خلائی، سائبر اور الیکٹرانک وارفیئر سے فضائی سرحدوں کے دفاع کیلیے پر عزم ہیں، سربراہ پاک فضائیہ
اشاعت کی تاریخ: 7th, September 2025 GMT
اسلام آباد (نیوز ڈیسک) پاک فضائیہ کے سربراہ ایئر چیف مارشل ظہیر احمد بابر سدھو نے کہا ہے کہ فضائی سرحدوں کے تحفظ کے لیے خلائی صلاحیتوں، الیکٹرانک وارفیئر اور سائبر ٹیکنالوجیز کے استعمال پر مکمل طور پر پرعزم ہیں۔
7 ستمبر کو ملک بھر کی تمام ایئر بیسز پر یومِ شہداء منایا گیا۔ ایئر ہیڈ کوارٹرز اسلام آباد میں منعقدہ مرکزی تقریب میں ایئر چیف مارشل ظہیر احمد بابر سدھو مہمانِ خصوصی تھے۔ تقریب کا آغاز قرآن خوانی اور خصوصی دعاؤں سے ہوا، جنہیں قیامِ پاکستان سے لے کر آج تک وطن کے لیے جانیں نچھاور کرنے والے شہداء کے نام کیا گیا۔
خطاب میں سربراہ پاک فضائیہ نے کہا کہ ایثار، حوصلہ مندی اور پیشہ ورانہ مہارت پاک فضائیہ کی پہچان ہیں۔ یوم شہداء افواجِ پاکستان کی بہادری، قربانی اور جذبۂ ایثار کا استعارہ ہے۔ انہوں نے کہا کہ عالمی سلامتی کی بدلتی صورتحال سے بخوبی آگاہ ہیں اور ہر چیلنج کے مقابلے کے لیے تیار ہیں۔
انہوں نے آپریشن بنیان المرصوص کے دوران فضائیہ کی کامیابیوں کو اجاگر کرتے ہوئے کہا کہ یہ اس بات کا ثبوت ہیں کہ پاک فضائیہ اپنی مکمل قوتِ ارادی اور عسکری صلاحیت کے ساتھ وطن کے دفاع کے لیے ہمہ وقت تیار ہے۔
ایئر چیف نے اپنے شہداء کو خراجِ عقیدت پیش کیا اور کہا کہ ان کی قربانیاں آنے والی نسلوں کے لیے مشعلِ راہ ہیں۔ انہوں نے مقبوضہ کشمیر کے عوام کی جدوجہدِ آزادی کے لیے غیر متزلزل حمایت کا اعادہ بھی کیا۔
آخر میں ایئر چیف نے اس عزم کو دہرایا کہ پاک فضائیہ خلائی، سائبر اور جدید ٹیکنالوجیز سمیت مقامی سطح پر دفاعی پیداوار کو فروغ دے کر قومی خودمختاری اور علاقائی سالمیت کے تحفظ کو یقینی بنائے گی۔ تقریب کے اختتام پر انہوں نے یادگارِ شہداء پر پھول چڑھائے اور فاتحہ خوانی کی۔
Post Views: 7.
ذریعہ
ذریعہ: Daily Mumtaz
کلیدی لفظ: پاک فضائیہ ایئر چیف انہوں نے کے لیے کہا کہ
پڑھیں:
ایک ملک نے پاکستانیوں کیلیے ویزہ فیس ختم کردی
سری لنکا کی حکومت نے پاکستانیوں کے لیے ویزہ فیس ختم کردی۔
ایکسپریس نیوز کے مطابق کراچی میں تعینات قونصل جنرل سری لنکا سنجیوا پٹیوالا نے میڈیا سے گفتگومیں بتایا کہ سری لنکن حکومت نے پاکستانیوں کے لیے ویزہ فیس ختم کردی جس کے بعد سری لنکا جانے والے پاکستانیوں سیاحوں کی تعداد میں اضافہ ہوا ہے۔
انہوں نے بتایا کہ پاکستان سے سری لنکا جانے والے ویزہ کی درخواست آن لائن دے سکتے ہیں۔
قونصل جنرل نے بتایا کہ پاکستان اور سری لنکن کے دوطرفہ تعلقات اہم ہیں، حکومت پاکستان نے 100 سری لنکن اسٹوڈنٹس کوعلامہ اقبال یونیورسٹی میں اسکالرشپ دی ہے جو ایک مثبت اقدام ہے۔
انہوں نے کاہ کہ پاکستان سری لنکا کےدرمیان فری ٹریڈ ایگریمنٹ پرسن 2005 میں دستخط ہوئے تھے لیکن تاحال دونوں ملکوں میں ٹریڈ بیریئرز موجود ہیں۔
قونصل جنرل نے مزید کہا کہ پاکستان سری لنکا درمیان درمیان دفاعی تعلقات بھی اہم ہیں۔
بھارت سے جنگ اور افغانستان میں کارروائی خارج ازامکان نہیں، وزیردفاع