چینی بحران ، ایک اور ٹینڈرجاری، ایک لاکھ ٹن درآمد کا منصوبہ
اشاعت کی تاریخ: 29th, September 2025 GMT
ملک میں چینی کی بڑھتی ہوئی قلت اور قیمتوں میں اضافے کے باعث حکومت نے ایک لاکھ ٹن چینی کی درآمد کے لیے ایک اور ٹینڈر جاری کر دیا ہے۔ ٹریڈنگ کارپوریشن آف پاکستان (ٹی سی پی) کی جانب سے جاری کردہ اس ٹینڈر کے تحت بولیاں 6 اکتوبر تک طلب کی گئی ہیں، جو اسی روز کھولی جائیں گی۔ ٹینڈر کی شرائط کے مطابق 25 ہزار ٹن سے کم کی کوئی بھی بولی قبول نہیں کی جائے گی۔
حکومتی فیصلے کے مطابق چینی کی درآمد سرکاری سطح پر ٹی سی پی کے ذریعے کی جائے گی، جبکہ اس درآمد پر تمام ٹیکسز سے استثنیٰ دیا گیا ہے تاکہ عوام تک چینی کی فراہمی کو یقینی بنایا جا سکے اور مہنگائی پر قابو پایا جا سکے۔
یاد رہے کہ وفاقی کابینہ نے جولائی 2025 میں مجموعی طور پر 5 لاکھ میٹرک ٹن چینی درآمد کرنے کی منظوری دی تھی۔ اس فیصلے کے تحت 23 ستمبر کو پہلا ٹینڈر جاری کیا گیا، جس میں ٹی سی پی کو 4 بین الاقوامی کمپنیوں کی جانب سے بولیاں موصول ہوئیں۔
دوسری جانب پاکستان شوگر ملز ایسوسی ایشن نے چینی کی درآمد کی مخالفت کرتے ہوئے مؤقف اپنایا ہے کہ ملک میں چینی کا وافر ذخیرہ موجود ہے اور درآمد کی کوئی ضرورت نہیں۔ تاہم حکومتی ذرائع کا کہنا ہے کہ یہ اقدام عوامی مفاد اور مارکیٹ میں استحکام لانے کے لیے ناگزیر ہے۔
ذریعہ: Daily Mumtaz
کلیدی لفظ: چینی کی
پڑھیں:
راولپنڈی میں ڈینگی کے وار جاری، مزید 29 افراد متاثر
data-id="863a0a8" data-element_type="widget" data-widget_type="theme-post-content.default">
راولپنڈی: شہر میں ڈینگی مچھر کی افزائش قابو سے باہر ہوتی جا رہی ہے اور مریضوں کی تعداد میں مسلسل اضافہ ریکارڈ کیا جا رہا ہے۔
محکمہ صحت کے مطابق گزشتہ 24 گھنٹوں کے دوران ڈینگی کے مزید 29 نئے کیس رپورٹ ہوئے جس کے بعد ضلع میں تصدیق شدہ مریضوں کی تعداد 709 تک پہنچ گئی ہے، اس وقت مختلف اسپتالوں میں 61 مریض زیرِ علاج ہیں جبکہ خوش آئند بات یہ ہے کہ اب تک ڈینگی سے کوئی موت واقع نہیں ہوئی۔
ضلعی انتظامیہ کے مطابق ڈینگی پر قابو پانے کے لیے 1499 ٹیمیں روزانہ کی بنیاد پر سرویلنس کر رہی ہیں۔ اب تک 54 لاکھ سے زائد گھروں کی جانچ کی جا چکی ہے جن میں سے ایک لاکھ 64 ہزار گھروں میں ڈینگی لاروا پایا گیا۔ اسی طرح 14 لاکھ سے زیادہ مقامات کی چیکنگ کے دوران 22 ہزار سے زائد جگہوں پر بھی لاروا کی موجودگی کی نشاندہی ہوئی۔
انتظامیہ نے ڈینگی ایس او پیز کی خلاف ورزی پر سخت کارروائیاں بھی کی ہیں۔ اب تک 4330 مقدمات درج، 1834 عمارتیں سیل جبکہ 10 کروڑ 72 لاکھ روپے سے زائد کے جرمانے عائد کیے جا چکے ہیں۔
محکمہ صحت کے مطابق گزشتہ روز رپورٹ ہونے والے نئے کیسز زیادہ تر سیٹلائیٹ ٹاؤن (ڈی بلاک اور ایف بلاک)، امر پورہ، دھمیال، گنگال، تخت پری، ڈھوک منشی، ڈھوک کھبہ، لکھن اور نیو کٹاریاں سمیت دیگر علاقوں سے سامنے آئے ہیں۔
اٹلی میں معرکہ حق انٹرنیشنل سیمینار کا انعقاد، افواجِ پاکستان سے والہانہ اظہارِ محبت