سیلاب متاثرین کو بجلی کے بلز اور ٹیکسز میں رعایت دی جائے گی، وزیر خزانہ پنجاب
اشاعت کی تاریخ: 7th, September 2025 GMT
لاہور: وزیر خزانہ پنجاب مجتبیٰ شجاع الرحمن کا کہنا ہے کہ سیلاب متاثرہ خاندانوں کو حکومت پنجاب کی جانب سے بجلی کے بلز اور مختلف ٹیکسز میں خصوصی رعایت دی جائے گی تاکہ ان کے معاشی بوجھ کو کم کیا جا سکے۔
میڈیارپورٹس کے مطابق وزیر خزانہ پنجاب نے قائم سیلاب متاثرین کے کیمپ میں جشنِ عید میلاد النبی ﷺ کے موقع پر تقریب سے خطاب کرتے ہوئے کہا کہ حکومت متاثرین کو تنہا نہیں چھوڑے گی بلکہ ایک جامع ریلیف پیکج کے تحت انہیں مکمل تعاون فراہم کیا جائے گا، عید میلاد النبی ﷺ کا دن ہمیں صبر، بھائی چارے اور خدمتِ خلق کا درس دیتا ہے اور حکومت اسی جذبے کے تحت عوام کے دکھ درد میں شریک ہو رہی ہے۔
انہوں نے متاثرہ افراد کو یقین دہانی کرائی کہ ان کے روزمرہ مسائل کے حل، صحت و تعلیم کی سہولیات اور بنیادی ضرورتوں کی فراہمی کے لیے تمام دستیاب وسائل استعمال کیے جائیں گے۔
صوبائی وزیر کے دورے اور حکومتی اعلانات پر متاثرین نے اطمینان کا اظہار کیا اور ریلیف اقدامات کو خوش آئند قرار دیا۔
خیال رہے کہ پنجاب سمیت ملک کے مختلف حصوں میں حالیہ بارشوں اور دریاؤں میں طغیانی کے باعث بڑے پیمانے پر تباہی ہوئی ہے۔ درجنوں بستیاں زیرِ آب آ چکی ہیں جبکہ لاکھوں افراد بے گھر ہو کر خیموں اور عارضی کیمپوں میں پناہ لینے پر مجبور ہیں۔ کھڑی فصلیں اور مویشی شدید متاثر ہوئے ہیں جس سے دیہی معیشت کو بھاری نقصان پہنچا ہے۔ ریلیف سرگرمیوں کے باوجود کئی علاقوں میں خوراک، پینے کے پانی، ادویات اور صاف ستھری رہائش کی قلت برقرار ہے۔ سیلاب زدہ علاقوں میں بیماریوں کے پھیلنے کا خدشہ بھی بڑھ رہا ہے جس پر عوامی حلقے فوری اور مؤثر اقدامات کا مطالبہ کر رہے ہیں۔
.
ذریعہ
ذریعہ: Al Qamar Online
پڑھیں:
پنجاب حکومت کے اقدامات دھرے کے دھرے رہ گئے‘بارشوں نے تباہی مچادی
لاہور(اردوپوائنٹ اخبارتازہ ترین-انٹرنیشنل پریس ایجنسی۔23 جولائی ۔2026 ) پنجاب حکومت کے اقدامات دھرے کے دھرے رہ گئے‘حکومتی دعوﺅں کے برعکس حالیہ بارشوں میں پنجاب میں اب تک 21 شہری جاں بحق اور 154 زخمی ہوئے، بارشوں میں چھتیں گرنے سے 15 افراد جاں بحق ہوئے‘کرنٹ لگنے سے 3 اور آسمانی بجلی گرنے سے 2 افرادجاں بحق ہوئے‘ بارش کے پانی میں ڈوبنے سے ایک شخص جاں بحق ہوا جبکہ 38 مکانات متاثر ہوئے.(جاری ہے)
پراونشل ڈیزاسٹر مینجمنٹ اتھارٹی (پی ڈی ایم اے) پنجاب نے مون سون بارشوں کے باعث نقصانات سے متعلق رپورٹ جاری کی ہے ترجمان پی ڈی ایم اے پنجاب کے مطابق مون سون بارشوں کے باعث پنجاب میں اب تک 21 شہری جاں بحق اور 154 زخمی ہوئے، بارشوں میں چھتیں گرنے سے 15 افراد جاں بحق ہوئے ڈی جی پی ڈی ایم اے نے کہا کہ جاں بحق افراد کے خاندانوں کو 10 سے 50 لاکھ روپے تک امداد فراہم کی جا رہی ہے. ادھرمحکمہ موسمیات نے ملک بھر میں موسلا دھار بارش کی پیش گوئی کر تے ہوئے نشیبی علاقے زیر آب اور لینڈ سلائیڈنگ کے خدشات ظاہر کیئے ہیں رپورٹ میں بتایا گیا ہے کہ پورے ملک میں تیز ہواﺅں اور گرج چمک کے ساتھ بیشتر مقامات پر وقفے وقفے سے بارش کا امکان ہے. صوبائی دارلحکومت لاہور میں آج ہونے والی بارش سے واپڈا ٹاﺅن‘ جوہر ٹاﺅن‘ گلبرگ اور ڈیفنس ‘ او پی ایف سوسائٹی‘ ایل ڈی اے ایونیو‘ فیصل ٹاﺅن‘ماڈل ٹاﺅن‘علامہ اقبال ٹاﺅن‘مسلم ٹاﺅن‘گارڈن ٹاﺅن‘سبزہ زار‘ملتان روڈسمیت شہر بھر میں تیزبارش سے شہر کی مرکزی شاہرائیں ندیوں کا منظرپیش کرتی رہیں جبکہ شہر کے نشیبی علاقوں میں پانی گھر میں داخل ہوگیا. شمالی لاہوراور اندرون شہر میں بھی بارش کی پانی کی وجہ سے معمولات زندگی شدید متاثرہوئے . محکمہ موسمیات کے مطابق آئندہ چند گھنٹوں کے دوران بھی مزید بارش کا امکان ہے محکمہ موسمیات کے مطابق شام کے وقت درجہ حرات 28ڈگری ریکارڈ کیا گیا جبکہ شہر میں 11 کلومیٹر فی گھنٹہ کی رفتار سے ہوائیں چل رہی ہیں تاہم ہوا میں نمی کا تناسب 95 فیصد تک پہنچ چکا ہے، جس کے باعث موسم مرطوب مگر خوشگوار محسوس کیا جا رہا ہے.
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار