انکم ٹیکس ریٹرینز جمع کرانے کی آخری تاریخ 31اکتوبر کی جائے، صدر کراچی چیمبر
اشاعت کی تاریخ: 24th, September 2025 GMT
data-id="863a0a8" data-element_type="widget" data-widget_type="theme-post-content.default">
کراچی (کامر س رپورٹر) کراچی چیمبر آف کامرس اینڈ انڈسٹری (کے سی سی آئی) نے فیڈرل بورڈ آف ریونیو (ایف بی آر) کے چیئرمین راشد محمود لنگڑیال کی توجہ مبذول کراتے ہوئے انکم ٹیکس اور سیلز ٹیکس ریٹرنز جمع کرانے کی قانونی آخری تاریخوں میں توسیع کی پُرزور اپیل کی ہے۔کے سی سی آئی کے صدر محمد جاوید بلوانی نے چیئرمین ایف بی آر کو بھیجے گئے ایک مراسلے میں اس بات پر زور دیا کہ ملک بھر کے ٹیکس دہندگان کو درپیش مشکلات کے پیش نظر انکم ٹیکس ریٹرنز جمع کرانے کی آخری تاریخ 30 ستمبر سے بڑھا کر 31 اکتوبر 2025 تک کی جائے۔ انہوں نے مزید کہا کہ اگست 2025 کے سیلز ٹیکس ریٹرنز جمع کرانے کے لیے بھی ایک ماہ کی توسیع دی جائے کیونکہ موجودہ حالات میں تاجر برادری کو فوری ریلیف فراہم کرنا ناگزیر ہوگیا ہے۔وجوہات بیان کرتے ہوئے صدر کے سی سی آئی نے کہا کہ آئی آر آئی ایس پورٹل شدید تکنیکی مسائل اور سست رفتاری کا شکار ہے، خاص طور پر مصروف اوقات میں، جس کے باعث ٹیکس دہندگان کے لیے ریٹرنز مؤثر طریقے سے جمع کرانا تقریباً ناممکن ہوگیا ہے۔ بارہا یقین دہانیوں کے باوجود یہ مسائل گزشتہ سال سے حل نہیں ہو سکے جبکہ ٹیکس فائلرز کی تعداد میں اضافے نے ایف بی آر کے نظام پر مزید دباؤ ڈال دیا ہے جسے فوری اپ گریڈ کی ضرورت ہے۔انہوں نے مزید کہا کہ حالیہ طوفانی بارشوں اور شہری سیلاب نے ملک بھر میں انٹرنیٹ اور ٹیلی کام سروسز کو بری طرح متاثر کیا ہے جبکہ کئی علاقوں میں فور جی اور فائیو جی کنیکٹیوٹی خراب رہی ہے۔ یہ رکاوٹیں ان فائلرز کے لیے مزید مشکلات کا باعث بنی ہیں جو آن لائن پلیٹ فارمز پر ہی انحصار کرتے ہیں۔صدر کے سی سی آئی نے یاد دلایا کہ ماضی میں بھی ایف بی آر نے ایسے ہی حالات میں ریٹرنز جمع کرانے کی تاریخوں میں توسیع دی تھی۔ایسی سہولتیں نہ صرف ٹیکس دہندگان کو حوصلہ افزائی فراہم کرتی ہیں بلکہ معیشت کی ڈاکیومنٹیشن کو بھی فروغ دیتی ہیں اور زیادہ ریونیو کلیکشن کا سبب بنتی ہیں، جو ایف بی آر اور بزنس کمیونٹی دونوں کے مشترکہ مفاد میں ہے۔جاوید بلوانی نے زور دیا کہ انکم ٹیکس اور سیلز ٹیکس ریٹرنز کی تاریخ میں توسیع دینے سے ایڈووکیٹس، چارٹرڈ اکاؤنٹنٹس، کنسلٹنٹس اور ٹیکس پریکٹیشنرز کو اپنے فرائض بہتر انداز میں انجام دینے میں سہولت ملے گی، جس سے درستگی اور بہتر تعمیل یقینی بنائی جا سکے گی۔انہوں نے امید ظاہر کی کہ چیئرمین ایف بی آر مثبت ردعمل دیں گے اور ٹیکس دہندگان اور قومی خزانے کے بہترین مفاد میں فیصلہ کریں گے۔
ذریعہ
ذریعہ: Jasarat News
کلیدی لفظ: ریٹرنز جمع کرانے ٹیکس دہندگان جمع کرانے کی کے سی سی ا ئی ٹیکس ریٹرنز انکم ٹیکس ایف بی ا ر
پڑھیں:
فیصل آباد:حکومت سے مذاکرات ناکام ہونے پر پیٹرول پمپ مالکان کا پمپس بند رکھنے کا اعلان
اسلان درانی : فیصل آباد میں حکومت اور پٹرول پمپ مالکان کے درمیان مذاکرات کامیاب نہ ہو سکے، جس کے بعد پٹرول پمپ مالکان نے ہڑتال کا اعلان کر دیا, ہڑتال کے باعث شہر میں متعدد پٹرول پمپس پر پٹرول کی فراہمی معطل ہو گئی، جس سے شہریوں کو ایندھن کے حصول میں شدید مشکلات کا سامنا ہے۔
اطلاعات کے مطابق پاکستان اسٹیٹ آئل (PSO) اور گو (GO) کے چند پمپس کے علاوہ بیشتر مقامات پر پٹرول دستیاب نہیں، جبکہ کھلے پمپس پر بھی گاڑیوں کی لمبی قطاریں دیکھی جا رہی ہیں۔ شہریوں کا کہنا ہے کہ پٹرول تک رسائی ان کے لیے ایک بڑا چیلنج بن چکی ہے۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
شہریوں نے شکایت کی کہ پٹرول پہلے ہی مہنگا ہو چکا ہے اور اب اس کی عدم دستیابی نے مشکلات میں مزید اضافہ کر دیا ہے۔ بعض شہریوں کا کہنا ہے کہ پٹرول پمپ مالکان سپلائی میں تعطل کو جواز بنا رہے ہیں، جس سے عام صارفین متاثر ہو رہے ہیں۔
شہریوں نے حکومت سے مطالبہ کیا ہے کہ عوامی مفاد کو مدنظر رکھتے ہوئے فوری اقدامات کیے جائیں، پٹرول کی بلا تعطل فراہمی یقینی بنائی جائے اور حکومت و پٹرول پمپ مالکان کے درمیان پیدا ہونے والے تنازع کو جلد از جلد حل کیا جائے تاکہ معمولاتِ زندگی متاثر نہ ہوں۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
ٹی20 ورلڈ کپ 2026: پاکستان نے سپر 8 کے لیے جگہ پکی کر لی