جنوبی افریقہ کے دورہ پاکستان کی تاریخوں اور وینیوز کا اعلان
اشاعت کی تاریخ: 6th, September 2025 GMT
پاکستان کرکٹ بورڈ (پی سی بی) نے جنوبی افریقہ کے دورہ پاکستان کی تاریخوں اور وینیوز کا اعلان کردیا۔
تفصیلات کے مطابق پاکستان 12 اکتوبر سے آئی سی سی ورلڈ ٹیسٹ چیمپئن شپ میں شامل دو میچز کی سیریز میں جنوبی افریقہ کی میزبانی کرے گا۔
ٹیسٹ میچز بالترتیب لاہور اور راولپنڈی میں کھیلے جائیں گے۔ پہلا ٹیسٹ 12 تا 16 اکتوبر اور دوسرا ٹیسٹ 20 تا 24 اکتوبر کو کھیلا جائے گا۔
تین ٹی ٹوئنٹی انٹرنیشنل میچز پر مشتمل سیریز کا پہلا میچ 28 اکتوبر کو راولپنڈی جبکہ باقی دو میچز 31 اکتوبر اور یکم نومبر کو لاہور میں کھیلے جائیں گے۔
بعد ازاں تین ون ڈے میچز پر مشتمل سیریز فیصل آباد میں کھیلی جائے گی۔ میچز چار، چھ اور آٹھ نومبر کو کھیلے جائیں گے۔
Pakistan to host South Africa for 2️⃣ Tests, 3️⃣ T20Is and 3️⃣ ODIs ????
????️ 12 October - 8 November
????️ Lahore, Rawalpindi and Faisalabad
More details ➡️ https://t.
فیصل آباد 17 برس بعد ون ڈے انٹرنیشنل میچ کی میزبانی کرے گا۔
ذریعہ: Express News
پڑھیں:
’’اسٹرینجر تھنگزکےآخری سیزن کا سنسنی خیز ٹریلر جاری،ریلیز کی تاریخوں کا اعلان
نیٹ فلکس کی مقبول ترین سائنس فکشن اور ہارر سیریز ’اسٹرینجر تھنگز‘ کے شائقین کے لیے خوشخبری آ گئی ہے۔ طویل انتظار کے بعد آخرکار اس کے پانچویں اور آخری سیزن کا پہلا آفیشل ٹریلر ریلیز کر دیا گیا ہے، جس نے مداحوں میں نئی سنسنی دوڑا دی ہے۔
جاری کیے گئے ٹریلر میں ایک بار پھر ہاکنز شہر کو تباہی کے دہانے پر دکھایا گیا ہے، مگر اس بار خطرہ صرف ایک شہر تک محدود نہیں بلکہ پوری دنیا ایک پراسرار اور شیطانی طاقت کے نشانے پر ہے۔ مداحوں کے پسندیدہ ولن ’ویکنا‘ کی واپسی کے ساتھ کہانی مزید سنجیدہ، گھمبیر اور خوفناک رنگ اختیار کرتی نظر آ رہی ہے۔ مرکزی کردار ملی بوبی براؤن (الیون) ایک بار پھر اپنی جان ہتھیلی پر رکھ کر اس طاقتور دشمن کا مقابلہ کرتی دکھائی دے رہی ہیں۔
نیٹ فلکس کے مطابق، آخری سیزن کو دو حصوں میں ریلیز کیا جائے گا تاکہ کہانی کو بھرپور انداز میں مکمل کیا جا سکے اور ناظرین کی دلچسپی برقرار رہے۔ پہلا حصہ 26 نومبر 2025 کو جبکہ دوسرا حصہ کرسمس 2025 پر ریلیز کیا جائے گا۔ مزید یہ کہ کئی ممالک میں اس سیزن کی آخری قسط سینما گھروں میں بھی دکھانے کا اعلان کیا گیا ہے۔
اسٹرینجر تھنگز کا یہ آخری باب شائقین کے لیے ایک ایپک اور یادگار انجام ثابت ہونے والا ہے، جس میں ہر لمحہ سنسنی، جذبات اور خوف سے بھرپور ہوگا۔
پاکستان ایئرپورٹس اتھارٹی نے ملک بھر کے ہوائی اڈوں پر ڈیجیٹل ادائیگی کے نظام کے نفاذ کا آغاز کردیا