قطر پر اسرائیلی حملہ: کیا امریکہ بھی ملوث ہے؟
اشاعت کی تاریخ: 11th, September 2025 GMT
لاہور(نیوز ڈیسک)اسرائیلی جنگی طیاروں نے قطر میں مبینہ طور پر حماس کے مرکز کو نشانہ بنایا اور بحفاظت واپس لوٹ گئے، جبکہ قطر کا دفاعی نظام اور نئی فورسز کوئی کردار ادا نہ کر سکیں۔ اس حملے کے بعد سوال اٹھنے لگا ہے کہ کیا قطر کو پہلے سے اس کارروائی کا علم تھا یا نہیں؟
تجزیہ کار عامر رضا نے گفتگو میں کہا کہ یہ تاثر غلط ہے کہ قطر کو حملے کا پہلے سے علم تھا۔ ان کے مطابق قطر ہمیشہ مذاکرات کی میزبانی کرتا رہا ہے، چاہے وہ پاکستان اور افغانستان کے ہوں یا روس کے ساتھ۔ “اگر کوئی یہ سمجھے کہ قطر اس حملے میں شریک تھا تو یہ دجالی نظام کے پھیلائے گئے پروپیگنڈے کے سوا کچھ نہیں۔”
انہوں نے کہا کہ قطر اور خلیجی ریاستوں کے دفاعی نظام مکمل طور پر امریکہ کے کنٹرول میں ہیں۔ ریڈار، میزائل، فضائی اڈے اور اسلحہ—سب امریکی نگرانی میں ہے۔ ایسے میں یہ ماننا کہ امریکی ریڈار کو حملے کی خبر نہ تھی، ایک “سفید جھوٹ” ہے۔
عامر رضا کے مطابق یہ حملہ خطے میں امن کے لیے سنگین خطرہ ہے، کیونکہ گزشتہ 24 گھنٹوں میں اسرائیل نے نہ صرف قطر بلکہ دیگر اسلامی رہنماؤں اور اہداف کو بھی نشانہ بنایا۔ “یہ اس بات کا ثبوت ہے کہ مسلم دنیا کے دشمن متحد ہیں جبکہ مسلمان ممالک اندرونی سرحدوں میں بٹے ہوئے ہیں۔”
انہوں نے دعویٰ کیا کہ اسرائیل کو امریکی ہتھیار کسی بھی ملک کے خلاف استعمال کرنے کی مکمل آزادی حاصل ہے، جبکہ عرب ممالک کو دیے گئے ہتھیاروں پر یہ شرط عائد ہے کہ وہ انہیں اسرائیل کے خلاف استعمال نہیں کر سکتے۔ “یہ ایسے ہی ہے جیسے ایک باکسر کے ہاتھ باندھ دیے جائیں اور دوسرے کو کھلا چھوڑ دیا جائے۔”
تجزیہ کاروں کے مطابق قطر پر یہ حملہ خطے میں نئی کشیدگی کو جنم دے سکتا ہے، خصوصاً اس وقت جب قطر مذاکرات اور ثالثی کے لیے ہمیشہ مرکزی کردار ادا کرتا آیا ہے
Post Views: 4.
ذریعہ
ذریعہ: Daily Mumtaz
کلیدی لفظ: کہ قطر
پڑھیں:
وفاقی کابینہ، ادویات ٹریک اینڈ ٹریس سسٹم نفاذ کی باقاعدہ منظوری دے دی
اسلام آباد،وفاقی وزیرِ صحت مصطفیٰ کمال (mustafa kamal)نے کہا ہے کہ وفاقی کابینہ نے ملک بھر میں ادویات پر ٹریک اینڈ ٹریس سسٹم کے نفاذ کی باضابطہ منظوری دے دی ہے۔
اس سلسلے میں ڈرگ لیبلنگ اینڈ پیکنگ رولز 1978 میں ضروری ترامیم کی بھی منظوری دے دی گئی ہے۔منگل کو جاری بیان کے مطابق وفاقی وزیرِ صحت نے کہا کہ یہ فیصلہ پاکستان میں جعلی ادویات کے خاتمے کی جانب ایک بڑا اور تاریخی قدم ہے۔
پہلی بار ملک میں ہر دوا کو ڈیجیٹل طریقے سے ٹریک اور ویریفائی کیا جا سکے گا، جس سے جعلی، غیر معیاری اور نقلی ادویات کی مؤثر نشاندہی اور ان کے خاتمے میں مدد ملے گی۔
انہوں نے کہا کہ نئے نظام کے نفاذ کے بعد عام صارفین باآسانی دوا کی میعادِ استعمال، قیمت اور دیگر اہم معلومات کی مستند تصدیق کر سکیں گے، جس سے عوام کا ادویات کے نظام پر اعتماد مزید مضبوط ہوگا۔
مصطفیٰ کمال نے بتایا کہ ڈرگ ریگولیٹری اتھارٹی آف پاکستان اس جدید نظام کو ملک بھر میں نافذ کرے گی۔ نئے قواعد کے تحت تمام دوا ساز کمپنیوں اور درآمد کنندگان کے لیے لازم ہوگا کہ وہ ہر دوا کے پیک پر معیاری ٹو ڈی بارکوڈ اور سیریلائزیشن ڈیٹا درج کریں۔
وفاقی وزیرِ صحت نے کہا کہ یہ اہم اقدام پاکستان میں ادویات کی سپلائی چین کو محفوظ، شفاف اور معیاری بنانے کے لیے کیا گیا ہے۔
حکومت ادویات کے شعبے کو جدید خطوط پر استوار کرنے کے لیے عملی اقدامات کر رہی ہے اور ٹریک اینڈ ٹریس سسٹم کے نفاذ سے جعلی ادویات کے خلاف ایک مضبوط اور مؤثر دیوار قائم ہوگی۔
انہوں نے مزید کہا کہ پاکستان جدید ٹیکنالوجی کے استعمال میں خطے کے نمایاں ممالک میں شامل ہوگا۔ اس نظام کے ذریعے نگرانی کے روایتی طریقوں کی جگہ جدید ڈیجیٹل نظام لے گاجس سے عوام کی صحت، زندگی اور اعتماد کا مکمل تحفظ یقینی بنایا جا سکے گا۔
مزید پڑھیں:میئر لندن، 16 سال سے کم عمر بچوں کیلئے سوشل میڈیا پر پابندی کی حمایت
وفاقی وزیرِ صحت کے مطابق ڈریپ کی جانب سے صنعت کو سہولت فراہم کرنے کے لیے جلد تکنیکی رہنما اصول جاری کیے جائیں گے، جبکہ متعلقہ فریقین کے ساتھ مشاورتی اجلاس بھی منعقد کیے جا چکے ہیں تاکہ نظام کے مؤثر اور مرحلہ وار نفاذ کو یقینی بنایا جا سکے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ