یو اے ای نے 10 سالہ بلیو ریسیڈنسی ویزے کا اعلان کردیا، کون فائدہ اٹھا سکتا ہے؟
اشاعت کی تاریخ: 5th, September 2025 GMT
متحدہ عرب امارات نے ماحولیاتی تحفظ اور پائیداری کے شعبے میں نمایاں خدمات انجام دینے والے افراد کے لیے 10 سالہ ’بلو ریزیڈنسی ویزا‘ کا باضابطہ اعلان کر دیا ہے۔
اس ویزے کا مقصد ماہرین کو یو اے ای کی ماحولیاتی، سماجی اور معاشی ترقی میں شریک کرنا ہے۔
’بلو ریزیڈنسی ویزا‘ ان سائنسدانوں، محققین، سرمایہ کاروں، ماہرینِ توانائی، موسمیاتی تبدیلی اور پائیداری کے شعبوں کے ماہرین کے لیے ہے جنہوں نے عالمی یا قومی سطح پر نمایاں کردار ادا کیا ہے۔
مزید پڑھیں: یو اے ای گولڈن ویزا: 10 سالہ رہائش اور خصوصی فوائد کے ساتھ غیر ملکیوں کے لیے نادر موقع
اس کے علاوہ بین الاقوامی اداروں کے اراکین، غیر سرکاری تنظیموں کے نمایاں نمائندے، ماحولیاتی ایوارڈ یافتہ شخصیات اور مالی معاونین بھی اس کے اہل ہیں۔
درخواست کے لیے امیدوار کو ماحولیاتی خدمات اور کامیابیوں کا ثبوت، کم از کم 6 ماہ کے لیے کارآمد پاسپورٹ اور حالیہ پاسپورٹ سائز تصویر فراہم کرنا ہوگی۔
درخواستیں فیڈرل اتھارٹی برائے شناخت، شہریت، کسٹمز اور پورٹ سکیورٹی (ICP) کے آن لائن پلیٹ فارم smartservices.
مزید پڑھیں: پاکستان مارٹ: برآمدات کے فروغ کے لیے یو اے ای میں وزارت تجارت کا انقلابی اقدام
ویزے کے لیے سب سے پہلے نامزدگی (Nomination) درکار ہوگی جس کی فیس 350 درہم مقرر ہے۔ نامزدگی منظور ہونے کے بعد امیدوار اپنی تفصیلات اور اسناد جمع کرا کے ویزے کے لیے درخواست دے سکتا ہے۔
اگر درخواست دہندہ یو اے ای سے باہر ہے تو اسے 6 ماہ کے ملٹی پل انٹری ویزا کے لیے اپلائی کرنا ہوگا، جس کی فیس 1,250 درہم ہے۔
حکام کے مطابق یہ ویزا یو اے ای کے وژن کے مطابق ہے جس کے تحت ملک کو عالمی ماحولیاتی ماہرین اور پائیدار ترقی کے حامیوں کا مرکز بنایا جا رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
10 سالہ بلیو ریسیڈنسی ویزے متحدہ عرب امارات یو اے ایذریعہ: WE News
کلیدی لفظ: متحدہ عرب امارات یو اے ای یو اے ای کے لیے
پڑھیں:
’جب بلیو ہونڈا سوک کی جگہ بندوق تھامے شخص آگیا‘
اسلام آباد کی رہائشی رمشا تبسم کے لیے چند ہفتے قبل کی ایک رات ان کی زندگی کا سب سے خوفناک لمحہ ثابت ہوئی، وہ محض ایک معمولی سی رائیڈ بُک کر رہی تھیں، مگر انہیں اندازہ نہیں تھا کہ وہ چند منٹوں میں ایک ایسے خطرناک تجربے سے گزریں گی جس نے ان پر گہرا نفسیاتی اثر چھوڑ دیا۔
رمشا تبسم نے بتایا ’میں نے ایک بلیو ہونڈا سوک بُک کروائی تھی۔ جیسے ہی میں اپنے پک پوائنٹ پر پہنچی تو ایک گاڑی پہلے سے کھڑی تھی۔ اُس کا ڈبل انڈیکیٹر آن تھا، لیکن وہ وہ والی گاڑی نہیں تھی جو میں نے ایپ پر دیکھی تھی۔‘
یہ بھی پڑھیں: آن لائن ٹیکسی سروس کریم کے بائیکاٹ کی مہم کیوں چل رہی ہے؟
انہیں کچھ عجیب سا محسوس ہوا۔ کہتی ہیں کہ انہوں نے ڈرائیور سے پوچھا: ’یہ وہی گاڑی نہیں جو میں نے بُک کی تھی، چینج کیوں ہے؟‘
ڈرائیور نے فوراً جواب دیا کہ ایپ پر گاڑی کی اپ ڈیٹ ابھی نہیں ہوئی، نئی پالیسی کے تحت رجسٹریشن کا عمل جاری ہے۔ رمشا تبسم نے کہا کہ چونکہ ڈرائیور کا نام اور تفصیل تقریباً ایک جیسی تھی، اس لیے وہ مطمئن ہوکر بیٹھ گئیں۔
گاڑی اسلام آباد کے علاقے آئی ایٹ مرکز کی طرف روانہ ہوئی۔ راستے میں سب کچھ معمول کے مطابق لگ رہا تھا۔ مگر جیسے ہی گاڑی ایک نسبتاً سنسان اور اندھیرے مقام پر رکی، حالات اچانک بدل گئے۔
رمشا بتاتی ہیں کہ جیسے ہی گاڑی رکی، اُس نے ہینڈ بریک کے ساتھ سے گن نکالی اور مجھ پر تان دی اُس نے کہا ’پرس میں جو کچھ ہے نکالو۔‘
یہ بھی پڑھیں: بائیکیا رائیڈر کے روپ میں 25 وارداتیں کرنے والا ڈکیت گرفتار
اُن کے مطابق اُس لمحے خوف نے انہیں مفلوج کردیا۔ ہاتھ میں موجود موبائل کی لائٹ آن کی تو ایک چونکانے والا انکشاف ہوا۔
’مجھے اندازہ ہوا کہ یہ تو وہ ڈرائیور بھی نہیں تھا جس کی ڈیٹیل ایپ پر تھی۔ گاڑی تو پہلے ہی چینج تھی اور اب وہ ڈرائیور بھی وہ نہیں تھا۔‘
خوف اور گھبراہٹ کے عالم میں انہوں نے شور مچانے کی کوشش کی مگر اردگرد اندھیرا اور سنّاٹا تھا۔ خوش قسمتی سے ایک راہ گیر موٹر سائیکل سوار وہاں سے گزرا، جس کی ہیڈ لائٹس دیکھ کر حملہ آور گھبرا گیا اور موقع سے فرار ہوگیا۔ رمشا تبسم نے اسی وقت پولیس سے رابطہ کیا۔
تاہم، ان کا کہنا ہے کہ پولیس کی کارروائی توقعات کے برعکس تھی۔ ’میں نے 2 بار تھانے جا کر شکایت درج کروانے کی کوشش کی مگر انہوں نے کہا کہ ’ہم دیکھتے ہیں‘ اور کوئی خاص کارروائی نہیں ہوئی۔‘
یہ واقعہ نہ صرف ان کے لیے صدمے کا باعث بنا بلکہ اُن تمام خواتین کے لیے تشویش کی علامت ہے جو روزانہ آن لائن رائیڈنگ ایپس استعمال کرتی ہیں۔
یہ بھی پڑھیں: ;یوں لگا جیسے جرم کررہی ہوں، بائیکیا استعمال کرنے والی خواتین کو کس بات نے رلا دیا
اس حوالے سے اسلام آباد پولیس کے ایس ایس پی ڈاکٹر محمد اقبال نے بتایا کہ شہریوں کی سیکیورٹی کے لیے ایک نیا نظام متعارف کرایا گیا ہے۔
کہتے ہیں کہ ’ہم نے تمام موبائل ٹرانسپورٹ کمپنیوں، جیسے یینگو، ان ڈرائیو اور بائیکیا کے ساتھ میٹنگز کی ہیں۔ پولیس نے ہر ٹیکسی پر ایک کیو آر کوڈ لگانے کا عمل شروع کیا ہے، جسے شہری ہمارے ’ٹی وی ایس ایپ‘ یعنی ٹیکسی ویری فکیشن ایپ کے ذریعے اسکین کرسکتے ہیں۔ جب آپ یہ کوڈ اسکین کرتے ہیں تو گاڑی اور ڈرائیور کی مکمل تفصیل سامنے آ جاتی ہے۔ ہم شہریوں سے گزارش کرتے ہیں کہ رائیڈ میں بیٹھنے سے پہلے یہ کوڈ لازمی اسکین کریں تاکہ فراڈ سے بچا جا سکے۔‘
ماہرِ سوشل سیفٹی سعدیہ قریشی کے مطابق ’پاکستان میں آن لائن ٹرانسپورٹ سروسز نے خواتین کو سہولت تو دی ہے لیکن سیکیورٹی کے اعتبار سے نظام ابھی بھی کمزور ہے۔ ایپ کمپنیاں اکثر ویریفکیشن اور مانیٹرنگ میں لاپرواہی برتتی ہیں، جس کے نتیجے میں ایسے واقعات بڑھ رہے ہیں۔‘
یہ بھی پڑھیں: گن پوائنٹ پر وارداتیں: کیا اسلام آباد بھی اب کراچی جیسا ہو گیا ہے؟
سائبر اور ٹرانسپورٹ سیکیورٹی ماہر احمد وقار کا کہنا ہے کہ اس طرح کے کیسز میں مجرم اکثر جعلی شناختوں کے ذریعے اکاؤنٹس بناتے ہیں۔
’ایپ کمپنیوں کو چاہیے کہ گاڑی اور ڈرائیور کی تبدیلی کی صورت میں صارف کو فوری الرٹ دیا جائے، اور بغیر ویریفکیشن رائیڈ شروع ہی نہ ہو۔‘
رمشا کہتی ہیں کہ وہ اس واقعے کے بعد اتنا گھبرا چکی ہیں کہ اب وہ ہر رائیڈ بُک کروانے سے پہلے ہزار بار سوچتی ہیں۔
’اب جب بھی ایپ کھولتی ہوں تو دل میں خوف سا بیٹھ جاتا ہے۔ میں ہر نمبر، ہر تفصیل چیک کرتی ہوں، کیونکہ ایک بار جو خوف محسوس ہو جائے، وہ آسانی سے نہیں جاتا۔‘
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اسلام اباد آن لائن ٹیکسی ایپ پاکستان پولیس خواتین ڈکیتی ہونڈا سوک
عافیہ صدیقی کی رہائی اور وطن واپسی کا کیس لارجر بینچ میں سماعت کیلیے مقرر