سفاری ورلڈ میں افسوسناک واقعہ، شیروں کے حملے میں چڑیا گھر کا ملازم ہلاک
اشاعت کی تاریخ: 11th, September 2025 GMT
تھائی لینڈ کے دارالحکومت بنکاک میں واقع مشہور سفاری ورلڈ اوپن ایئر زو میں بدھ کے روز ایک دل دہلا دینے والا واقعہ پیش آیا، جب 58 سالہ تجربہ کار ملازم جیان رنگکھاراسی شیروں کے جھُرمٹ میں آ کر ہلاک ہوگئے۔
مقامی میڈیا کے مطابق رنگکھاراسی، جو 20 برس سے زائد عرصے سے چڑیا گھر میں خدمات انجام دے رہے تھے، مبینہ طور پر حفاظتی اصولوں کی خلاف ورزی کرتے ہوئے اپنی گاڑی سے باہر نکل آئے۔ اسی دوران شیروں نے ان پر حملہ کر دیا، جو تقریباً 15 منٹ تک جاری رہا۔
یہ بھی پڑھیں: بھارت: بپھرے ہوئے ہاتھی کے حملے میں جرمن سیاح ہلاک
عینی شاہدین کے مطابق بعض سیاحوں نے گاڑی کے ہارن بجا کر اور شور مچا کر شیروں کو روکنے کی کوشش کی مگر کامیابی نہ مل سکی۔ زخمی ملازم کو فوری طور پر اسپتال لے جایا گیا، جہاں وہ دم توڑ گئے۔
⚠️ชัดที่สุดแล้วคลิปนี้เห็นตั้งแต่ตัวแรกตะครุบพี่เค้าหันหลังอยู่ตรงประตูรถจริงๆด้วย‼️????
ฝากแล้วตัวอื่นๆก็ตามมาคงจะเป็นจังหวะกำลังขึ้นรถพอดีหลังจากเก็บของเสร็จขอให้ไปสู่สุคตินะคะ???????? #ซาฟารีเวิลด์ #สวนสัตว์ #สิงโต pic.
— ฉันเล่าแล้วเธอห้ามบอกใครนะ (@Garfield_Lucky) September 10, 2025
عینی شاہدین کا آنکھوں دیکھا حالسابق فوجی سرجن کرنل ڈاکٹر تھاواچائی کانچانارین کے مطابق، ’بہت سے سیاحوں نے واقعہ اپنی آنکھوں سے دیکھا، لیکن سمجھ نہیں پا رہے تھے کہ وہ اس موقع پر کس طرح مدد کریں۔ کچھ دیر کے لیے تو یوں لگا جیسے شاید شیر ملازم کو جانتے ہیں، مگر پھر حملہ وحشیانہ ہو گیا۔‘
حکام نے کیا بتایا؟محکمہ وائلڈ لائف کے ڈائریکٹر جنرل اٹاپول چیرونچانسا نے کہا کہ واقعہ اس وقت پیش آیا جب شیروں کو خوراک دی جا رہی تھی۔ خیال ہے کہ ایک شیر غصے میں آگیا اور اس نے اچانک حملہ کر دیا۔
یہ بھی پڑھیے احمد آباد میں رتھ یاترا کے دوران ہاتھی بے قابو، لوگوں میں خوف و ہراس
انتظامیہ کا کہنا ہے کہ گزشتہ 40 برس میں ایسا کوئی واقعہ پیش نہیں آیا، آئندہ ایسے کسی واقعے سے بچنے کے لیے حفاظتی پروٹوکول کا ازسرنو جائزہ لیا جا رہا ہے۔
پیٹا (PETA) نے واقعے پر شدید افسوس کا اظہار کرتے ہوئے شیروں کو کسی محفوظ پناہ گاہ منتقل کرنے کا مطالبہ کیا۔ گروپ کا کہنا تھا کہ یہ حادثہ ایک بار پھر اس حقیقت کو اجاگر کرتا ہے کہ جنگلی جانوروں کو قید میں رکھنا اور قریب سے ہینڈل کرنا کس قدر خطرناک ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بنکاک سفاری ورلڈذریعہ: WE News
پڑھیں:
مجھ پر انڈوں سے حملہ کرنے کا واقعہ اسکرپٹڈ تھا: علیمہ خان
—فائل فوٹوبانی پی ٹی آئی کی بہن علیمہ خان کا کہنا ہے کہ مجھ پر انڈوں سے حملہ کرنے کا واقعہ اسکرپٹڈ تھا، جن 2 خواتین نے مجھ پر انڈا پھینکا ان کو پولیس نے بچایا۔
جوڈیشل کمپلیکس کے باہر میڈیا سے گفتگو کرتے ہوئے انہوں نے کہا کہ پولیس نے کہا کہ دونوں خواتین کو حراست میں لیا گیا ہے بعد میں دونوں کو چھوڑ دیا گیا۔
علیمہ خان کا کہنا تھا کہ دو سال سے ہم جیل آتے ہیں کبھی کوئی بدتمیزی کا واقعہ پیش نہیں آیا، دو چار لوگوں کو باقاعدہ طور پر اب ماحول خراب کرنے کے لیے بھیجا جاتا ہے۔
درخواست میں کہا گیا کہ اڈیالہ جیل کے باہر میڈیا سے گفتگو کے دوران علیمہ خان پر نامعلوم افراد نے انڈوں سے حملہ کیا، نامعلوم افراد میں تین خواتین سمیت 7سے 8 لوگ شامل تھے، نامعلوم افراد آج صبح سے ہی اڈیالہ جیل گیٹ نمبر 5 پر موجود تھے۔
انہوں نے کہا کہ ہمیں پولیس نے بتایا 4 بندے بدتمیزی کرنے کے لیے آپ کے پیچھے ہیں، کسی کی بھی ماں بیٹی پر اس طرح حملہ ہوگا کوئی برداشت نہیں کرے گا، ہمارا معاشرہ اور دین خواتین سے اس طرح کی بدتمیزی کی اجازت نہیں دیتا۔
ان کا کہنا تھا کہ کل بھی ہمارے ساتھ جیل کے باہر اسی خاتون نے بدتمیزی کی کوشش کی جس نے انڈا پھینکا، جیل کے باہر کل ہمارے اوپر کسی نے پتھر بھی مارے، پہلے انڈا پھینکا، پھر بدتمیزی کی، کل پتھر مارے اب چھرا بھی مار سکتے ہیں۔
علیمہ خان نے کہا کہ ہمارا کام بانی پی ٹی آئی کا پیغام پہنچانا ہے وہ ہم پہنچائیں گے، ہم پر حملہ ہوا ہماری ایف آئی آر پولیس درج نہیں کر رہی۔ ہمارے وکلاء جی ایچ کیو حملہ کیس کا ٹرائل اے ٹی سی منتقل کرنے کے نوٹیفکیشن کو چیلنج کریں گے۔ قانون اور انصاف تو یہاں ہے نہیں، یہ بانی پی ٹی آئی کی آواز بند کرنا چاہتے ہیں۔
باغ میں ڈیجیٹل انقلاب، نوجوانوں کی خودکفالت میں سافٹ ویئر ہاؤس کا اہم کردار