نیوزی لینڈ کا ناپید ہوتا’کَاری آریا باز’ برڈ آف دی ایئر کا مقابلہ جیت گیا
اشاعت کی تاریخ: 29th, September 2025 GMT
نیوزی لینڈ کے واحد باز ’کَاری آریا‘ کو سال 2025 کے پرندے کے مقابلے میں فتح حاصل ہوئی جہاں اس نے 73 دیگر امیدواروں کو شکست دے کر یہ اعزاز اپنے نام کیا۔
یہ بھی پڑھیں: عالمی حدت نے پرندوں کی بقا خطرے میں ڈال دی، سائنسدانوں کی وارننگ
دی گارڈین کے مطابق خطرے سے دوچار یہ تیز رفتار شکاری پرندہ 200 کلومیٹر فی گھنٹہ کی رفتار سے پرواز کرنے کی صلاحیت رکھتا ہے۔ مقابلے میں کَاری آریا نے 21 فیصد ووٹ حاصل کیے۔
اس سال کے ’برڈ آف دی ایئر‘ مقابلے میں تمام 73 پرندوں کے لیے رضاکار مہم منیجرز مقرر کیے گئے تھے جنہوں نے ووٹ حاصل کرنے کے لیے میمز، ریلز اور ہاتھ سے بنے ہوئے پوسٹرز جیسے تخلیقی ذرائع استعمال کیے۔
نیوزی لینڈ کے محکمۂ تحفظ کے مطابق اس وقت صرف 5 تا 8 کَاری آریا ہی باقی بچے ہیں جو عام طور پر جنگلات، چٹانوں یا گرے ہوئے درختوں کے نیچے رہائش اختیار کرتے ہیں۔
تحفظاتی تنظیم فارسٹ اینڈ برڈ کی چیف ایگزیکٹو نکولا ٹوکی جن کی تنظیم نے اس مقابلے کا انعقاد کیا نے کہا کہ میمز اور مزاح کے پیچھے ایک سنجیدہ پیغام چھپا ہے۔
مزید پڑھیے: وائلڈ لائف سندھ کی کارروائی: ایک ہزار سے زیادہ پرندے برآمد
انہوں نے مزید کہا کہ اس سال کے ٹاپ 10 پرندے مکمل طور پر اعداد و شمار سے میل کھاتے ہیں اور ان میں سے 80 فیصد خطرے میں ہیں۔
انہوں نے مزید کہا کہ مسکن کی تباہی، موسمیاتی تبدیلی اور غیر مقامی شکاریوں کی موجودگی کئی اقسام کو معدومی کے دہانے تک لے جا رہی ہے مگر عوامی شعور ایک طاقتور ہتھیار بن سکتا ہے۔
ٹوکی نے یہ بھی نشاندہی کی کہ مقابلے میں شامل کاکاپو اور کَرورے بلیک رابن جیسی اقسام قومی طور پر نازک شمار کی جاتی ہیں جن کی تعداد 300 سے بھی کم رہ گئی ہے۔
مزید پڑھیں: دنیا میں پرندے کا سب سے بڑا مجسمہ کہاں نصب ہے؟
برڈ آف دی ایئر کا یہ مقابلہ 20 سال قبل شروع کیا گیا تھا جس کا مقصد نیوزی لینڈ کے مقامی پرندوں کو درپیش خطرات کو اجاگر کرنا تھا جن میں شکار، انسانی سرگرمیاں اور قدرتی مسکن کی تباہی شامل ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.ذریعہ: WE News
کلیدی لفظ: نیوزی لینڈ مقابلے میں ک اری آریا
پڑھیں:
کراچی، پولیس مقابلہ، ہاؤس رابری و کار لفٹنگ گینگ کے 5 زخمی ملزمان سمیت 7 گرفتار
کراچی:کراچی کے علاقے غریب آباد کے قریب ملیر سٹی پولیس اور ہاؤس رابری و کار لفٹنگ میں ملوث ڈکیت گروہ کے درمیان مبینہ پولیس مقابلہ ہوا، جس میں فائرنگ کے تبادلے کے بعد 5 ملزمان زخمی جبکہ مجموعی طور پر 7 کو گرفتار کر لیا گیا۔
پولیس کے مطابق دیگر ملزمان موقع سے فرار ہونے میں کامیاب ہو گئے۔
پولیس کا کہنا ہے کہ مذکورہ گروہ شہر بھر میں ہاؤس رابری، گاڑی چوری اور اسٹریٹ کرائمز کی وارداتوں میں ملوث تھا۔
گشت پر موجود پولیس ٹیم کو دیکھتے ہی ملزمان نے فائرنگ شروع کر دی، جس پر پولیس کی جانب سے جوابی کارروائی کی گئی۔
گرفتار ملزمان کے قبضے سے 3 ریپیٹر، 4 عدد 30 بور پستول، ایک کرولا کار، ایک موٹرسائیکل، متعدد موبائل فونز اور نقدی رقم برآمد ہوئی ہے۔ پولیس کا کہنا ہے کہ گروہ کی سرگرمیوں اور دیگر ساتھیوں کی تلاش کے لیے تفتیش جاری ہے۔
ایشیا کپ فائنل : سندھ کے 6 شہروں میں بڑی اسکرینز پر پاک بھارت میچ دکھانے کا فیصلہ