ٹرمپ کا روس پر نئی پابندیوں کا عندیہ، نیٹو ممالک پر روسی تیل کی خریداری بند کرنے کے لیے دباؤ
اشاعت کی تاریخ: 13th, September 2025 GMT
امریکی صدر ڈونلڈ ٹرمپ نے کہا ہے کہ وہ روس پر نئی اور سخت پابندیاں عائد کرنے کے لیے تیار ہیں، تاہم یہ اقدام اسی صورت میں ممکن ہوگا جب تمام نیٹو ممالک روسی تیل کی خریداری مکمل طور پر بند کریں اور یوکرین جنگ ختم کرنے کے لیے اپنی جانب سے پابندیاں نافذ کریں۔
صدر ٹرمپ نے تجویز دی ہے کہ ٹرانس اٹلانٹک اتحاد کے رکن ممالک چین پر 50 سے 100 فیصد تک محصولات عائد کرنے پر غور کریں تاکہ روس پر دباؤ بڑھایا جا سکے۔ یہ محصولات جنگ کے خاتمے کے بعد واپس لے لیے جائیں گے۔
یہ بھی پڑھیں: یوکرین کو فضائی مدد دیں گے، فوج نہیں بھیجیں گے، ٹرمپ کا اعلان
اپنے سوشل میڈیا پلیٹ فارم ’ٹروتھ سوشل‘ پر اپنے ایک بیان جسے انہوں نے تمام نیٹو ممالک اور دنیا کے نام خط قرار دیا، صدر ٹرمپ نے کہاکہ میں روس پر بڑی پابندیاں لگانے کے لیے تیار ہوں، لیکن اس وقت جب تمام نیٹو ممالک ایسا کرنے پر راضی ہوں اور روسی تیل خریدنا بند کریں۔
ڈونلڈ ٹرمپ نے کہا کہ روسی تیل کی خریداری حیران کن عمل ہے جو نیٹو ممالک کی ماسکو کے خلاف سودے بازی کی پوزیشن کو کمزور کرتا ہے۔
امریکی صدر نے مزید کہا کہ اگر نیٹو ممالک اجتماعی طور پر روس پر پابندیاں لگائیں اور ساتھ ہی چین پر 50 سے 100 فیصد محصولات عائد کریں تو یہ جنگ کے خاتمے میں بہت مددگار ثابت ہوگا۔
ان کے مطابق چین کا روس پر زبردست کنٹرول ہے، اور یہ محصولات اس گرفت کو توڑ دیں گے۔
ٹرمپ نے خبردار کیا کہ اگر 32 رکنی اتحاد ان کی ہدایات پر عمل نہیں کرتا تو پھر آپ صرف میرا وقت ضائع کر رہے ہیں۔
یہ بیانات ایسے وقت پر سامنے آئے ہیں جب ٹرمپ پہلے ہی ماسکو پر مزید پابندیوں اور اس کے تیل خریدنے والے ممالک، جیسے چین اور بھارت، پر ثانوی پابندیوں کی دھمکیاں دے چکے ہیں۔
امریکی صدر نے بھارت کی روسی تیل کی درآمدات پر برہمی ظاہر کرتے ہوئے بھارتی مصنوعات پر 25 فیصد اضافی محصولات عائد کیے ہیں، تاہم چین کے خلاف تاحال ایسا کوئی اقدام نہیں کیا گیا۔
یہ بھی پڑھیں: ڈونلڈ ٹرمپ یوکرین کی طرف سے کریمیا کے جزیرے سے دستبرداری کے حوالے سے پرامید
اس سے قبل ٹرمپ یورپی یونین پر زور دے چکے ہیں کہ وہ چین اور بھارت پر 100 فیصد تک محصولات عائد کرے تاکہ صدر ولادیمیر پوتن کو جنگ ختم کرنے پر مجبور کیا جا سکے۔
یہ مطالبہ انہوں نے گزشتہ منگل کو امریکی اور یورپی یونین کے حکام کے ساتھ ملاقات میں کیا تھا، جہاں روس پر مزید اقتصادی دباؤ ڈالنے کے امکانات پر غور کیا گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews امریکی صدر ڈونلڈ ٹرمپ روس پر پابندیاں نیٹو ممالک وی نیوز یورپی یونین.ذریعہ: WE News
کلیدی لفظ: امریکی صدر ڈونلڈ ٹرمپ روس پر پابندیاں نیٹو ممالک وی نیوز یورپی یونین محصولات عائد روسی تیل کی امریکی صدر ڈونلڈ ٹرمپ نیٹو ممالک کے لیے
پڑھیں:
امریکی سینیٹ نے ٹرمپ انتظامیہ کے مختلف ممالک پر عائد ٹیرف کو مسترد کردیا
data-id="863a0a8" data-element_type="widget" data-widget_type="theme-post-content.default">
امریکی سینیٹ نے ایک علامتی مگر اہم اقدام اٹھاتے ہوئے سابق صدر ڈونلڈ ٹرمپ کی انتظامیہ کی جانب سے مختلف ممالک پر عائد کردہ ٹیرف پالیسیوں کو مسترد کردیا ہے۔
غیر ملکی میڈیا کے مطابق سینیٹ نے ایک قرارداد منظور کی ہے جس کا مقصد ٹرمپ دور میں استعمال کی گئی ایمرجنسی اختیارات کو ختم کرنا ہے، جن کے تحت انہوں نے کئی ممالک پر اضافی ٹیرف عائد کیے تھے۔ یہ قرارداد علامتی نوعیت کی ہے اور اس پر عمل درآمد قانونی طور پر لازم نہیں۔
ووٹنگ کے دوران تمام ڈیموکریٹس نے ٹرمپ پالیسیوں کے خلاف ووٹ دیا، جبکہ ری پبلکن پارٹی کے چار اراکین نے بھی اپنی ہی پارٹی کے سابق صدر کی مخالفت کی۔ اس طرح قرارداد 47 کے مقابلے میں 51 ووٹوں سے منظور ہوئی۔
واضح رہے کہ اس سے قبل بھی سینیٹ نے ٹرمپ کے اُن فیصلوں کے خلاف ووٹ دیا تھا جن کے تحت انہوں نے برازیل پر 50 فیصد اور کینیڈا پر 35 فیصد درآمدی ٹیرف عائد کیا تھا، جس سے عالمی تجارتی تعلقات میں کشیدگی بڑھ گئی تھی۔
محبت، بلیک میلنگ اور قتل، خوفناک واردات کی تفصیل سامنے آگئی