عوامی ایکش کمیٹی کا احتجاج، وزیراعظم شہباز شریف وطن واپسی پر براہ راست رابطہ کریں گے، مشتاق منہاس
اشاعت کی تاریخ: 28th, September 2025 GMT
مسلم لیگ (ن) آزاد کشمیر کے سینیئر نائب صدر مشتاق منہاس نے کہا ہے کہ وزیراعظم شہباز شریف وطن واپسی کے بعد براہِ راست جموں و کشمیر جوائنٹ عوامی ایکشن کمیٹی کے ذمہ داران سے مذاکرات کریں گے۔
یہ بھی پڑھیں: عوامی ایکشن کمیٹی کو بھارت فنڈنگ کررہا ہے، وزیراعظم آزاد کشمیر کا الزام
میڈیا سے گفتگو میں مشتاق منہاس نے بتایا کہ وزیراعظم سے ان کی تفصیلی ملاقات ہوئی ہے جس میں انہوں نے واضح کیا کہ عوامی ایکشن کمیٹی کے مطالبات پر بات چیت پہلے بھی ہو چکی ہے اور ان میں سے زیادہ تر تسلیم کیے جا چکے ہیں۔ ان کا کہنا تھا کہ ایسا تاثر درست نہیں کہ مذاکرات نہیں ہو رہے، ایکشن کمیٹی کو مسلسل انگیج کیا گیا ہے اور وہ خود بھی اس عمل کا حصہ رہے ہیں۔
انہوں نے مزید کہا کہ 2024 میں بھی حکومت آزاد کشمیر اور عوامی ایکشن کمیٹی کے درمیان معاہدہ ہوا تھا، مگر اس پر عمل درآمد نہ ہو سکا جس کے بعد کمیٹی نے اپنے 38 نکاتی مطالبات دوبارہ پیش کیے۔
یہ بھی پڑھیں: عوامی ایکشن کمیٹی کے ساتھ مذاکرات کیوں ناکام ہوئے؟ طارق فضل چوہدری نے بتا دیا
یاد رہے کہ عوامی ایکشن کمیٹی نے کل آزاد کشمیر میں لاک ڈاؤن کا اعلان کر رکھا ہے۔ اس سے قبل وزیراعظم کی ہدایت پر وفاقی وزرا نے مظفرآباد جا کر مذاکرات کیے اور 38 میں سے 36 نکات مان لیے، تاہم اختلافات برقرار رہنے کے باعث احتجاج موخر نہ ہو سکا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news آزاد کشمیر شہباز شریف عوامی ایکشن کمیٹی مذاکرات مشتاق منہاس ہڑتال.
ذریعہ
ذریعہ: WE News
کلیدی لفظ: شہباز شریف عوامی ایکشن کمیٹی مذاکرات مشتاق منہاس ہڑتال عوامی ایکشن کمیٹی کے مشتاق منہاس
پڑھیں:
آزاد کشمیر انتخابات: استحکام پارٹی‘ مرکزی مسلم لیگ‘ جموں کشمیر یونائیٹڈ موومنٹ کا اتحاد
مظفر آباد (نوائے وقت رپورٹ) آئی پی پی نے مرکزی مسلم لیگ‘ جموں کشمیر یونائیٹڈ موومنٹ سے اتحاد کر لیا اور آزاد کشمیر میں مشترکہ طور پر انتخابات لڑنے کا اعلان کیا ہے۔ آئی پی پی رہنما عون چودھری نے کہا ہے کہ کشمیر کے تحفظ و ترقی کیلئے اتحاد ضروری ہے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی