لاہور ہائیکورٹ کے بینچ نے محسن نقوی کی نگراں وزیراعلیٰ تعیناتی کے خلاف اپیل سننے سے معذرت کرلی
اشاعت کی تاریخ: 8th, September 2025 GMT
لاہور ہائیکورٹ میں محسن نقوی کی بطور نگراں وزیر اعلیٰ پنجاب تعیناتی کے خلاف دائر انٹرا کورٹ اپیل پر سماعت ہوئی، تاہم 2 رکنی بینچ نے ذاتی وجوہات کی بنا پر کیس سننے سے معذرت کرلی۔
یہ بھی پڑھیں: ‘قبرستان میں ریڈ کارپٹ بچھایا گیا تاکہ مردے بھی امپریس ہو جائیں‘ نگراں وزیراعلیٰ پنجاب محسن نقوی پر تنقید
جسٹس فیصل زمان خان کی سربراہی میں 2 رکنی بینچ نے اپیل کی ابتدائی سماعت کی، تاہم فریقین کے دلائل سننے سے قبل ہی عدالت نے فائل واپس چیف جسٹس لاہور ہائیکورٹ کو بھجوا دی اور کہا کہ ذاتی وجوہات کی بنیاد پر کیس نہیں سن سکتے، معاملہ کسی اور بینچ کو بھجوایا جائے۔
یہ انٹرا کورٹ اپیل سابق وفاقی وزیر اور عوامی مسلم لیگ کے سربراہ شیخ رشید احمد کی جانب سے دائر کی گئی تھی۔
درخواست میں مؤقف اختیار کیا گیا ہے کہ سنگل بینچ نے حقائق کے برعکس اپیل خارج کی، لہٰذا اس فیصلے کو کالعدم قرار دیا جائے۔
شیخ رشید کی درخواست میں مؤقف اپنایا گیا ہے کہ محسن نقوی کی بطور نگراں وزیر اعلیٰ پنجاب تعیناتی آئین اور قانون کے منافی ہے، لہٰذا عدالت نہ صرف سنگل بینچ کا فیصلہ کالعدم قرار دے بلکہ محسن نقوی کی تعیناتی کو بھی غیر قانونی قرار دے کر منسوخ کرے۔
واضح رہے کہ سنگل بینچ نے اس سے قبل محسن نقوی کی تعیناتی کو قانونی قرار دیتے ہوئے شیخ رشید کی درخواست مسترد کردی تھی، جس کے خلاف یہ انٹرا کورٹ اپیل دائر کی گئی ہے۔
یہ بھی پڑھیں: کیا واقعی ’سپر پرائم منسٹر‘ محسن نقوی ہی ہیں؟ شہباز شریف نے تعریفوں کے پل باندھ دیے
اب نیا بینچ تشکیل دیے جانے کے بعد کیس کی دوبارہ سماعت کی تاریخ متعین کی جائے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بینچ کی معذرت لاہور ہائیکورٹ محسن نقوی نگراں وزیراعلیٰ تعیناتی وی نیوز.
ذریعہ
ذریعہ: WE News
کلیدی لفظ: بینچ کی معذرت لاہور ہائیکورٹ محسن نقوی نگراں وزیراعلی تعیناتی وی نیوز لاہور ہائیکورٹ محسن نقوی کی
پڑھیں:
سندھ حکومت پولیس فورس کو جدید خطوط پر استوار کرنے کیلئے پرعزم ہے، وزیراعلیٰ سندھ
کراچی(ڈیلی پاکستان آن لائن) وزیر اعلیٰ سندھ مراد علی شایہ نے کہا ہے کہ سندھ حکومت پولیس فورس کو جدید خطوط پر استوار کرنے کیلئے پرعزم ہے۔
نجی ٹی وی چینل دنیا نیوز کے مطابق وزیراعلیٰ سندھ مراد علی شاہ نے کہا ہے کہ امن و امان کے قیام اور عوام کے جان و مال کے تحفظ میں سندھ پولیس کا کردار قابلِ ستائش ہے، سندھ پولیس عوام کے جان و مال کے تحفظ کے لیے ہر وقت تیار ہے، جدید تربیت یافتہ پولیس فورس امن و امان کے قیام میں کلیدی کردار ادا کرے گی۔
مراد علی شاہ نے پاسنگ آؤٹ پریڈ کی تقریب سے خطاب کرتے ہوئے کہا کہ پیشہ ورانہ مہارت، دیانتداری اور عوامی خدمت سندھ پولیس کی پہچان ہونی چاہیے، ہماری حکومت پولیس کی استعداد کار بڑھانے اور جدید سہولیات کی فراہمی کے لیے پرعزم ہے، نئی بھرتی ہونے والے جوان قانون کی بالادستی اور عوامی اعتماد کے فروغ میں اپنا بھرپور کردار ادا کریں۔
اداکارہ روما مائیکل اداکار شان بیگ سے شادی کے بندھن میں بندھ گئیں
وزیراعلیٰ سندھ نے پاس آؤٹ ہونے والے ریکروٹس کو مبارکباد پیش کرتے ہوئے روشن مستقبل کے لیے نیک تمناؤں کا اظہار کیا، تقریب کے اختتام پر وزیراعلیٰ سندھ نے ریکروٹس اور افسران کے ساتھ گروپ فوٹو بھی بنوایا۔
بھارت سے جنگ اور افغانستان میں کارروائی خارج ازامکان نہیں، وزیردفاع