پختونخوا کا سیلاب متاثرین کے لیے این ڈی ایم اے کی امداد پر اظہارِ عدم اطمینان
اشاعت کی تاریخ: 13th, September 2025 GMT
پشاور:
خیبر پختونخوا نے سیلاب متاثرین کے لیے این ڈی ایم اے کی امداد پر عدم اعتماد کا اظہار کردیا۔
ترجمان صوبائی حکومت (مشیر اطلاعات) بیرسٹر ڈاکٹر سیف نے اپنے ایک بیان میں خیبر پختونخوا کے سیلاب متاثرین کے لیے این ڈی ایم اے کی امداد پر عدم اطمینان کا اظہار کیا ہے۔
انہوں نے کہا کہ این ڈی ایم اے نے خیبر پختونخوا کے سیلاب متاثرین کو بے یار و مددگار چھوڑ دیا ہے۔ خیبر پختونخوا کے متاثرین کے لیے این ڈی ایم اے کی امداد اونٹ کے منہ میں زیرہ کے مترادف ہے۔
بیرسٹر سیف کا کہنا تھا کہ این ڈی ایم اے کی جانب سے چند ٹینٹ اور نیک خواہشات کے سوا کچھ نہیں ملا۔ خیبر پختونخوا حکومت نے اپنے وسائل سے سیلاب متاثرین کی بھرپور مدد کی۔ وزیر اعلیٰ کی نگرانی میں ریلیف آپریشن مکمل کیا گیا جبکہ اب متاثرین کی بحالی کا عمل جاری ہے۔
صوبائی مشیر کا کہنا تھا کہ وزیر اعلیٰ کی ہدایت پر خیبر پختونخوا میں سیلاب متاثرین کو دگنا معاوضہ فراہم کیا گیا۔ شہدا کے لواحقین کو 20 لاکھ روپے جب کہ زخمیوں کو 10 لاکھ روپے دیے گئے۔
.ذریعہ: Express News
کلیدی لفظ: لیے این ڈی ایم اے ڈی ایم اے کی خیبر پختونخوا سیلاب متاثرین متاثرین کے کی امداد
پڑھیں:
گورنر نے خیبر پختونخوا کابینہ کے اراکین کی منظوری دے دی
—فائل فوٹوگورنر خیبر پختونخوا فیصل کریم کنڈی نے خیبر پختونخوا کابینہ کے اراکین کی منظوری دے دی۔
گورنر خیبر پختونخوا فیصل کریم کنڈی نے وزیراعلیٰ کی بھیجی گئی سمری پر دستخط کر دیے۔
نئی کے پی کابینہ اراکین کی حلف برداری تقریب آج سہ پہر 3 بجے گورنر ہاؤس میں منعقد ہو گی۔ گورنر خیبر پختونخوا فیصل کریم کنڈی کابینہ اراکین سے حلف لیں گے۔
10وزیروں، 2 مشیروں اور ایک معاون پر مشتمل خیبر پختونخوا کی نئی کابینہ تشکیل، ارکان آج حلف اٹھائیں گے۔
واضح رہے کہ 10وزیروں، 2 مشیروں اور ایک معاون پر مشتمل خیبر پختونخوا کی نئی کابینہ تشکیل دے دی گئی ہے، ارکان آج حلف اٹھائیں گے۔
خیبر پختونخوا کی نئی کابینہ میں مینا خان، فضل شکور، فیصل ترکئی، عاقب اللّٰہ، شفیع جان، خلیق الرحمان، ڈاکٹر شامل ہیں۔
ریاض خان، فخر جہاں، تاج محمد ترند نئی کابینہ میں شامل ہیں جبکہ آفتاب عالم اور ارشد ایوب خان بھی کابینہ کا حصہ ہیں۔
سابق مشیر خزانہ مزمل اسلم کو بھی کابینہ میں شامل کیا گیا ہے۔
ٹریفک حادثات و دیگر واقعات میں بچے اور خاتون سمیت 7 افراد جاں بحق،13 زخمی