مون سون کا 10 واں اسپیل کل سے شروع، پنجاب میں طوفانی بارشوں کا الرٹ جاری
اشاعت کی تاریخ: 5th, September 2025 GMT
پنجاب میں مون سون کا 10 واں اسپیل کل سے شروع ہونے جا رہا ہے، جس کے دوران شدید طوفانی بارشوں کی پیشگوئی کی گئی ہے۔ اس حوالے سے پنجاب ڈیزاسٹر مینجمنٹ اتھارٹی (PDMA) نے صوبے بھر میں الرٹ جاری کر دیا ہے۔
ترجمان پی ڈی ایم اے کے مطابق یہ اسپیل 6 ستمبر سے 9 ستمبر تک جاری رہے گا، جس دوران پنجاب کے بیشتر اضلاع میں موسلا دھار بارشیں متوقع ہیں۔ عوام کو ہدایت کی گئی ہے کہ وہ موسم کی خرابی کے دوران احتیاطی تدابیر اختیار کریں اور محفوظ مقامات پر رہیں۔
بارش سے متاثر ہونے والے ممکنہ علاقے
شمالی پنجاب: راولپنڈی، مری، گلیات، اٹک، چکوال، جہلم
وسطی پنجاب: لاہور، گوجرانوالہ، گجرات، سیالکوٹ، نارووال، حافظ آباد، منڈی بہاؤالدین، اوکاڑہ، ساہیوال، قصور، جھنگ، سرگودھا، میانوالی
جنوبی پنجاب: ڈیرہ غازی خان، ملتان، راجن پور
فلیش فلڈنگ اور دریاؤں میں طغیانی کا خدشہ
ڈی جی پی ڈی ایم اےعرفان علی کاٹھیا نے خبردار کیا ہے کہ ڈیرہ غازی خان کے پہاڑی علاقوں (رودکوہیوں) میں فلیش فلڈنگ کا شدید خدشہ ہے، جبکہ دریائے چناب، راوی اور ستلج میں پانی کی سطح خطرناک حد تک بلند ہو سکتی ہے۔اسی طرح بڑے شہروں میں ندی نالے بپھرنے کا اندیشہ ہے، جس سے اربن فلڈنگ (Urban Flooding) کی صورتحال پیدا ہو سکتی ہے۔
انتظامیہ اور شہریوں کے لیے اہم ہدایات:
تمام کمشنرز، ڈپٹی کمشنرز اور انتظامی افسران کو ہائی الرٹ پر رہنے کی ہدایات جاری کی جا چکی ہیں۔
محکمہ صحت، آبپاشی، تعمیرات، مقامی حکومت اور لائیوسٹاک کو بھی کسی بھی ہنگامی صورتحال کے لیے تیار رہنے کا حکم دیا گیا ہے۔
شہریوں سے اپیل کی گئی ہے کہ وہ دریاؤں اور ندی نالوں کے قریب نہ جائیں، آندھی یا طوفان کی صورت میںمحفوظ جگہ پر پناہ لیں غیر ضروری سفر سے گریز کریں، ہنگامی صورت میں فوراًپی ڈی ایم اے ہیلپ لائن 1129 پر رابطہ کریں۔
یاد رکھیں: احتیاط ہی حفاظت ہے۔ موسم کی تازہ ترین صورتحال سے باخبر رہیں اور ضرورت پڑنے پر فوری اقدامات کریں۔
ذریعہ
ذریعہ: Daily Mumtaz
پڑھیں:
امریکا نے ایران پر مسلسل 13 ویں رات بھی فضائی حملے شروع کر دیے، سینٹکام
امریکہ نے ایران کے خلاف مسلسل 13 ویں رات بھی فوجی کارروائیاں جاری رکھیں جبکہ ایرانی شہر اہواز میں متعدد دھماکوں کی آوازیں سنی جانے کی اطلاعات سامنے آئی ہیں۔
امریکی سینٹرل کمانڈ سینٹکام نے سوشل میڈیا پلیٹ فارم ایکس پر جاری بیان میں تصدیق کی کہ امریکی افواج نے جمعرات کی شب ایران کے فوجی اہداف پر ایک اور حملہ کیا۔ بیان کے مطابق یہ کارروائیاں مسلسل 13 ویں رات جاری رہیں۔
U.S. forces started another night of strikes against Iranian military targets at 6:45 p.m. ET today. This is the 13th consecutive night of strikes aimed to hold Iran accountable and diminish threats from the Islamic Revolutionary Guard Corps to commercial shipping.
مزید پڑھیںمشرق وسطیٰ کی صورتحال کنٹرول سے باہر ہوتی جارہی ہے، یو این سیکریٹری جنرل
جارحیت کی قیمت واشنگٹن کو بہت مہنگی پڑے گی، عباس عراقچی
— U.S. Central Command (@CENTCOM) July 23, 2026سینٹکام کا کہنا ہے کہ ان حملوں کا مقصد ایران کو اس کے اقدامات پر جوابدہ بنانا اور پاسداران انقلاب کی جانب سے تجارتی بحری جہازوں کو لاحق خطرات کو کم کرنا ہے۔
دوسری جانب ایران کے صوبہ خوزستان کے دارالحکومت اہواز کے رہائشیوں نے جمعہ کی علی الصبح متعدد زور دار دھماکوں کی آوازیں سننے کی اطلاع دی ہے۔
ایرانی خبر رساں ادارے کے مطابق دھماکوں کی تفصیلات فوری طور پر سامنے نہیں آسکیں۔
تحریکِ تحفظِ آئینِ پاکستان کا پارلیمنٹ ہائوس سے دھرنا ختم