فلور ملوں کا سستا آٹا فراہم کرنے سے انکار، پنجاب حکومت متحرک
اشاعت کی تاریخ: 4th, September 2025 GMT
پنجاب حکومت نے آٹے کی قیمتوں میں اضافے اور سپلائی کے تعطل کو روکنے کے لیے فوری اقدامات کا اعلان کردیا ہے۔
ذرائع کے مطابق فلور ملوں کے جانب سے سستا آٹا فراہم کرنے سے انکار کے بعد صوبائی حکومت نے **پرائس کنٹرول مجسٹریٹس کو متحرک کرنے** کا فیصلہ کیا ہے تاکہ گندم اور آٹے کی ذخیرہ اندوزی پر قابو پایا جا سکے۔
رپورٹ کے مطابق حکومت پنجاب نے ذخیرہ اندوزوں کے خلاف سخت کارروائی کے لیے **پیرا فورس کو بھی ٹاسک دے دیا ہے**۔ اس کے ساتھ ہی گندم کو فیڈ ملوں میں استعمال کرنے پر پابندی یقینی بنانے کا فیصلہ کیا گیا ہے تاکہ عوامی استعمال کے لیے گندم وافر مقدار میں دستیاب رہے۔
ذرائع کا کہنا ہے کہ حکومت نے آٹے اور روٹی کے نرخ بڑھنے سے روکنے کے لیے حد مقرر کر دی ہے۔
روٹی کا نرخ 14 روپے سے زیادہ نہیں ہوگا۔
20 کلو آٹے کے تھیلے کی قیمت 1800 روپے سے تجاوز نہیں کرے گی۔
ماہرین کے مطابق اگر ان فیصلوں پر سختی سے عملدرآمد ہوا تو ذخیرہ اندوزی پر قابو پا کر عام آدمی کو ریلیف دیا جا سکے گا، بصورتِ دیگر فلور مل مالکان اور حکومت کے درمیان تنازعہ مزید سنگین صورت اختیار کر سکتا ہے۔
Post Views: 2.
ذریعہ
ذریعہ: Daily Mumtaz
کلیدی لفظ: کے لیے
پڑھیں:
مانچسٹر، پاکستانی قونصل خانہ کے اوقات میں اضافہ
—تصویر بشکریہ سوشل میڈیاقونصلیٹ جنرل آف پاکستان مانچسٹر نے پاکستانی کمیونٹی کی سہولت کے لیے سرکاری اوقات میں اضافہ کر دیا ہے۔
ہائی کمشنر آف پاکستان ٹیپو عثمان کی ہدایت پر اب قونصل خانہ کمیونٹی خدمات کے لئے روزانہ صبح 8:00 بجے کام کا آغاز کرے گا۔
قونصل جنرل امتیاز فیروز گوندل کی جانب سے جاری نوٹیفکیشن کے مطابق نئے اوقات کار سے کمیونٹی کو بہتر سہولیات فراہم کی جا سکیں گی، جبکہ روزانہ اپوائنٹمنٹ کی تعداد بھی بڑھا دی جائے گی۔
تمام درخواست گزاروں کو ہدایت کی گئی ہے کہ قونصل خانے کی آن لائن اپوائنٹمنٹ پورٹل کے ذریعے وقت لینا ہوگا۔
یہ اپوائنٹمنٹ ہر ہفتہ کے روز صبح 10:00 بجے جاری کی جائیں گی۔درخواست گزار اپوائنٹمنٹ بک کرتے وقت اپنی ذاتی معلومات استعمال کریں اور مقررہ وقت پر پہنچیں۔
30 منٹ سے زیادہ تاخیر سے آنے والے درخواست گزاروں کو نئی اپوائنٹمنٹ لینا ہوگی۔
قونصل جنرل امتیاز فیروز گوندل نے کہا کہ یہ اقدامات کمیونٹی کو مؤثر، شفاف اور بہتر خدمات فراہم کرنے میں مدد گار ثابت ہوں گے۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی