آئی ایس یپپختونخوا میں سیکورٹی فورسز کی کارروائیوں میں بھارتی اسپانسرڈ فتنۃ الخوارج کے 19 دہشتگرد مارے گئے
اشاعت کی تاریخ: 11th, September 2025 GMT
خیبر پختونخوا میں سیکورٹی فورسز کی جانب سے 9 اور 10 ستمبر کو 3 مختلف آپریشنز کیے گئے جن میں بھارتی سرپرستی یافتہ فتنۃ الخوارج کے 19 دہشتگرد ہلاک کر دیے گئے۔
پاک فوج کے شعبہ تعلقات عامہ (آئی ایس پی آر) کے مطابق ان کارروائیوں کا مقصد دہشتگردوں کے نیٹ ورک کو توڑنا اور علاقے کو مکمل طور پر محفوظ بنانا تھا۔
پہلا اور سب سے بڑا آپریشن مہمند ضلع کے علاقے گُلونُو میں انٹیلی جنس معلومات پر کیا گیا، جہاں دہشتگردوں کے ٹھکانے کو نشانہ بنایا گیا۔ آپریشن کے دوران شدید فائرنگ کا تبادلہ ہوا جس کے نتیجے میں 14 دہشتگرد موقع پر ہی ہلاک کر دیے گئے۔
یہ دہشتگرد متعدد دہشتگردانہ کارروائیوں میں ملوث تھے اور مقامی آبادی کو نشانہ بنانے کے منصوبے بنا رہے تھے۔
ایک اور انٹیلی جنس بنیاد پر کارروائی شمالی وزیرستان کے علاقے دتہ خیل میں کی گئی۔ اس آپریشن میں سیکورٹی فورسز نے بھرپور جواب دیتے ہوئے مزید 4 دہشتگردوں کو ہلاک کر دیا۔ یہ گروہ علاقے میں سرگرم دہشتگردی کے نیٹ ورک کا حصہ تھا اور کئی تخریبی منصوبوں میں براہِ راست ملوث پایا گیا۔
تیسری کارروائی ضلع بنوں میں ہوئی جہاں ایک دہشتگرد کو ہلاک کر دیا گیا۔ اس آپریشن کے دوران فورسز نے دہشتگردوں کے قبضے سے بھاری مقدار میں اسلحہ اور گولہ بارود بھی برآمد کیا جو مستقبل میں ممکنہ دہشتگردانہ کارروائیوں کے لیے استعمال کیا جانا تھا۔
آئی ایس پی آر کے مطابق دہشتگرد بھارت کی پشت پناہی سے نہ صرف ملکی سلامتی کو نقصان پہنچانے کی کوشش کر رہے تھے بلکہ عام شہریوں کو خوف و ہراس میں مبتلا کرنے کے لیے بھی سرگرم تھے۔ سیکورٹی فورسز نے یہ واضح کر دیا ہے کہ پاکستان دشمن عناصر کے کسی بھی منصوبے کو کامیاب نہیں ہونے دیا جائے گا اور ہر قسم کی دہشتگردی کو جڑ سے اکھاڑ پھینکا جائے گا۔
علاقے میں کلیئرنس آپریشن بدستور جاری ہے تاکہ کسی بھی چھپے ہوئے دہشتگرد کو نشانہ بنایا جا سکے اور عوام کی مکمل حفاظت یقینی بنائی جائے۔ پاک فوج نے عزم ظاہر کیا ہے کہ وہ ملک سے دہشتگردی کا ہمیشہ کے لیے خاتمہ کر کے امن و استحکام قائم کرے گی۔
حالیہ کامیابیاں اس بات کا ثبوت ہیں کہ سیکورٹی فورسز دشمن کے تمام عزائم کو ناکام بنانے کے لیے مکمل طور پر تیار اور پرعزم ہیں۔
.
ذریعہ
ذریعہ: Al Qamar Online
کلیدی لفظ: سیکورٹی فورسز ہلاک کر کے لیے
پڑھیں:
لاہور ڈی ایچ اے میں بارش کے بعد پانی بھرگیا، رابی پیرزادہ کا مریم نواز سے شکوہ
پنجاب میں بارشوں کے بعد لاہور کے ڈی ایچ اے میں بھی گھٹنوں گھٹنوں پانی کھڑا ہوگیا۔ رابی پیرزادہ نے بھی اپنے گھر کے قریب کھڑے پانی کی ویڈیو بناتے ہوئے وزیراعلیٰ پنجاب مریم نواز سے شکوہ کر ڈالا۔
رابی پیرزادہ نے اپنے فیس بک پیج پر بارش کے بعد کھڑے ہوئے پانی کی ایک ویڈیو شیئر کی ہے جس کا کیپشن ’’بارش کے بعد لاہور کی صورت حال اور مریم نواز کا ستھرا پنجاب‘‘ دیا ہے۔ اور ویڈیو پر لکھا ہے ’’مریم نواز صاحبہ، دیکھیں لاہور کے ساتھ کیا ہورہا ہے‘‘۔
رابی پیرزادہ نے وزیراعلیٰ پنجاب کو مخاطب کرتے ہوئے کہا ’’مریم نواز صاحبہ! یہ میں اپنے گھر میں کھڑی ہوں، جو کہ لاہور کے مہنگے ترین علاقے میں آتا ہے، یہ ڈی ایچ اے فیز ون ہے۔ میرے آفس ، میرے اسکول کے اندر بہت نقصان ہوا ہے۔ وہ شعیب صاحب جن سے آپ ساری انفارمیشن لیتی ہیں وہ پتا نہیں کس علاقے میں رہتے ہیں۔ ڈی ایچ اے کا حال بہت خراب ہے۔ مجھے نہیں پتا وہ 960 گاڑیاں کہاں کام کررہی ہیں۔‘‘
https://www.facebook.com/RabiPirzadaMusic/videos/%D8%A8%D8%A7%D8%B1%D8%B4-%DA%A9%DB%92-%D8%A8%D8%B9%D8%AF-%D9%84%D8%A7%DB%81%D9%88%D8%B1-%DA%A9%DB%8C-%D8%B5%D9%88%D8%B1%D8%AA-%D8%AD%D8%A7%D9%84-%D8%A7%D9%88%D8%B1-%D9%85%D8%B1%DB%8C%D9%85-%D9%86%D9%88%D8%A7%D8%B2-%DA%A9%D8%A7-%D8%B3%D8%AA%DA%BE%D8%B1%D8%A7-%D9%BE%D9%86%D8%AC%D8%A7%D8%A8lahore-rain-suthrapunj/1344354571218376/رابی پیرزادہ نے بارش کے بعد علاقے کی زبوں حالی کا شکوہ کیا۔ بعد ازاں ویڈیو کے کمنٹس میں لکھا ’’یہ ویڈیو ڈی ایچ اے میں ضرور ریکارڈ ہوئی ہے، مگر بارش کے بعد تقریباً پورے لاہور کا یہی حال ہے۔ اس ویڈیو کا مقصد کسی مخصوص علاقے یا ادارے پر تنقید کرنا نہیں، بلکہ اربابِ اختیار تک عوام کی مشکلات پہنچانا ہے تاکہ بروقت اور مؤثر اقدامات کیے جا سکیں۔‘‘
رابی پیرزادہ کی یہ ویڈیو سوشل میڈیا پر وائرل ہوگئی۔ تاہم کئی صارفین نے کمنٹ کیا کہ شدید بارش کے بعد پانی کا کھڑا ہونا عام بات ہے، جو کہ فوری نہیں نکالا جاسکتا۔ لیکن چند گھنٹوں بعد پانی کی نکاسی کردی گئی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار