کراچی؛ کورنگی عید گاہ گراؤنڈ کے قریب 35سالہ شخص کی لاش برآمد، تحقیقات جاری
اشاعت کی تاریخ: 5th, September 2025 GMT
کراچی:
کورنگی نمبر ساڑھے تین عیدگاہ گراؤنڈ کے قریب فائرنگ سے ایک شخص جاں بحق ہوگیا، مقتول لانڈھی نمبر تین کا رہائشی تھا۔
تفصیلات کے مطابق عوامی کالونی کے علاقے کورنگی نمبر ساڑھے 3 عید گاہ گراؤنڈ کے قریب جمعرات اور جمعہ کی درمیانی شب 35 سالہ شخص کی لاش ملی جسے فائرنگ کر کے قتل کیا گیا تھا، مقتول کے قریب سے اس کی موٹر سائیکل بھی ملی ہے جو پولیس نے قبضے میں لے کر تھانے منتقل کی۔
مقتول کی لاش قانونی کارروائی کے لیے چھیپا ایمبولینس کے ذریعے جناح اسپتال منتقل کی گئی، جس کی شناخت 35 سالہ محمد راحیل ولد محمد ہاشم کے نام سے کی گئی، مقتول لانڈھی نمبر 3 کا رہائشی تھا۔
ایس ایچ او عوامی کالونی انسپکٹر خالد میمن نے بتایا کہ مقتول کے ماتھے اور چہرے پر منہ کے پاس گولیاں ماری گئی ہیں۔
انہوں نے بتایا کہ کورنگی نمبر ڈھائی پل کے نیچے سے دو نائن ایم ایم پستول کے خول ملے ہیں، شبہ ہے کہ مقتول فائرنگ سے زخمی ہونے کے بعد کورنگی ساڑھے تین تک موٹر سائیکل چلا کر لایا اور پھر وہاں گر کر جاں بحق ہوگیا، تاہم مقتول کو لگنے والی گولیاں دیکھ کر ممکن نہیں کہ وہ اتنی دور موٹر سائیکل چلا سکے۔
عینی شاہدین کے مطابق موٹر سائیکل پر سوار دو افراد جو پولیس کی وردی میں ملبوس تھے، وہ موٹر سائیکل سوار کا تعاقب کر رہے تھے، پولیس کی وردی میں ملبوس افراد نے موٹر سائیکل سوار کو روک کر اس پر فائرنگ کی۔
ایس ایچ او کا کہنا تھا کہ اس بات کی تصدیق ہوگئی کہ نامعلوم موٹر سائیکل سوار ملزمان مقتول کے پیچھے لگے ہوئے تھے، مقتول کی موٹر سائیکل 125 ہے تاہم ملزمان مقتول کی نہ تو موٹر سائیکل لیکر گئے اور نہ ہی کوئی اور چیز لے کر گئے۔
عوامی کالونی پولیس سی سی ٹی وی کیمروں کی مدد اور عینی شاہدین کے بیانات کی روشنی میں واقعے کی تحقیقات کر رہی ہے۔
.
ذریعہ
ذریعہ: Express News
کلیدی لفظ: موٹر سائیکل کے قریب
پڑھیں:
کراچی، شہر کے مختلف علاقوں میں پولیس مقابلے، 5 ڈاکو زخمی حالت میں گرفتار
کراچی:شہر قائد کے مختلف علاقوں میں پولیس نے مبینہ مقابلوں کے دوران چار ملزمان کو زخمی حالت میں گرفتار کر لیا جبکہ ایک فرار ہونے والے مبینہ ڈاکو کو شہریوں نے پکڑ کر تشدد کے بعد پولیس کے حوالے کر دیا۔
پولیس اور چھیپا حکام کے مطابق اورنگی ٹاؤن تھانے کی حدود میں سیکٹر 8، اللہ والا کالج کے قریب مبینہ پولیس مقابلے میں ایک مبینہ ڈاکو زخمی حالت میں گرفتار کیا گیا۔
زخمی ملزم کو عباسی شہید اسپتال منتقل کیا گیا جہاں اس کی شناخت سبیل کے نام سے ہوئی۔ ملزم کے قبضے سے اسلحہ اور دیگر سامان بھی برآمد کیا گیا۔
ادھر بوٹ بیسن تھانے کی حدود میں کلفٹن، عبداللہ شاہ غازی مزار پل کے قریب مبینہ مقابلے کے دوران ایک مبینہ ڈاکو پولیس کی فائرنگ سے زخمی ہو گیا، جس کی شناخت مانی کے نام سے ہوئی۔
اسے جناح اسپتال منتقل کر دیا گیا۔ اس دوران فرار ہونے کی کوشش کرنے والے دوسرے مبینہ ملزم کو شہریوں نے پکڑ کر تشدد کا نشانہ بنایا بعد ازاں اسے پولیس کے حوالے کر دیا گیا۔ زخمی ملزم کی شناخت سکندر کے نام سے کی گئی۔
دوسری جانب شرافی گوٹھ پولیس نے کورنگی سنگر چورنگی کے قریب راڈو بیکری کے علاقے میں مبینہ مقابلے کے بعد ایک مبینہ ڈاکو اویس کو زخمی حالت میں گرفتار کیا۔ ملزم کو جناح اسپتال منتقل کیا گیا جبکہ اس کے قبضے سے اسلحہ اور دیگر سامان بھی برآمد ہوا۔
اسی طرح قائدآباد تھانے کی حدود میں لانڈھی شیر پاؤ کالونی، مولیٰ مدد قبرستان کے قریب مبینہ پولیس مقابلے میں ایک اور مبینہ ڈاکو زخمی حالت میں گرفتار کیا گیا۔
چھیپا حکام کے مطابق زخمی ملزم کو جناح اسپتال منتقل کیا گیا جہاں اس کی شناخت وارث خان کے نام سے ہوئی۔
بھارت سے جنگ اور افغانستان میں کارروائی خارج ازامکان نہیں، وزیردفاع