اجتماع عام میں سندھ کے مسائل اور لوٹ مار کا مقدمہ پیش کرینگے‘ کاشف شیخ
اشاعت کی تاریخ: 30th, September 2025 GMT
data-id="863a0a8" data-element_type="widget" data-widget_type="theme-post-content.default">
250930-08-15
کراچی/لاڑکانہ(اسٹاف رپورٹر/نمائندہ جسارت ) جماعت اسلامی سندھ کے امیر کاشف سعید شیخ نے کہا ہے کہ 21تا23نومبر مینار پاکستان لاہور میں منعقدہ اجتماع عام میں جماعت اسلامی سندھ کی جانب سے صوبے میں ڈاکو راج،وسائل کی لوٹ مار، بدترین کرپشن،دریائے سندھ کے پانی پر ڈاکے،کارپوریٹ فارمنگ کے نام پر زرعی زمینوں پر قبضے سمیت دیگر مسائل اور تیل، گیس، کوئلے سمیت قیمتی معدنیات کی دولت سے مالا مال سندھ کے عوام کی محرومیوں کا مقدمہ پیش کریں گے، ان شااللہ اجتماع عام میں کراچی تا کشمور سندھ بھر سے عوام کے بڑے بڑے قافلے شرکت کریں گے۔ان خیالات کا اظہار انہوں نے لاڑکانہ میں ضلعی ذمے داران کے اجلاس سے خطاب کے دوران خطاب کیا۔اجلاس میں صوبائی ڈپٹی جنرل سیکرٹری ونگران ڈویژن امداداللہ بجارانی ،امیرضلع ایڈووکیٹ نادرعلی کھوسہ،قیم ذیشان عابد اورمقامی امیررمیزراجہ شیخ سمیت ہرسطح کے ذمے داران شریک تھے ۔اجلاس میں اجتماع عام کے حوالے سے مقامات کو اہداف اور دیگر سرگرمیوں کی منصوبابندی بھی کی گئی۔ صوبائی امیر نے مزید کہا کہ جماعت اسلامی پاکستان کے تحت 21، 22 اور 23 نومبر کو ملکی تاریخ کا سب سے بڑا اجتماع عام ہو گا۔ ملک بھر سے لاکھوں مرد وخواتین مینار پاکستان کے سائے تلے جمع ہونگے،عوام کرپٹ،نااہل اور ووٹ کی بجائے مقتدرقوتوں کے قائم کردہ ہائبرڈ نظام کی بدولت اقتدار کے مزے لوٹنے والے حکمرانوں کو گھر بھیجنے اوراسلامی پاکستان ۔خوشحال پاکستان کیلئے اجتماع عام میں بھرپور شرکت کرکے اسلام کے بابرکت نظام کے نفاذ کی جدوجہد میں ہمارا ساتھ دے۔کاشف سعید شیخ نے مزید کہا کہ سندھ میں سترہ سالوں سے پیپلزپارٹی اقتدار کے مزے لوٹ رہی ہے مگر آج جدید دور میں بھی سندھ کے عوام صحت، تعلیم،روزگار،صاف پانی سمیت بنیادی سہولیات سے محروم اور پتھر کے دور میں جینے پر مجبور ہیں۔ حکمرانوں کی اولادیں کھرب پتی جبکہ محکوم عوام آج بھی دوقت کی روٹی کیلئے ترس رہے ہیں، موجودہ ہائبرڈ نظام کی پیداوار حکومت نے ایک سال میں رکارڈ قرضے لیکر عوام کی کمر توڑ کر رکھ دی ہے،عالمی بینک کی رپورٹ ’’سب ٹھیک ہے‘‘ کا رٹا لگانے والے حکمرانوں کی منہ پر طمانچہ ہے۔آج ملک میں چھ کروڑ لوگ غربت کی لکیر سے نیچے زندگی گذارنے پر مجبور جبکہ لاکھوں نوجوان بیرون ملک جانے پر مجبور کردیئے گئے ہیںجبکہ حکمرانوں کی ناقص اور عوام دشمن پالیسیوں کی وجہ سے سندھ میں لاکھوں ملازمین احتجاج کررہے ہیں اور تعلیمی ادارے، ہسپتالوں سمیت دیگر سرکاری ادارے کئی روز سے بند پڑے ہوئے ہیں۔قوم بددیانت،کرپٹ اشرافیہ اور بار بار آزمائے ہوئے سیاستدانوں کی بجائے اب جماعت اسلامی کی دیانتدار قیادت کا ساتھ دے تاکہ مہنگائی، بیروزگاری، بے امنی اور ڈاکو راج سے نجات مل سکے ۔
ذریعہ
ذریعہ: Jasarat News
کلیدی لفظ: جماعت اسلامی سندھ کے
پڑھیں:
وزیراعلی سندھ مراد علی شاہ کا مون سون کے پیش نظر انتظامیہ کو الرٹ رہنے کا حکم
وزیراعلی مراد علی شاہ نے تمام ڈپٹی کمشنرز، ضلعی انتظامیہ، بلدیاتی اداروں، آبپاشی حکام، محکمہ صحت، امدادی اداروں اور مقامی حکومت کے اداروں کو مکمل طور پر چوکس رہنے، ہنگامی ردعمل کی ٹیموں کو تیار رکھنے، نکاسی آب کے نظام کو فعال رکھنے اور انسانی جانوں اور املاک کے تحفظ کے لیے تمام ضروری اقدامات کرنے کی ہدایت کی ہے۔ اسلام ٹائمز۔ سندھ کے وزیر اعلی سید مراد علی شاہ کی ہدایت پر صوبائی ڈیزاسٹر مینجمنٹ اتھارٹی (پی ڈی ایم اے) نے سندھ بھر کی ضلعی انتظامیہ کو ہائی الرٹ کر دیا ہے اور تمام متعلقہ محکموں کو احتیاطی اور ہنگامی ردعمل کے اقدامات کرنے کی ہدایت کی ہے، کیونکہ بحیرہ عرب سے آنے والے مون سون کے طاقتور ہوائی سلسلے صوبے کو متاثر کر رہے ہیں۔ پی ڈی ایم اے کی جانب سے جاری کردہ موسمیاتی ایڈوائزری کے مطابق، پاکستان محکمہ موسمیات (پی ایم ڈی) کی پیش گوئی کی بنیاد پر ملک میں داخل ہونے والے مون سون کے طاقتور ہوائی سلسلے، بالائی اور وسطی علاقوں کو متاثر کرنے والے مغربی موسمی نظام کے ساتھ مل کر، 23 جولائی سے 25 جولائی تک سندھ کے کئی اضلاع میں وسیع پیمانے پر بارش، گرج چمک اور بعض مقامات پر موسلا دھار بارش کا سبب بن سکتے ہیں۔
وزیراعلی مراد علی شاہ نے تمام ڈپٹی کمشنرز، ضلعی انتظامیہ، بلدیاتی اداروں، آبپاشی حکام، محکمہ صحت، امدادی اداروں اور مقامی حکومت کے اداروں کو مکمل طور پر چوکس رہنے، ہنگامی ردعمل کی ٹیموں کو تیار رکھنے، نکاسی آب کے نظام کو فعال رکھنے اور انسانی جانوں اور املاک کے تحفظ کے لیے تمام ضروری اقدامات کرنے کی ہدایت کی ہے۔ وزیر اعلی نے ڈویژنل کمشنرز اور بلدیاتی اداروں کو مزید ہدایت کی کہ وہ نشیبی علاقوں، شہری مراکز اور حساس مقامات کی کڑی نگرانی کریں، امدادی سامان اور آلات کی دستیابی یقینی بنائیں اور موسمیاتی پیش گوئی کی مدت کے دوران تمام محکموں کے درمیان بلاتعطل رابطہ برقرار رکھیں۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی