میجر عزیز بھٹی شہید کا 60واں یومِ شہادت آج منایا جا رہا ہے
اشاعت کی تاریخ: 12th, September 2025 GMT
پاکستان کے قومی ہیرو اور نشانِ حیدر کے حامل میجر راجہ عزیز بھٹی شہید کا 60واں یومِ شہادت آج عقیدت و احترام کے ساتھ منایا جا رہا ہے۔
ابتدائی زندگی
میجر عزیز بھٹی شہید 1928 میں ہانگ کانگ میں پیدا ہوئے۔ آزادی سے قبل وہ اپنے خاندان کے ساتھ پاکستان آئے اور ضلع گجرات کے گاؤں لادیان میں سکونت اختیار کی۔
فوج میں شمولیت
انہوں نے 1950 میں پاک فوج میں شمولیت اختیار کی اور پنجاب رجمنٹ میں کمیشن حاصل کیا۔ اپنی پیشہ ورانہ صلاحیتوں اور جرات مندانہ خدمات کی وجہ سے وہ جلد ہی فوج میں نمایاں مقام حاصل کر گئے۔
1965 کی جنگ میں بہادری
ستمبر 1965 کی پاک-بھارت جنگ میں میجر عزیز بھٹی شہید لاہور کے علاقے بُرکی سیکٹر میں کمپنی کمانڈر کی حیثیت سے تعینات تھے۔
انہوں نے اپنی پلاٹون کے ساتھ فرنٹ لائن پر رہنے کا فیصلہ کیا اور پانچ دن تک بی آر بی نہر کے دفاع کی قیادت کی۔
یہ بھی پڑھیں:وفاقی کابینہ نے پاک فوج مخالف مہم چلانے والوں کے خلاف کارروائی کی ہدایت کردی
دشمن کی ٹینکوں اور توپخانے کی لگاتار گولہ باری کے باوجود وہ ڈٹے رہے اور جوانوں کا حوصلہ بلند رکھتے ہوئے دفاع کو منظم کیا۔
شہادت اور اعزاز
16 ستمبر 1965 کو دشمن کے گولے کا نشانہ بن کر وہ شہید ہوگئے۔ ان کی عظیم قربانی اور جرات کے اعتراف میں انہیں پاکستان کے سب سے بڑے فوجی اعزاز نشانِ حیدر سے نوازا گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
1966 بی آر بی پاک بھارت جنگ لاہور میجر عزیز بھٹی نشان حیدر.ذریعہ: WE News
کلیدی لفظ: پاک بھارت جنگ لاہور میجر عزیز بھٹی عزیز بھٹی شہید میجر عزیز بھٹی
پڑھیں:
پشاور: سی ٹی ڈی تھانے میں دھماکا، ایک اہلکار شہید، دو زخمی
پشاور میں یونیورسٹی روڈ پر سی ٹی ڈی تھانے میں دھماکا ہوا ہے۔
اس حوالے سے ایس ایس پی آپریشنز مسعود بنگش کا کہنا ہے کہ دھماکے میں ایک اہلکار شہید اور دو زخمی ہوئے ہیں۔
ایس ایس پی آپریشنز پشاور نے کہا کہ دھماکے سے عمارت کے ایک حصے کو نقصان پہنچا۔
پولیس کا کہنا ہے کہ تھانے میں موجود ملزمان کو سی ٹی ڈی ہیڈکوارٹرز منتقل کر دیا گیا ہے۔
رواں سال کا طاقتور ترین طوفان کیریبین جزائر پر اثر انداز ہونا شروع، اب تک 3 افراد ہلاک