مزید چینی درآمد کرنے کے لیے ٹینڈر جاری، پاکستانی کتنی چینی استعمال کرتے ہیں؟
اشاعت کی تاریخ: 9th, September 2025 GMT
چینی کی مقامی مارکیٹ میں قیمتوں کے بڑھتے دباؤ اور ممکنہ قلت کے پیش نظر حکومت نے مزید چینی کی درآمد کے فیصلے کے تحت ٹریڈنگ کارپوریشن آف پاکستان (ٹی سی پی) نے ایک لاکھ میٹرک ٹن چینی کی درآمد کے لیے نیا ٹینڈر آج کھول دیا ہے۔
گزشتہ مالی سال پاکستان میں 88 لاکھ ٹن چینی کی پیداوار ہوئی تھی جبکہ مالی سال 24-2023 میں 66 لاکھ ٹن چینی پاکستانیوں نے استعمال کی۔
یہ بھی پڑھیں: ٹیکس چھوٹ سے آئی ایم ایف کا انکار، حکومت نے چینی درآمد کرنے کا ٹینڈر واپس لے لیا
ٹی سی پی نے اس ٹینڈر کے لیے بولیاں 8 ستمبر تک طلب کی ہیں، جبکہ دستاویز کے مطابق 25 ہزار میٹرک ٹن سے کم کی بولیاں قبول نہیں کی جائیں گی۔ یہ اقدام چینی کی بڑی مقدار میں اور جلد دستیابی کو یقینی بنانے کے لیے کیا گیا ہے۔
’21 اگست کو 2 لاکھ میٹرک ٹن چینی کی درآمد کے لیے ٹینڈر کھولا گیا‘اس سے قبل 21 اگست کو 2 لاکھ میٹرک ٹن چینی کی درآمد کے لیے ٹینڈر کھولا گیا تھا، جس میں 6 کمپنیوں نے بولیاں جمع کرائیں۔ ان میں سب سے کم بولی بیئر سینڈکٹ ایف زیڈ سی (UAE) کی جانب سے 560 ڈالر فی میٹرک ٹن کی دی گئی، جبکہ باقی بولیاں 592 ڈالر فی ٹن تک تھیں۔
11 اگست کو بھی ایک لاکھ ٹن چینی کے لیے ٹینڈر کھولا گیا تھا، جس میں 539 سے 586 ڈالر فی ٹن کی بولیاں موصول ہوئیں، تاہم ایک بولی دہندہ نے بعد میں دستبرداری اختیار کرلی۔
واضح رہے کہ وزیرِ قومی تحفظ خوراک رانا تنویر حسین کی زیر صدارت ہونے والے شوگر امپورٹ اسٹیئرنگ کمیٹی کے اجلاس میں فیصلہ کیا گیا کہ چینی کی درآمد دو مراحل میں مکمل کی جائے گی۔
’پہلے مرحلے میں 2 لاکھ ٹن چینی کی درآمد جبکہ دوسرے مرحلے میں ایک ہفتے بعد مزید 1.
وفاقی کابینہ پہلے ہی 5 لاکھ میٹرک ٹن چینی درآمد کرنے کی منظوری دے چکی ہے۔ حکومت نے یہ چینی ٹی سی پی کے ذریعے سرکاری سطح پر درآمد کرنے کا فیصلہ کیا ہے تاکہ مارکیٹ میں قیمتوں کو مستحکم رکھا جا سکے اور عوام کو معیاری و سستی چینی دستیاب ہو۔
’درآمدی چینی پر حکومت نے تمام ٹیکسز سے استثنیٰ دے رکھا ہے‘درآمدی چینی پر حکومت نے تمام ٹیکسز سے استثنیٰ دے رکھا ہے، تاکہ قیمتوں پر دباؤ کم ہو اور درآمد شدہ چینی صارفین تک کم نرخ پر پہنچ سکے۔
پاکستان میں گنے کی پیداوار سے ماضی قریب میں 58 لاکھ سے 59 لاکھ ٹن چینی حاصل کی گئی، جب کہ سال 22-2021 میں ریکارڈ 8 کروڑ 86 لاکھ ٹن گنے کی فصل ہوئی تھی۔ تاہم حالیہ سیزن میں 15 فیصد تک کمی دیکھی گئی ہے۔
پاکستان گنے کی پیداوار میں دنیا کا پانچواں بڑا ملک ہے، مگر فی ایکڑ پیداوار عالمی معیار سے کم ہے۔ کسانوں کو فی من قیمت 600 سے 700 روپے دی جا رہی ہے، جبکہ بھارت میں کسانوں کو بہتر قیمت ملتی ہے۔ سندھ گنے کی پیداوار میں سرفہرست ہے، اس کے بعد پنجاب کا نمبر آتا ہے۔
گزشتہ سال نومبر میں کرشنگ سیزن شروع ہونے کے بعد ملک بھر میں چینی کی ریٹیل قیمت 145 روپے فی کلو تک ہوگئی تھی، اس وقت شوگر مافیا اور شوگر ملز ایسوسی ایشن نے حکومت کو کہاکہ ملک میں بہت زیادہ تعداد میں چینی موجود ہے لہٰذا چینی کی ایکسپورٹ کی اجازت دی جائے تاکہ نقصان نہ ہو سکے۔
’حکومتی اجازت سے ساڑھے سات لاکھ ٹن چینی ایکسپورٹ کی گئی‘حکومت نے اس گارنٹی پر چینی کی ایکسپورٹ کی اجازت دی کہ چینی کی قیمتوں میں استحکام رہے گا اور قیمت 145 روپے فی کلو سے نہیں بڑھے گی جس کے بعد حکومتی اجازت سے ساڑھے سات لاکھ ٹن چینی ایکسپورٹ کردی گئی۔
ملک بھر سے چینی کی ایکسپورٹ کا سلسلہ شروع ہونے کے بعد سے ہی چینی کی فی کلو قیمت میں اضافہ اور مارکیٹ میں چینی کی قلت شروع ہو گئی۔
یہ بھی پڑھیں: یہ کیسا پاکستان ہے جہاں چینی باہر بھیج کر وہی چینی اربوں میں خریدلی جاتی ہے؟ شہباز شریف
نائب وزیراعظم اسحاق ڈار نے اس پر سخت نوٹس لیا اور حکم دیا کہ چینی مارکیٹ میں 165 روپے فی کلو سے زیادہ میں کسی صورت فروخت نہیں ہوگی البتہ اس حکم کو بھی دکانداروں اور شوگر ملز نے ہوا میں اڑا دیا اور چینی 175 سے 180 روپے فی کلو میں فروخت ہوتی رہی۔
ملک بھر میں چینی کی قیمت 195 روپے فی کلو تک پہنچ گئی تھی اور مزید اضافے کا خدشہ تھا جس پر حکومت نے چینی کی قیمت کو استحکام دینے کے لیے 5 لاکھ ٹن چینی امپورٹ کرنے کا فیصلہ کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews ٹینڈر چینی کی درآمد قیمت میں اضافہ کریشنگ سیزن وزیراعظم وفاقی کابینہ وی نیوز
ذریعہ
ذریعہ: WE News
کلیدی لفظ: ٹینڈر چینی کی درا مد قیمت میں اضافہ وفاقی کابینہ وی نیوز لاکھ میٹرک ٹن چینی چینی کی درآمد کے ٹن چینی کی درآمد کے لیے ٹینڈر لاکھ ٹن چینی روپے فی کلو کی پیداوار مارکیٹ میں میں چینی حکومت نے کرنے کا کے بعد گنے کی
پڑھیں:
عالمی مارکیٹ میں تیل کی قیمت 100 ڈالر سے تجاوز، مزید اضافے کا خدشہ
اسلام آباد: مشرق وسطیٰ میں بڑھتی ہوئی کشیدگی کے باعث عالمی مارکیٹ میں تیل کی قیمت میں نمایاں اضافہ ریکارڈ کیا گیا ہے، جہاں برینٹ کروڈ پہلی بار 100 ڈالر فی بیرل کی سطح عبور کر گیا، جبکہ امریکی خام تیل بھی 90 ڈالر فی بیرل سے اوپر پہنچ گیا۔
تازہ عالمی مارکیٹ رپورٹس کے مطابق خطے میں جاری غیر یقینی صورتحال اور سپلائی میں ممکنہ رکاوٹوں کے خدشات نے خام تیل کی قیمتوں کو نئی بلند ترین سطح پر پہنچا دیا ہے۔
ماہرین توانائی کا کہنا ہے کہ اگر مشرق وسطیٰ کی صورتحال مزید کشیدہ ہوئی اور تیل کی ترسیل متاثر ہوئی تو برینٹ کروڈ کی قیمت 120 ڈالر فی بیرل تک پہنچ سکتی ہے۔
تیل کی قیمتیں کیوں بڑھ رہی ہیں؟
تجزیہ کاروں کے مطابق ایران سے تیل کی سپلائی متاثر ہونے کے خدشات، بحیرہ احمر میں حوثیوں کی جانب سے بحری سرگرمیوں میں رکاوٹ اور اہم تجارتی راستوں پر بڑھتے ہوئے خطرات نے عالمی توانائی مارکیٹ کو شدید دباؤ میں ڈال دیا ہے۔
ماہرین کا کہنا ہے کہ ایران کے اہم آئل ٹرمینل جزیرہ خارگ کو کسی بھی ممکنہ نقصان یا تیل کی صنعت میں ہڑتال کی صورت میں عالمی سطح پر سپلائی مزید متاثر ہو سکتی ہے، جس سے قیمتوں میں مزید تیزی آنے کا امکان ہے۔
پاکستان پر کیا اثر پڑ سکتا ہے؟
توانائی ماہرین کے مطابق اگر عالمی مارکیٹ میں تیل کی قیمت اسی رفتار سے بڑھتی رہی تو پاکستان میں بھی پیٹرول، ڈیزل اور دیگر پیٹرولیم مصنوعات مزید مہنگی ہونے کا امکان ہے۔ اس کے علاوہ ٹرانسپورٹ، بجلی کی پیداوار، صنعتی لاگت اور مہنگائی پر بھی اس کے اثرات مرتب ہو سکتے ہیں۔
ماہرین نے خبردار کیا ہے کہ عالمی تیل منڈی میں جاری غیر یقینی صورتحال برقرار رہی تو نہ صرف توانائی کی قیمتیں مزید بڑھ سکتی ہیں بلکہ عالمی معیشت اور سپلائی چین بھی شدید دباؤ کا شکار ہو سکتی ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار