ڈی جی نیب لاہور سلیم شہزاد نے عہدے سے مستعفیٰ، وجہ بھی سامنے آگئی
اشاعت کی تاریخ: 10th, September 2025 GMT
قومی احتساب بیورو (نیب) لاہور کے ڈائریکٹر جنرل سلیم شہزاد نے اپنے عہدے سے استعفیٰ دے دیا۔
چیئرمین نیب کو بھجوایا گیا 4 صفحات پر مشتمل استعفیٰ موصول ہو گیا ہے، جس میں سلیم شہزاد نے اپنے فیصلے کی وجوہات بیان کی ہیں۔
انہوں نے تحریر کیاکہ وہ نہایت بھاری دل کے ساتھ استعفیٰ دے رہے ہیں کیونکہ صحت کے مسائل اور دیگر ذاتی وجوہات کے باعث مزید خدمات سرانجام نہیں دے سکتے۔
سلیم شہزاد نے کہاکہ الحمدللہ! میرے خلاف کرپشن کے الزامات کبھی ثابت نہیں ہو سکے۔ فوجی خدمات کے دوران انجری کے بعد میں میجر کے رینک پر ریٹائر ہوا تھا۔
استعفیٰ میں انہوں نے مزید بتایا کہ وہ 1999 میں نیب کے بانی اراکین میں شامل تھے، جب انہوں نے 18ویں گریڈ کے افسر کے طور پر شمولیت اختیار کی اور بعدازاں ترقی پا کر گریڈ 21 میں ڈی جی کے عہدے تک پہنچے۔
سابق ڈی جی نیب کے مطابق خیبرپختونخوا میں خدمات انجام دیتے ہوئے انہوں نے کارکردگی کے کئی ریکارڈ قائم کیے، جبکہ اپریل 2017 میں بطور ڈی جی نیب لاہور تعینات ہوئے۔
انہوں نے لکھا کہ لاہور میں عوامی مفاد میں نمایاں کام کیا اور 947 ارب روپے کی ریکوریز کرائیں، جبکہ ان سے قبل 17 برسوں میں صرف 44 ارب روپے کی برآمدگیاں ممکن ہو سکیں۔
استعفیٰ میں سلیم شہزاد نے یہ بھی کہاکہ بطور ڈی جی نیب لاہور وہ مسلسل پانچ سال تک خدمات انجام دیتے رہے، میگا کرپشن کیسز پر کارروائیاں کیں اور یہ ادراک بھی تھا کہ ان اقدامات پر سخت ردِعمل آ سکتا ہے۔
انہوں نے چیئرمین نیب نذیر بٹ کا شکریہ ادا کیا کہ انہوں نے ہمیشہ کھلے دل سے حقیقت سے آگاہ رکھا۔ سلیم شہزاد نے نیب عملے اور اپنے بچوں کا بھی شکریہ ادا کیا جنہوں نے ہر مشکل وقت میں ان کا ساتھ دیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews استعفی چیئرمین نیب ڈی جی نیب سلیم شہزاد وجہ سامنے آگئی وی نیوز.ذریعہ: WE News
کلیدی لفظ: استعفی چیئرمین نیب ڈی جی نیب سلیم شہزاد وی نیوز سلیم شہزاد نے ڈی جی نیب انہوں نے
پڑھیں:
پاکستان ریلویز میں بوگس دستاویزات پر کواٹرز کی الاٹمنٹ میں 3 ریٹائرڈ افسران بھی ملوث نکلے
پاکستان ریلویز میں بوگس دستاویزات پر کواٹرز کی الاٹمنٹ کرانے والوں میں تین ریٹائرڈ افسران بھی ملوث نکلے۔
بوگس کوارٹر ز کی الاٹمنٹ میں ملوث اہم ملازم عادل شہزاد نے اپنا تحریری بیان دے دیا
عادل شہزاد کے تحریری بیان میں بیس کے قریب پاکستان ریلویز کے کلر ک سے لیکر سول انجینئرز اور ایکسیئن تک ملوث نکلے۔
ایکسپریس نیوز کو پاکستان ریلویز میں رہائشی کوارٹر کی الاٹمنٹ کرانے میں اہم کردار ادا کرنے والے ملازم عادل شہزاد کا ریلوے انتظامیہ کو دیے جانے والے بیان کی دستاویزات مل گئیں۔
عادل شہزاد نے اپنے اوپر لگنے والے الزامات کو مسترد کرتے ہوئے کہا ہے کہ اس کو جان بوجھ کر پھنسانے کی کوشش کی جارہی ہے مجھے بھی جو کھوٹی الاٹ کی گئی وہ بھی جعلی دستاویزات پر دی گئی اور اس سارے کھیل میں اسٹیٹ انسپکٹر ز کلرک فوٹوکاپیر سے لیکر ایکسئین تک ملوث ہیں۔
اس فراڈ میں تین ریٹائرڈ ایکسئین خالد حسن قاضی بدر اور فیصل عمران بھی شامل ہیں جو اپنے ہیڈ کلرک فورمین سے مل کر بیک ڈیٹ یعنی پرانی تاریخوں میں دستاویزات بنوا کر آ س کی آڑ میں کواٹر ز اور پرکشش لوکیشن پر موجود گھروں کی الاٹمنٹ کراتے تاکہ کسی کو شک بھی نہ پڑے اگر پکڑے بھی جائیں تو کہا جائے ہمارے دستخط جعلی ہیں۔
یہ پورا منظم گروہ ہے جس میں وقاص ضیغم حافظ عمیر حسیب ریحان قریشی رانا عمران وقاص طارق اسٹیٹ انسپکٹر راشد رشید قاسم زیشان شاہد انیس مبارک علی اویس اور زاہد شامل ہیں۔
عادل شہزاد نے یہ انکشاف بھی کیا کہ جس ملازم سے کوارٹر خالی کرانے جاتے وہ بھی سات لاکھ سے لیکر جتنے میں ڈیل ہو رقم وصول کرتا اور جو کوارٹر یا گھر لیتا وہ بھی پانچ لاکھ سے لیکر دس لاکھ تک رقم ادا کر کے گھر لیتا یہ ساری رقم مختلف حصوں میں وصول کی جاتی جس کا جو حصہ بنتا اس کو ملتا۔
اب سارا ملبہ مجھ پر ڈالا جا رہا ہے مجھے جان کا خطرہ تھا اس لیے روپوش ہوگیا تھا شوگر کا مریض ہوں مجھ پر تمام الزامات بے بنیاد ہیں۔
بابر اعظم ایک ٹی 20 میچ میں کتنے عالمی ریکارڈز توڑ سکتے ہیں؟