مقبوضہ بیت المقدس میں فائرنگ کا واقعہ، 5 اسرائیلی ہلاک، 7 زخمی
اشاعت کی تاریخ: 8th, September 2025 GMT
مشرقی یروشلم کے نواحی علاقے میں واقع ایک بس اسٹاپ پر فائرنگ کے واقعے میں کم از کم 5 اسرائیلی شہری ہلاک جبکہ 7 زخمی ہو گئے۔ اسرائیلی میڈیا کے مطابق حملہ آوروں نے بس اور بس اسٹاپ کو نشانہ بنایا، جس سے موقع پر بھگدڑ مچ گئی۔
اسرائیلی ایمرجنسی سروس “میگن ڈیوڈ اڈوم” کا کہنا ہے کہ مرنے والوں میں ایک پچاس سالہ مرد اور تین نوجوان شامل ہیں جن کی عمریں لگ بھگ تیس سال تھیں۔ زخمیوں کو فوری طور پر اسپتال منتقل کیا گیا، جبکہ کچھ کو جائے وقوعہ پر ابتدائی طبی امداد دی گئی۔
اسرائیلی پولیس نے دعویٰ کیا ہے کہ دونوں حملہ آوروں کو موقع پر ہی “نیوٹرلائز” کر دیا گیا۔ اخبار “ہاریٹز” کے مطابق، حملے کے دوران ایک سیکیورٹی اہلکار نے دونوں مشتبہ افراد کو گولی مار کر ہلاک کیا۔ ابتدائی اطلاعات کے مطابق دونوں حملہ آور مغربی کنارے سے تعلق رکھتے تھے۔
واقعے کے فوراً بعد اسرائیلی وزیراعظم بنیامین نیتن یاہو جائے وقوعہ پر پہنچے اور سیکیورٹی حکام سے ہنگامی ملاقات کی۔ اس دوران علاقے میں سیکیورٹی مزید سخت کر دی گئی اور تحقیقات کا آغاز کر دیا گیا ہے۔
ادھر فلسطینی تنظیم حماس نے اس واقعے کی براہ راست ذمہ داری تو قبول نہیں کی، تاہم اسے اسرائیلی جارحیت کا “فطری ردِعمل” قرار دیا۔ اسلامی جہاد نے بھی حملے کو صیہونی ریاست کے مظالم کا جواب کہا ہے۔
ماہرین کا کہنا ہے کہ اسرائیل اس حملے کے ردعمل میں عمومی طور پر حملہ آوروں کے گھروں کو مسمار کرنے یا ان کے آبائی علاقوں کو نشانہ بنانے جیسے اقدامات کرتا ہے، جس سے حالات مزید کشیدہ ہو سکتے ہیں۔
ذریعہ
ذریعہ: Daily Mumtaz
کلیدی لفظ: حملہ ا
پڑھیں:
کولمبیا میں چھوٹا طیارہ حادثے کا شکار، 4 افراد ہلاک
بگوٹا(نیوز ڈیسک) کولمبیا میں چھوٹا طیارہ حادثے کا شکار ہو گیا جس کے نتیجے میں 4 افراد جان کی بازی ہار گئے۔
غیر ملکی خبر رساں ادارے شنہوا کے مطابق حادثہ اس وقت پیش آیا جب ایک طیارہ ٹیک آف کے دوران اچانک گر کر تباہ ہو گیا۔
ابتدائی اطلاعات کے مطابق طیارہ اڑان بھرنے کے چند ہی لمحوں بعد حادثے کا شکار ہوا، جس کے باعث اس میں سوار تمام افراد موقع پر ہی ہلاک ہو گئے۔
کولمبیا کے فضائی حادثات کی تحقیقات کرنے والے ادارے نے واقعے کی تصدیق کرتے ہوئے بتایا کہ حادثے کا شکار ہونے والا طیارہ سیسنا 206 تھا۔
حکام کے مطابق طیارہ وسطی کولمبیا کے علاقے میٹا کے دارالحکومت ویلاویسینسیو سے لا ماکارینا کی جانب اڑان بھر رہا تھا تاہم ٹیک آف کے دوران نامعلوم وجوہات کی بنا پر کنٹرول کھو بیٹھا اور زمین پر جا گرا۔
حادثے کے فوراً بعد متعلقہ اداروں نے ہنگامی پروٹوکول نافذ کر دیے اور تحقیقاتی ٹیم کو جائے وقوعہ کی جانب روانہ کر دیا گیا، ٹیم طیارے کے ملبے، تکنیکی شواہد، موسم کی صورتحال اور دیگر اہم پہلوؤں کا جائزہ لے گی تاکہ حادثے کی اصل وجوہات کا تعین کیا جا سکے۔
فضائی تحقیقاتی ادارے کا کہنا ہے کہ حادثے سے متعلق عینی شاہدین کے بیانات بھی ریکارڈ کیے جائیں گے جبکہ طیارے کی تکنیکی حالت اور پرواز سے قبل کی تیاریوں کا بھی تفصیلی معائنہ کیا جائے گا۔
حکام کے مطابق ابتدائی مرحلے میں کسی حتمی وجہ کا تعین نہیں کیا جا سکتا تاہم تمام پہلوؤں کو سامنے رکھ کر تحقیقات آگے بڑھائی جائیں گی۔
مقامی انتظامیہ نے ہلاک ہونے والے افراد کے اہل خانہ سے افسوس کا اظہار کرتے ہوئے کہا ہے کہ واقعے کی شفاف تحقیقات یقینی بنائی جائیں گی۔
مزید پڑھیں۔عالمی منڈی میں خام تیل کی قیمتوں میں اضافہ
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ