دریائے چناب و ستلج میں بلند ترین سیلاب، 41 اموات اور لاکھوں متاثر،حکومت کا بڑے ریلیف آپریشن کا دعویٰ
اشاعت کی تاریخ: 4th, September 2025 GMT
مون سون بارشوں کے باعث پاکستان میں سیلابی صورتحال سنگین ہو گئی ہے۔ دریائے چناب، راوی اور ستلج میں اونچے درجے کے سیلاب نے پنجاب کے کئی اضلاع کو اپنی لپیٹ میں لے لیا ہے۔
یہ بھی پڑھیں:سیلاب کے دوران امدادی کارروائیوں کی رفتار تیز کی جائے، وزیراعظم کا چیئرمین این ڈی ایم اے کو ٹیلیفون
اب تک کم از کم 41 افراد جاں بحق اور ہزاروں افراد بے گھر ہو چکے ہیں جبکہ کھیت، مویشی اور دیہات پانی میں ڈوب گئے ہیں۔
حکام کے مطابق بھارت کی جانب سے پانی چھوڑنے کے بعد مزید خطرہ بڑھ گیا ہے، اور ریلیف ادارے بڑے پیمانے پر امدادی کارروائیوں میں مصروف ہیں۔
دریاؤں میں پانی کی بلند ترین سطحفلڈ فورکاسٹنگ ڈویژن کے مطابق دریائے چناب میں ہیڈ قادرآباد پر پانی کا بہاؤ 5 لاکھ 57 ہزار کیوسک تک پہنچ گیا ہے، جبکہ ہیڈ مرالہ اور ہیڈ کھنکی پر بھی بلند سطح کا سیلاب جاری ہے۔
صبح 8 بجے دریائے چناب پر مرالہ⬇️، دریائے راوی پر جسڑ➡️ اور دریائے ستلج پر گنڈا سنگھ والا➡️ pic.
— FFDLahore (@ffdlhr) September 4, 2025
دریائے راوی کے ہیڈ سدھنائی اور دریائے ستلج کے گنڈا سنگھ والا مقام پر بھی پانی کا دباؤ خطرناک حد تک بڑھ گیا ہے۔
متاثرہ دیہات اور انفراسٹرکچرحافظ آباد کے قریب ہیڈ قادرآباد پر سیلابی ریلے نے 35 سے زائد دیہات ڈبو دیے ہیں۔ کوٹ سلیم کے قریب حفاظتی بند میں ہزار فٹ چوڑا شگاف پڑنے سے مزید علاقوں کو خطرہ لاحق ہے۔
گجرات کے جلالپور جٹاں میں ایک خالی عمارت سیلابی دباؤ سے گر گئی تاہم خوش قسمتی سے کوئی جانی نقصان نہیں ہوا۔
ریسکیو اور ریلیف آپریشنپنجاب پولیس کے ترجمان کے مطابق 16 ہزار سے زائد اہلکار اور 765 گاڑیاں ریسکیو آپریشن میں مصروف ہیں۔
اب تک ساڑھے 3 لاکھ سے زائد افراد کو محفوظ مقامات پر منتقل کیا جا چکا ہے جبکہ مویشیوں کو بچانے کے لیے بھی کوششیں جاری ہیں۔ بہاولپور میں ریسکیو اہلکاروں نے ایک شخص اور اس کے 20 مویشیوں کو بہتے پانی سے محفوظ نکالا۔
حکومتی اقدامات اور سیاسی قیادت کا جائزہوزیراعلیٰ پنجاب نے سیلاب زدہ علاقوں کا دورہ کرتے ہوئے گھروں کی بحالی کا وعدہ کیا۔
سندھ میں خاتون اول آصفہ بھٹو زرداری نے شہید بینظیر آباد میں انتظامات کا جائزہ لیا اور کہا کہ یہ وقت سیاست نہیں بلکہ اتحاد کا ہے۔
نواب شاہ: اسلامی جمہوریہ پاکستان کی خاتون اول اور رکن قومی اسمبلی بی بی آصفہ بھٹو زرداری کی ضلع شہید بینظیر آباد آمد
نواب شاہ: بی بی آصفہ بھٹو زرداری نے ضلع شہید بینظیرآباد کے عوام کے سیلابی ریلے کے آنے پر مسائل اور ان کے حل کے حوالے سے اقدامات پر انتظامیہ کو طلب کرلیا
نواب… pic.twitter.com/sFS0LEcsba
— PPP (@MediaCellPPP) September 3, 2025
حکام نے خبردار کیا ہے کہ اگر سپر فلڈ آیا تو صرف نو یونین کونسلز میں 80 ہزار سے زائد افراد متاثر ہوسکتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آصفہ بھٹو پاکستان ترجمان پنجاب حکومت چناب خاتون اول ریلیف ستلج سندھ سیلابذریعہ: WE News
کلیدی لفظ: ا صفہ بھٹو پاکستان ترجمان پنجاب حکومت خاتون اول ریلیف ستلج سیلاب دریائے چناب
پڑھیں:
ویتنام: شدید بارش اور سیلاب کے باعث 10 افراد ہلاک‘22 زخمی
data-id="863a0a8" data-element_type="widget" data-widget_type="theme-post-content.default">
ہنوئی (انٹرنیشنل ڈیسک) ویتنام کے وسطی صوبوں میں شدید بارش اور سیلاب کے باعث 10 افراد ہلاک ،22 زخمی اور 8 لاپتا ہو گئے۔ حکام نے بتایا کہ سیکڑوں مکانات زیرِ آب آگئے، 51 مکانات منہدم یا بہ گئے اور 120 سے زیادہ مکانات کو نقصان پہنچا جبکہ تقریباً 90 دیہات اور محلوں میں سیلاب آیا۔ سیلاب کے باعث تقریباً 4ہزار 300 ہیکٹر دھان اور دیگر فصلیں زیرِ آب آگئیں، 650 ہیکٹر سے زائد پھلدار درختوں کو نقصان پہنچا اور 16ہزار 300 سے زیادہ مویشی اور پولٹری ہلاک ہوگئے۔ شدید لینڈ سلائیڈنگ کے باعث کئی قومی شاہراہیں اور درجنوں مقامی سڑکیں بند ہوگئی ہیں جس سے مختلف صوبوں میں ٹریفک کی روانی متاثر ہوئی ہے۔
پاکستان کا بھارت سے ملنے والی اپنی فضائی حدود 2 روز کیلیے بند کرنے کا فیصلہ