پاکستان اور عراق کی فضائیہ کا مشترکہ مشقوں اور تربیتی اقدامات پر اتفاق
اشاعت کی تاریخ: 11th, September 2025 GMT
پاکستان اور عراق کی فضائیہ نے آپریشنل ہم آہنگی مستحکم کرنے کے لیے مشترکہ مشقوں اور تربیتی اقدامات پر اتفاق کیا ہے۔
پاک فوج کے شعبہ تعلقات عامہ (آئی ایس پی آر) کے مطابق عراق کی فضائیہ کے کمانڈر لیفٹیننٹ جنرل اسٹاف پائلٹ موہنند غالب محمد رعدی الاسدی کی قیادت میں اعلیٰ سطحی دفاعی وفد نے ایئر ہیڈکوارٹر اسلام آباد کا دورہ کیا۔
یہ بھی پڑھیں: عراقی فضائیہ کے کمانڈر کی جنرل ساحر شمشاد سے ملاقات، دفاعی و سیکیورٹی تعلقات کو وسعت دینے کا عزم
پاک فضائیہ کے سربراہ ائیر چیف مارشل ظہیر احمد بابر سدھو نے معزز مہمان کو خوش آمدید کہا، وفد کی آمد پر پاک فضائیہ کے چاق و چوبند دستے نے انہیں گارڈ آف آنر بھی پیش کیا۔
ملاقات کے دوران دونوں ممالک کے درمیان باہمی تعاون کے مختلف پہلوؤں پر تبادلہ خیال کیا گیا، جس میں خاص طور پر مشترکہ تربیت، صلاحیتوں میں اضافہ اور ایوی ایشن انڈسٹری میں پیشرفت پر زور دیا گیا۔
ایئرچیف مارشل ظہیر احمد بابر سدھو نے اس موقع پر پاکستان اور عراق کے درمیان مذہبی و تاریخی تعلقات کو اجاگر کرتے ہوئے کہا کہ یہی رشتے دونوں ممالک کی فضائیہ کے دیرینہ تعلقات کی بنیاد ہیں۔
یہ بھی پڑھیں: ایئر چیف سے کمانڈر یو اے ای نیول فورسز کی ملاقات، دفاعی تعاون بڑھانے پر اتفاق
انہوں نے عراقی فضائیہ کو ہر ممکن تعاون فراہم کرنے کے عزم کا اعادہ کیا اور اس بات کو یقینی بنایا کہ پاک فضائیہ تربیت اور استعداد کار بڑھانے میں عراقی فضائیہ کی بھرپور معاونت جاری رکھے گی۔
دونوں فضائیہ کے سربراہان نے مشترکہ مشقوں اور تربیتی اقدامات پر اتفاق کیا تاکہ آپریشنل ہم آہنگی مزید مستحکم ہو سکے۔
عراقی فضائیہ کے کمانڈر نے شاندار استقبال اور مہمان نوازی پر شکریہ ادا کرتے ہوئے پاک فضائیہ کی وژنری قیادت کو سراہا اور اسے خطے کی جدید، پیشہ ورانہ اور ٹیکنالوجی سے لیس فضائی قوت قرار دیا۔
یہ بھی پڑھیں: بحرین ڈیفنس فورس کے چیف آف اسٹاف کا ایئر ہیڈکوارٹر اسلام آباد کا دورہ، دونوں ممالک کا دفاعی تعاون بڑھانے پر اتفاق
انہوں نے عراق میں فضائی تربیتی نظام کو ازسرِ نو ترتیب دینے کے عزم کا اظہار کیا اور اس ضمن میں پاک فضائیہ سے مدد کی خواہش ظاہر کی۔
انہوں نے کہا کہ عراقی فضائیہ پاک فضائیہ کے پائلٹس کی مہارت اور تجربے سے براہِ راست استفادہ کرنا چاہتی ہے اور ایک جدید تربیتی ڈھانچہ قائم کرنے میں پاک فضائیہ کی رہنمائی کو انتہائی قیمتی سمجھتی ہے۔
لیفٹیننٹ جنرل موہنند غالب الاسدی نے قومی ایرو اسپیس سائنس اینڈ ٹیکنالوجی پارک کا بھی دورہ کیا اور پاک فضائیہ کے تخلیقی اقدامات اور ملکی استعداد سے گہرا تاثر لیا۔
انہوں نے کہا کہ عراق بھی ایسا ہی ایک نظام قائم کرنے کا خواہاں ہے جس میں تعلیمی ادارے، صنعت اور عسکری ضروریات ایک چھتری تلے منسلک ہوں۔
یہ بھی پڑھیں: ترکیہ وزیر دفاع کا ایئر ہیڈکوارٹرز کا دورہ، دفاعی تعاون کو وسعت دینے پر اتفاق
بعد ازاں وفد نے نیشنل آئی ایس آر اینڈ انٹیگریٹڈ ایئر آپریشنز سینٹر اور پی اے ایف سائبر کمانڈ کا بھی دورہ کیا جہاں انہیں پاک فضائیہ کی آپریشنل صلاحیتوں اور جدید ٹیکنالوجی سے آگاہ کیا گیا۔
عراقی فضائیہ کے اعلیٰ سطحی وفد کا یہ دورہ دونوں ممالک کے درمیان دفاعی تعلقات کو مزید مضبوط بنانے، تعاون کے فروغ اور باہمی روابط کے استحکام کا مظہر ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news ایئرہیڈ کوارٹر پاکستان عراق فضائیہ مشترکہ مشقیں.ذریعہ: WE News
کلیدی لفظ: ایئرہیڈ کوارٹر پاکستان فضائیہ مشترکہ مشقیں پاک فضائیہ کے عراقی فضائیہ یہ بھی پڑھیں دونوں ممالک فضائیہ کی کی فضائیہ انہوں نے پر اتفاق
پڑھیں:
قطر پر اسرائیلی حملے کیخلاف مسلم دنیا متحد، جوابی اقدامات کیلئے مکمل تعاون کی یقین دہانی
دوحہ میں ہنگامی عرب اسلامی سربراہی اجلاس کے مشترکہ اعلامیے میں کہا گیا ہے کہ قطر کے خلاف اسرائیل کی وحشیانہ جارحیت خطے میں امن کے امکانات کو نقصان پہنچاتی ہے، غیرجانبدار ثالث پر حملہ امن کی کوششوں کے لیے خطرہ ہے، قطر پر مزید حملوں کی اسرائیلی دھمکیوں کو مسترد کیا جاتا ہے۔ اسلام ٹائمز۔ دوحہ میں ہنگامی عرب اسلامی سربراہی اجلاس کا مشترکہ اعلامیہ جاری کردیا گیا جس میں کہا گیا کہ مسلم ممالک نے اسرائیل کے خلاف قطر کو جوابی اقدامات کیلئے مکمل تعاون کی یقین دہانی کروا دی ہے۔ مشترکہ اعلامیے میں کہا گیا ہے کہ قطر پر اسرائیل کے بزدلانہ اور غیرقانونی حملے کی شدید الفاظ میں مذمت اور قطر کے ساتھ مکمل یکجہتی اور ردعمل کیلئے اس کے اقدامات کی حمایت کرتے ہیں۔ مشترکہ اعلامیے میں کہا گیا کہ قطر کے خلاف اسرائیل کی وحشیانہ جارحیت خطے میں امن کے امکانات کو نقصان پہنچاتی ہے، غیرجانبدار ثالث پر حملہ امن کی کوششوں کے لیے خطرہ ہے، قطر پر مزید حملوں کی اسرائیلی دھمکیوں کو مسترد کیا جاتا ہے۔ اعلامیے میں حملے سے نمٹنے میں قطر کے مہذب اور دانشمندانہ مؤقف کی تعریف اور غزہ میں جارحیت روکنے کیلئے ثالث قطر، مصر اور امریکا کی کوششوں کی حمایت کی گئی۔
قبل ازیں دوحہ میں ہنگامی عرب اسلامی سربراہی اجلاس میں مسلم ممالک کے سربراہان نے کہا کہ اسرائیل نے تمام ریڈلائنز کراس کرلی ہیں، اقوام متحدہ کے چارٹر اور عالمی قوانین کی خلاف ورزی پر اسرائیل کو جوابدہ ٹھہرانا ہوگا، اور مشرق وسطیٰ میں امن کیلئے مسئلہ فلسطین حل کرنا ہوگا، صہیونی جارحیت روکنے کیلئے عملی اقدامات کی ضرورت ہے۔ امیر قطر شیخ تمیم بن حمد الثانی نے کہا ہے کہ اسرائیل نے انسانیت کے خلاف جرائم میں تمام حدیں پار کردیں، مشرق وسطیٰ میں امن کیلئے مسئلہ فلسطین حل کرنا ہوگا، امیر قطر شیخ تمیم بن حمدالثانی نے کہا کہ اسلامی ملکوں کے راہنماؤں کی دوحہ آمد پر خوش آمدید کہتا ہوں۔ دوحہ میں حماس کے مذاکرات کاروں پر اسرائیلی حملے کے تناظر میں انہوں نے کہا کہ اسرائیل نے قطر کی خودمختاری اور علاقائی سالمیت کی خلاف ورزی کی، قطر نے ثالث کے طور پر خطے میں امن کیلئے مخلصانہ کوششیں کیں۔
شیخ تمیم بن حمد الثانی نے کہا کہ اسرائیل نے مذاکراتی عمل کو سبوتاژ کرتے ہوئے حماس کی قیادت کو نشانہ بنایا، اسرائیل کی جانب سے خطے کے ملکوں کی خودمختاری کی خلاف ورزی قابل مذمت ہے۔ انہوں نے کہا کہ اسرائیل کے ہاتھوں فلسطینیوں کی نسل کشی ہورہی ہے، اسرائیل نے انسانیت کے خلاف جرائم میں تمام حدیں پار کردی ہیں، یرغمالیوں کی پرامن رہائی کے تمام اسرائیلی دعوے جھوٹے ہیں، گریٹر اسرائیل کا ایجنڈا عالمی امن کیلئے شدید خطرہ ہے۔
بھارتی بورڈ کی دولت میں 5برس کے دوران کروڑوں روپے کا اضافہ