تائیوان میں جھیل کا بند ٹوٹنے سے تباہی، متعدد افراد ہلاک
اشاعت کی تاریخ: 24th, September 2025 GMT
تائیوان میں جھیل کا بند ٹوٹنے سے تباہی، متعدد افراد ہلاک یورپی ممالک کو یوکرین کی مزید مدد کرنی چاہیے، جرمن وزیر خارجہ روس ریچھ ہے، کاغذی شیر نہیں، ماسکو تائیوان میں جھیل کا بند ٹوٹنے سے تباہی، متعدد افراد ہلاک
سپر ٹائیفون رگاسا کے باعث شدید بارشوں کے بعد تائیوان کے مشرقی علاقے ہوالین میں منگل کو ایک پرانی جھیل کا قدرتی بند ٹوٹ گیا، جس سے سیلابی پانی نے ایک پل اور بستی کو لپیٹ میں لے لیا۔
سرکاری ترجمان لی کوان ٹنگ کے مطابق اس واقعے میں کم از کم 14 افراد ہلاک اور 18 زخمی ہوئے ہیں جبکہ 152 افراد اب بھی لاپتا ہیں۔مقامی رہائشیوں نے جھیل کا بند ٹوٹنے کے اس منظر کو ’’آتش فشاں پھٹنے‘‘ سے تشبیہ دی۔
(جاری ہے)
پانی اور مٹی کا طوفان گھروں کی پہلی منزل تک بھر گیا جبکہ گاڑیاں، درخت اور سڑکیں بہا لے گیا۔ متاثرہ علاقے کے لوگ اب اپنے گھروں سے مٹی اور کیچڑ نکالنے میں مصروف ہیں۔
وزیرِاعظم چو جنگ تائی نے علاقے کا دورہ کرتے ہوئے متاثرین کو مدد کی یقین دہانی کرائی ہے اور کہا کہ ہلاکتوں کی بڑی وجہ یہ بھی ہے کہ بروقت انخلا کے احکامات پر عمل نہیں ہوا۔
فائر ایجنسی کی فوٹیج میں گاڑیاں ڈوبی ہوئی، درخت اکھڑے اور سڑکیں پانی میں ڈوبی نظر آ رہی ہیں۔ پورے تائیوان میں اب تک 7,600 سے زیادہ افراد کو طوفان کے پیشِ نظر محفوظ مقامات پر منتقل کیا گیا ہے۔
سپر ٹائیفون رگاسا کی وجہ سے ہانگ کانگ اور چین کے جنوبی علاقے بھی بری طرح متاثر ہوئے ہیں۔
جرمنی کے وزیر خارجہ یوہان واڈےفیہول نے بدھ کو کہا کہ یورپی ممالک کو یوکرین کی مالی اور عسکری امداد میں اضافہ کرنا ہو گا۔ ان کا یہ بیان امریکی صدر ڈونلڈ ٹرمپ کے اس مؤقف کے بعد آیا ہے کہ یوکرین روس کے قبضے سے اپنی تمام زمین واپس لے سکتا ہے۔
جرمن وزیر خارجہ نے ریڈیو ڈوئچ لینڈ فنک سے گفتگو میں کہا، ’’ہم بہت کچھ حاصل کر سکتے ہیں لیکن تمام یورپی ممالک نے وہ نہیں کیا، جو انہوں نے طویل عرصے سے یوکرین سے وعدہ کیا تھا۔ ہمیں دیکھنا ہو گا کہ ہمارے پاس اور کون سے مالی اور فوجی آپشنز موجود ہیں۔‘‘
روس ریچھ ہے، کاغذی شیر نہیں، ماسکوکریملن نے بدھ کو امریکی صدر ڈونلڈ ٹرمپ کے اس بیان کو مسترد کر دیا، جس میں انہوں نے روس کو ’’کاغذی شیر‘‘ قرار دیا تھا۔
روسی ترجمان دیمتری پیسکوف نے کہا کہ ’’روس ایک ریچھ ہے، ٹائیگر نہیں اور دنیا میں کاغذی ریچھ نام کی کوئی چیز نہیں۔‘‘ٹرمپ نے منگل کو ایک سوشل میڈیا پوسٹ میں کہا تھا کہ یوکرین روس سے قبضہ کی گئی اپنی تمام زمین واپس لے سکتا ہے کیونکہ ماسکو کو بڑے معاشی مسائل کا سامنا ہے۔
یہ بیان یوکرین کے حق میں ان کے لہجے کی نمایاں تبدیلی سمجھا جا رہا ہے۔
ٹرمپ نے کہا کہ روس ساڑھے تین برس سے ایک لاحاصل جنگ لڑ رہا ہے اور کسی بڑی عسکری قوت کے لیے یوکرین ایک مشکل ہدف نہیں تھا۔ انہوں نے کہا کہ اس سے روس کی عسکری کمزوری واضح ہوتی ہے۔پیسکوف نے ایک ریڈیو انٹرویو میں دعویٰ کیا کہ روسی فوج یوکرین میں آگے بڑھ رہی ہے اور محاذ پر صورتحال سب کے سامنے ہے۔ انہوں نے مزید کہا کہ روسی معیشت کا استحکام یقینی ہے۔
ذریعہ
ذریعہ: UrduPoint
کلیدی لفظ: تلاش کیجئے یورپی ممالک تائیوان میں افراد ہلاک
پڑھیں:
سیکیورٹی فورسز کی مستونگ میں کارروائی کے دوران فتنہ الہندوستان کے 6 دہشت گرد ہلاک
اسلام آباد: سیکیورٹی فورسز نے مستونگ میں کارروائی کے دوران فتنہ الہندوستان کے 6 دہشت گردوں کو ہلاک اور متعدد کو گرفتار کرلیا. گرفتار شدگان میں سہولت کار سمیت مرد اور خواتین خودکش بمبار بھی شامل ہیں۔بلوچستان میں انٹیلی جنس بیسڈ آپریشن کامیابی سے جاری ہے. سیکیورٹی فورسز نے کارروائیاں تیز کرتے ہوئے دہشت گردوں کے خلاف گھیرا مزید تنگ کردیا۔سیکیورٹی ذرائع کے مطابق سیکیورٹی فورسز نے بلوچستان میں مستونگ کےعلاقہ کھڈ کوچہ میں بروقت کارروائی کرتے ہوئے فتنہ الہندوستان کے 6 دہشت گرد وں کو جہنم واصل کر دیا۔سیکیورٹی ذرائع کے مطابق خفیہ اطلاعات کی بنیاد پر کی گئی سیکیورٹی فورسز کی اس کارروائی کے دوران متعدد دہشت گردوں کو گرفتار بھی کر لیا گیا. گرفتار دہشت گردوں میں سہولت کار سمیت مرد اور خواتین خودکش بمبار بھی شامل ہیں۔سیکیورٹی ذرائع کے مطابق سیکیورٹی فورسز کی مؤثر کاروائی میں دہشت گردوں کی متعدد کمین گاہیں مکمل طور پر تباہ کر دی گئیں. کارروائی کے دوران دہشت گردوں کے ٹھکانوں سے بھاری مقدار میں اسلحہ اور گولہ بارود بھی برآمد کر لیا گیا۔آپریشن کے دوران علاقے میں سرچ اور کلیئرنس کارروائیاں جاری ہیں، سیکیورٹی فورسز کی جانب سے مکمل نگرانی برقرار ہے. حالیہ دنوں میں مستونگ کےعلاقہ کھڈ کوچہ میں دہشتگردوں کی مذموم کاروائیوں کے بعد سیکیورٹی فورسز کی جانب سے انٹیلی جنس بیسڈ آپریشن تیز کر دیے گئے ہیں۔
پاکستان نے ورلڈ کپ 2028 کیلیے براہ راست کوالیفائی کر لیا