برآمد کنندگان کو مزید سہولتیں دے کر برآمدات بڑھائی جائیں گی، ہارون اختر
اشاعت کی تاریخ: 11th, September 2025 GMT
اسلام آباد:
وزیراعظم کے معاون خصوصی ہارون اختر نے کہا ہے کہ برآمد کنندگان کو مزید سہولتیں دے کر برآمدات بڑھائی جائیں گی۔
وزیرِ اعظم کے معاون خصوصی ہارون اختر خان کی زیر صدارت سیمنٹ اور کلنکر برآمدات بڑھانے کے لیے ٹاسک فورس کا اعلیٰ سطح کا اجلاس ہوا، جس میں وزیر اعظم کے کوآرڈینیٹر رانا احسان افضال، عارف حبیب، پورٹ قاسم، کے پی ٹی، اسٹیٹ بینک، بورڈ آف انویسٹمنٹ اور گوادر پورٹ اتھارٹی کے نمائندے شریک ہوئے۔
ٹاسک فورس کمیٹی نے اجلاس میں اپنی پیش رفت پر بریفنگ دی اور اس موقع پر ہارون اختر نے کہا کہ پورٹ قاسم پر دو اضافی ملٹی پرپز برتھ جلد مکمل ہوں گی، پورٹ قاسم اتھارٹی اضافی برتھ کی تعمیر کے لیے ٹائم لائن فراہم کرے۔
چیئرمین پورٹ قاسم اتھارٹی نے کہا کہ 30 ہزار میٹرک ٹن اضافی اسٹوریج کیپیسٹی کی منظوری کے لیے پی کیو اے بورڈ کو پروپوزل بھیج دیا گیا ہے اور دسمبر 2025 تک اسٹوریج سہولیات کی مرمت مکمل کی جائے گی۔
چیئرمین کے پی ٹی نے کہا کہ کے پی ٹی کے برتھ نمبر 10 اگلے سال 17 اپریل 2026 تک مکمل ہوں گے۔
ہارون اختر کا کہنا تھا کہ اسٹیٹ بینک ڈھاکا میں پاکستانی سفیر سے رابطہ کرے اور سیمنٹ درآمد کرنے والے بنگلہ دیشی سیمنٹ امپورٹرز کی لسٹ حاصل کرے، یہ لسٹ ایل سی میں سہولت اور پاکستانی سیمنٹ کی مسابقت بڑھانے میں مددگار ہوگی۔
ہارون اختر خان نے ریلوے، میری ٹائم افیئرز، کے پی ٹی اور عارف حبیب پر مشتمل ذیلی گروپ تشکیل دیا۔
انہوں نے کہا کہ ذیلی گروپ کراچی شمالی بائی پاس کے قریب ٹرک مارشلنگ یارڈز کے لیے زمین کی نشان دہی کرے گا، ٹرک مارشلنگ یارڈز وقت اور لاگت کی بچت کریں گے۔
ان کا کہنا تھا کہ برآمد کنندگان کو مزید سہولتیں دے کر برآمدات بڑھائی جائیں گی، وزیر اعظم شہباز شریف برآمدکنندگان کو مسابقتی بنانے کے لیے دن رات محنت کر رہے ہیں۔
.ذریعہ: Express News
کلیدی لفظ: ہارون اختر کر برآمدات پورٹ قاسم نے کہا کہ کے پی ٹی کے لیے
پڑھیں:
یوکرین کا روس کی اہم آئل پورٹ پر ڈرون حملہ، غیرملکی جہازوں کا نقصان
ماسکو:یوکرین نے روس کی بحیرہ اسود میں مرکزی بندرگار تاؤپسے پر ڈرون حملہ کیا، جس کے نتیجے میں آئل ٹرمینل اور دو غیرملکی جہازون کو نقصان پہنچا۔
غیرملکی خبرایجنسی کی رپورٹ کے مطابق روسی حکام نے بتایا کہ تاؤپسے میں ہونے والے حملے میں دو غیرملکی جہازوں کو نقصان پہنچا ہے جہاں بحیرہ اسود میں روس کے بڑے آئل ٹرمینلز میں سے ایک ہے اور حملے میں اس ٹرمینل پر آگ بھڑک اٹھی۔
روس کے کراسنڈور ریجن کے ایمرجنسی آپریشنل ہیڈکوارٹرز سے جاری بیان میں کہا گیا کہ تاؤپسے بندرگاہ پر ڈرون حملہ رات کو ہوا جہاں موجود دو غیرملکی جہاز نشانہ بنے۔
بیان میں کہا گیا کہ اس حملے میں کوئی جانی نقصان نہیں ہوا ہے، جہاز کا عملہ سمیت وہاں کام کرنے والے دیگر افراد محفوظ ہیں لیکن بندرگاہ کی عمارت اور ٹرمینل کا انفرااسٹرکچر کو نقصان پہنچا ہے۔
رپورٹ میں بتایا گیا کہ روسی اور یوکرینی ٹیلی گرام چینلوں میں مختلف ویڈیوز میں دیکھایا گیا ہے، جس میں ٹرمینل میں تیل کے ٹینکر میں آگ لگی ہوئی ہے۔
ادھر یوکوین کی اندرونی سیکیورٹی سروس ایس بی یو کے عہدیدار نے بتایا کہ یوکرین کی فورسز نے تاؤپسے آئل ٹرمینل پر ڈورن حملہ کیا، 5 ڈرونز نے ایک آئل ٹینکر، لوڈنگ انفرا اسٹرکچر اور پورٹ کی عمارت کو نشانہ بنایا۔
رپورٹ کے مطابق تاؤپسے بحیرہ اسود میں آئل ٹرمینل اور روزنیفٹ آئل ریفائنری کا مرکز ہے، جس کو یوکرین نے رواں برس کئی مرتبہ ڈرون سے نشانہ بنایا ہے۔
ڈی جی این سی سی آئی اے وقار الدین سید کو عہدے سے ہٹا دیا گیا