتا کی جانب سے یہ اقدامات کئی سالہ عدالتی کارروائی کے بعد سامنے آئے ہیں، جس میں گوگل پر آن لائن سرچ میں اجارہ داری قائم رکھنے کا الزام تھا۔ مقدمہ اس بات پر مرکوز تھا کہ گوگل نے اپنے اینڈرائیڈ، کروم اور ایپل جیسے دیگر اداروں کی مصنوعات پر خود کو ڈیفالٹ سرچ انجن کے طور پر قائم رکھا۔
فیصلے کے مطابق گوگل کروم اپنے پاس رکھ سکے گا لیکن وہ کسی بھی کمپنی کے ساتھ خصوصی معاہدے نہیں کر سکے گا اور سرچ ڈیٹا حریف کمپنیوں کے ساتھ بانٹنا ہوگا۔
یہ بھی پڑھیں: کیا گوگل نے 7 اکتوبر کے بعد اسرائیلی فوج کو مصنوعی ذہانت کے آلات فراہم کیے؟
گوگل نے اس فیصلے کو اپنی فتح قرار دیا اور کہا کہ مصنوعی ذہانت (AI) کی ترقی نے اس نتیجے میں اہم کردار ادا کیا ہے کیونکہ اب صارفین کے پاس معلومات تلاش کرنے کے کئی نئے ذرائع موجود ہیں۔
کمپنی نے مزید کہا کہ یہ فیصلہ اس بات کو واضح کرتا ہے کہ مارکیٹ میں مقابلہ سخت ہے اور صارفین اپنی مرضی سے سروسز منتخب کر سکتے ہیں۔
یہ بھی پڑھیں: گوگل کروم کے صارفین کو سیکیورٹی خطرات کا سامنا، بچا کیسے جائے؟
گوگل نے ابتدا سے ہی غلط معلومات کے الزامات کی تردید کی اور مؤقف اپنایا کہ مارکیٹ میں اس کی مضبوط پوزیشن دراصل بہتر معیار اور صارفین کی پسندیدگی کا نتیجہ ہے۔ گزشتہ سال جج مہتا نے قرار دیا تھا کہ گوگل نے آن لائن سرچ مارکیٹ میں اجارہ داری قائم کرنے اور اسے برقرار رکھنے کے لیے غیرمنصفانہ طریقے استعمال کیے جو امریکی قانون کی خلاف ورزی تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news امریکی عدالت اینٹی ٹرسٹ کیس سرچ انجن کروم گوگل.
ذریعہ
ذریعہ: WE News
کلیدی لفظ: امریکی عدالت اینٹی ٹرسٹ کیس گوگل گوگل نے ا
پڑھیں:
ایران کے ساتھ مذاکرات جاری ہیں، ڈونلڈ ٹرمپ
امریکا کے صدر ڈونلڈ ٹرمپ نے ایران کے ساتھ مذاکرات معطلی کی رپورٹس کو بے بنیاد قرار دیتے ہوئے کہا ہے کہ ہمارے درمیان مذاکرات جاری ہیں۔
سوشل میڈیا پلیٹ فارم ٹرتھ سوشل پر جاری بیان میں ڈونلڈ ٹرمپ نے کہا کہ یہ جعلی خبریں کہ ایران اور امریکا کے درمیان چند روز قبل بات چیت بند ہوئی ہے، یہ سب غلط اور بے بنیاد خبریں ہیں۔
انہوں نے کہا کہ ہمارے درمیان بات چیت مسلسل جاری ہے جو چار دن پہلے، تین دن پہلے، دو دن پہلے، ایک دن پہلے اور آج بھی جاری رہے ہیں۔
ڈونلڈ ٹرمپ نے مذاکرات کے حوالے سے کہا کہ یہ کہاں تک پہنچتے ہیں کوئی نہیں جانتا لیکن میں نے ایران کو کہا ہے کہ کسی نہ کسی صورت آپ معاہدہ کریں، آپ گزشتہ 47 سال سے یہی کر رہے ہیں اور اس کو کسی صورت مزید جاری رکھنے کی اجازت نہیں دی جاسکتی ہے۔
https://truthsocial.com/@realDonaldTrump/posts/116681581361115247قبل ازیں امریکی سیکریٹری اسٹیٹ مارکو روبیو نے سینیٹ کی خارجہ کمیٹی کو بتایا ہے کہ ایران کے جوہری پروگرام پر مذاکرات میں چند ماہ کا عرصہ لگ سکتا ہے اور اس کے لیے ماہرین کی ٹیم درکار ہوگی جو معاملات طے کرے گی۔
انہوں نے کہا کہ ایران کے ساتھ معاہدے کے لیے بغیر ٹول کے آبنائے ہرمز بحال کرنے کی ضرورت ہے جبکہ امریکا نے آبنائے ہرمز کی بحالی کے لیے ایران کو پابندیوں میں نرمی کی پیش کش نہیں کی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ