صدر کا دورہ: پاکستان، چین کے درمیان مفاہمت کی 3 یادداشتوں پر دستخط
اشاعت کی تاریخ: 20th, September 2025 GMT
اسلام آباد (نمائندہ خصوصی ) اْرومچی میں صدر مملکت آصف علی زرداری کی موجودگی میں پاکستان اور چین کے درمیان 3 اہم مفاہمتی یادداشتوں پر دستخط کیے گئے۔ ذرائع کے مطابق ان معاہدوں کا تعلق لائیو سٹاک انڈسٹری میں جدت، پاکستان میں جدید ٹیکسٹائل انڈسٹریل پارک کے قیام اور فائر ٹرکس و ایمرجنسی آلات کی فراہمی سے ہے۔ صدر آصف علی زرداری نے اس موقع پر کہا کہ یہ یادداشتیں پاکستان میں خوراک کے تحفظ، صنعتی ترقی، برآمدات کے فروغ اور آفات سے نمٹنے کی صلاحیت کو بہتر بنائیں گی۔ لائیو سٹاک سیکٹر کی بہتری دیہی علاقوں میں روزگار کے نئے مواقع پیدا کرے گی جبکہ ٹیکسٹائل پارک کا قیام برآمدات بڑھانے اور صنعتی شعبے کو مزید فعال کرنے میں مددگار ہوگا۔ صدر مملکت نے کہا کہ چین کی جانب سے جدید فائر ٹرکس اور ایمرجنسی آلات کی فراہمی عوامی تحفظ کو یقینی بنانے اور ریسکیو آپریشنز کو مزید مؤثر بنانے میں اہم کردار ادا کرے گی۔ صدر پاکستان آصف علی زرداری نے تھر بلاک-1 انٹیگریٹڈ انرجی پراجیکٹ سے متعلق ایک اہم مفاہمتی یادداشت ( ایم او یو) پر دستخطوں کی تقریب میں شرکت کی۔ یہ معاہدہ ایم ایف ٹی سی کول گیسفیکیشن اینڈ مینوفیکچرنگ (پرائیویٹ) لمیٹڈ اور شنگھائی الیکٹرک کی ذیلی کمپنی چائنہ سندھ ریسورسز (پرائیویٹ) لمیٹڈ کے مابین طے پایا، جس کا مقصد منصوبے کی جامع تر کھوج اور مؤثر استعمال کو فروغ دینا ہے۔ کاشغر میں صدر آصف علی زرداری کے اعزاز میں عشائیہ دیا گیا۔ عشائیہ کا اہتمام سنکیانگ کے نائب گورنر نی ژوانگ نے کیا۔ صدر زرداری نے پرتپاک میزبانی پر شکریہ ادا کیا۔ صدر زرداری نے کہا چینی شہروں کی ترقی متاثر کن ہے۔
.ذریعہ: Nawaiwaqt
کلیدی لفظ: علی زرداری
پڑھیں:
صدر زرداری آج دوحا میں عالمی سربراہی اجلاس سے خطاب کرینگے
data-id="863a0a8" data-element_type="widget" data-widget_type="theme-post-content.default">
251104-01-9
دوحا/ اسلام آباد (صباح نیوز) صدر مملکت آصف زرداری آج دوحا میں سماجی ترقی کے عالمی سربراہی اجلاس سے خطاب کریں گے۔ پیر کو ترجمان دفتر خارجہ کی طرف سے جاری بیان کے مطابق صدر زرداری پیر سے بدھ تک سماجی ترقی کے عالمی سربراہ اجلاس میں شرکت کیلیے قطر کے دارالحکومت دوحا کے سرکاری دورے پر ہیں۔ یہ اجلاس قطر کی میزبانی میں منعقد ہو رہا ہے جس میں متعدد سربراہان مملکت و حکومت شریک ہوں گے۔ اجلاس کا مقصد پائیدار ترقی کے 2030 ایجنڈے کے حصول کے لیے عالمی کوششوں کو مزید تقویت دینا ہے۔ اجلاس کے اختتام پر دوحا سیاسی اعلامیہ منظور کیا جائے گا۔
ملک بھر میں انٹرنیٹ سروسز کیوں متاثر ہیں؟