کراچی میں سمندری ہوائیں بند، شدید گرمی، درجہ حرارت 40 ڈگری تک جا سکتا ہے
اشاعت کی تاریخ: 29th, September 2025 GMT
کراچی کے باسیوں کو آج شدید گرمی اور حبس کا سامنا کرنا پڑ سکتا ہے کیونکہ شہر میں سمندری ہوائیں بند ہو چکی ہیں۔ موسمیاتی تجزیہ کار جواد میمن کے مطابق آج موسم خاصا گرم اور مرطوب رہنے کی توقع ہے۔
انہوں نے بتایا کہ بڑھتی ہوئی نمی کی وجہ سے درجہ حرارت 38 سے 40 ڈگری سینٹی گریڈ تک جا سکتا ہے، جب کہ محسوس ہونے والی گرمی 43 ڈگری سے بھی زیادہ ہو سکتی ہے۔ یعنی شہریوں کو آج گرمی معمول سے کہیں زیادہ جھلسا دینے والی لگے گی۔
جواد میمن کے مطابق، اس وقت بھارتی گجرات کے قریب ہوا کا ایک کم دباؤ موجود ہے جو پوسٹ مون سون سیزن کے تحت بنا ہے۔ یہ سسٹم مزید شدت اختیار کرکے “ڈیپریشن” میں تبدیل ہو سکتا ہے، جس کے باعث کراچی میں سمندری ہوائیں بند ہیں۔
انہوں نے مزید کہا کہ یہ سسٹم آئندہ دنوں میں بحیرہ عرب کی طرف بڑھ سکتا ہے، جس کے اثرات کراچی کے موسم پر بھی پڑ سکتے ہیں۔ آج شہر کے مضافاتی علاقوں میں کہیں کہیں گرج چمک کے ساتھ بادل بننے کا امکان ہے، جب کہ 30 ستمبر کو کراچی میں بعض مقامات پر ہلکی یا درمیانے درجے کی بارش ہو سکتی ہے۔
شہریوں کو مشورہ دیا گیا ہے کہ وہ آج دن کے وقت غیر ضروری طور پر باہر نکلنے سے گریز کریں، پانی کا زیادہ استعمال کریں اور خود کو دھوپ سے محفوظ رکھیں۔
ذریعہ
ذریعہ: Daily Mumtaz
کلیدی لفظ: سکتا ہے
پڑھیں:
طوفانی ہوائیں: موٹروے کے کئی مقامات پر ہیوی ٹریفک کا داخلہ بند
سٹی 42 : شدید آندھی اور طوفانی ہواؤں کے باعث موٹروے ایم-5 پر ہائی ٹرانسمیشن بجلی کی تاریں گر گئیں۔ حفاظتی اقدامات کے تحت روہڑی سے رحیم یار خان تک موٹروے پر ہیوی ٹریفک کا داخلہ بند کردیا گیا ہے۔
ترجمان موٹروے پولیس کے مطابق روہڑی اور پنوں عاقل سے شمالی سمت جانے والی ہیوی اور پبلک سروس گاڑیوں کا داخلہ روک دیا گیا ہے۔ موٹروے ایم-5 پر مقام 510 ساؤتھ باؤنڈ اور نارتھ باؤنڈ پر بجلی کی تاریں سڑک پر گرنے سے ٹریفک متاثر ہوئی ہے۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
ترجمان موٹروے پولیس کا کہنا ہےکہ مسافروں کی حفاظت کے پیش نظر ٹریفک کو متبادل راستوں پر ڈائیورٹ کر دیا گیا۔ موٹروے پولیس کی جانب سے اقبال آباد اور گڈو کے مقامات پر متبادل راستوں کے ذریعے ٹریفک کو گزارا جا رہا ہے۔ ترجمان کا کہنا ہے کہ پنجاب سے سندھ جانے والے مسافر اقبال آباد سے بذریعہ رحیم یار خان قومی شاہراہ این-5 استعمال کر سکتے ہیں۔
ترجمان موٹروے پولیس کا کہنا ہےکہ موٹروے ایم-5 پر بجلی کی تاریں ہٹانے اور ٹریفک بحالی کے لیے اقدامات جاری ہیں ۔ سندھ سے پنجاب جانے والے مسافر رحیم یار خان سے قومی شاہراہ این-5 کے ذریعے موٹروے ایم-5 پر دوبارہ سفر جاری رکھ سکتے ہیں۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
موٹروے پولیس نے شہریوں سے غیر ضروری سفر سے گریز کرنے کی ہدایت کی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ