اماراتی وزٹ ویزہ قوانین میں ترامیم کے بعد اہم معلومات جاری
اشاعت کی تاریخ: 30th, September 2025 GMT
دبئی ( اُردو پوائنٹ اخبارتازہ ترین۔ 30 ستمبر2025ء ) متحدہ عرب امارات کے وزٹ ویزہ قوانین میں ترامیم کے بعد اہم معلومات جاری کردی گئیں، نئے ضوابط میں مصنوعی ذہانت، تفریح، تقریبات، کروز شپ اور لگژری یاٹ کے ماہرین کے لیے وزٹ ویزہ کے چار نئے زمرے بھی متعارف کرائے گئے ہیں۔ خلیجی میڈیا کے مطابق متحدہ عرب امارات نے اپنے وزٹ ویزہ قوانین میں اپ ڈیٹس کی ایک سیریز کا اعلان کیا ہے، جس کے تحت چار نئے ویزہ زمرے متعارف کرائے گئے اور کئی موجودہ اجازت ناموں کے دورانیے اور شرائط میں ترامیم کی گئی ہیں، ان تبدیلیوں کے ایک حصے کے طور پر وفاقی اتھارٹی برائے شناخت اور شہریت، کسٹمز اور پورٹ سکیورٹی (ICP) نے یو اے ای کے رہائشیوں کے لیے ایک وزیٹر کی کفالت کے لیے کم از کم ماہانہ آمدنی کی شرط مقرر کی ہے۔
(جاری ہے)
بتایا گیا ہے کہ اپ ڈیٹ کردہ قوانین کے تحت فوری طور پر کنبہ کے افراد کو یو اے ای لانے کے خواہشمند رہائشیوں کو کم از کم 4 ہزار درہم ماہانہ کمانا ہوں گے، دوسرے یا تیسرے درجے کے رشتہ داروں کو سپانسر کرنے کے لیے ماہانہ تنخواہ کم از کم 8 ہزار درہم ہونی چاہیئے، جب کہ دوستوں کو سپانسر کرنے کی صورت میں کم از کم 15 ہزار درہم ماہانہ تنخواہ کی ضرورت ہوگی، کم از کم تنخواہ کی یہ شرط آئی سی پی کی متعارف کرائی گئی تبدیلیوں کے وسیع سیٹ کا حصہ ہے، جس کا مقصد شفافیت کو بڑھانا، معاشی تنوع کو سپورٹ کرنا اور باصلاحیت افراد کو متحدہ عرب امارات کی طرف راغب کرنا ہے۔ بتایا جارہا ہے کہ متحدہ عرب امارات کے وزٹ ویزہ کے چار نئے زمرے مصنوعی ذہانت، تفریح، تقریبات، کروز شپ اور تفریحی جہازوں کے ماہرین کے لیے متعارف کرائے گئے ہیں، اس کے علاوہ ایک انسانی بنیاد پر رہائشی اجازت نامہ ایک سال کی مدت کے لیے جاری کیا جائے گا، مخصوص شرائط کے ساتھ اتھارٹی کے فیصلے کے ذریعے اس میں توسیع بھی ہوسکے گی، یہ فیصلہ غیر ملکی بیواؤں یا طلاق یافتہ خواتین کو بھی سپانسر کے بغیر متحدہ عرب امارات میں رہائش حاصل کرنے کی اجازت دیتا ہے اسی مدت کے لیے تجدید بھی کرائی جاسکے گی۔.ذریعہ: UrduPoint
کلیدی لفظ: تلاش کیجئے متحدہ عرب امارات وزٹ ویزہ کے لیے
پڑھیں:
ای ویزہ پر پاکستان آیا روسی شہری لاپتا ہوگیا
پشاور(نیوزڈیسک) ہائی کورٹ میں پشاور سے لاپتا روسی شہری کی بازیابی کے لیے دائر درخواست پر سماعت ہوئی، پشاور ہائیکورٹ نے مختصر حکم نامہ جاری کردیا۔
عدالت نے صوبائی اور وفاقی حکومت سے رپورٹ طلب کرلیا، حکم نامے میں کہا گیا کہ وفاقی اور صوبائی حکومت 14 دن کے اندر رپورٹ پیش کریں، وفاقی اور صوبائی اپنے ماتحت ایجنسیوں کی طرف سے اداروں دیں۔
پشاور: پانچ اگست تک مزید سماعت ملتوی کی جاتی ہے، وفاق اور صوبے دونوں لاء افسران اگلی سماعت پر خود عدالت میں پیش ہو جائے۔
درخواست گزار وکیل نے کہا کہ روس چیچنیا کا شہری محمود گلیگوف Mukhmod Gelogaev) پاکستان آیا ہے ، روسی شہری ای ویزہ پر پاکستان آیا ہے اور پشاور سے لاپتہ ہوگیا ہے۔
90 کروڑ کا محض ایک سین جو فلم کا حصہ بھی نہ بن سکا، یہ فلم کونسی تھی؟