افغانستان: موبائل فون نیٹ ورک بھی بند، بلیک آﺅٹ کی کیفیت
اشاعت کی تاریخ: 30th, September 2025 GMT
data-id="863a0a8" data-element_type="widget" data-widget_type="theme-post-content.default">
کابل:۔ افغانستان میں طالبان حکومت نے ملک بھر میں موبائل فون نیٹ ورکس بھی بند کر دیے ہیں جبکہ سیٹلائٹ ٹی وی کی نشریات بُری طرح متاثر ہوئی ہیں۔ اس سے قبل فائبر آپٹک انٹرنیٹ پہلے ہی معطل کیا جا چکا تھا، جس کے بعد رابطوں کا مکمل بلیک آﺅٹ پیدا ہو گیا ہے۔
انٹرنیٹ پر نظر رکھنے والی عالمی تنظیم نیٹ بلاکس کے مطابق افغانستان میں اس وقت مکمل انٹرنیٹ بلیک آﺅٹ جاری ہے۔ بین الاقوامی خبر رساں اداروں نے تصدیق کی ہے کہ ان کا کابل میں دفاتر سے رابطہ منقطع ہو گیا ہے۔
نجی نشریاتی ادارے طلوع نیوز نے عوام کو سوشل میڈیا کے ذریعے اپ ڈیٹس لینے کا مشورہ دیا ہے کیونکہ ٹی وی اور ریڈیو نشریات میں بھی رکاوٹوں کا اندیشہ ہے۔
مقامی میڈیا کے مطابق کابل ایئرپورٹ پر پروازیں بری طرح متاثر ہوئی ہیں۔ پروازوں پر نظر رکھنے والی ویب سائٹ فلائیٹ ریڈار 24 کے مطابق منگل کو کم ازکم آٹھ پروازیں منسوخ یا معطل ہوئیں۔
اطلاعات یہ بھی ہیں کہ طالبان نے نور کمیونیکیشن کو مکمل طور پر بند کر دیا ہے جبکہ سلام کمیونیکیشن اور دیگر نیٹ ورکس بھی اب انٹرنیشنل سطح پر معطل کر دیے گئے ہیں۔ اس کے نتیجے میں کسٹم کلیئرنس، وسطی ایشیا کے لیے ٹرانزٹ اور بارڈرز پر کارروائیاں متاثر ہوئی ہیں۔ ذرائع کے مطابق اس وقت سرحدی مقامات پر ایمیگریشن صرف دستی طریقے سے ہو رہی ہے جبکہ ایئرپورٹس بند ہیں۔
ذریعہ: Jasarat News
کلیدی لفظ: کے مطابق
پڑھیں:
دہلی دھماکا:مسلمان ڈاکٹروں کاجیناحرام،لائسنس معطل
data-id="863a0a8" data-element_type="widget" data-widget_type="theme-post-content.default">
لکھنو:مودی حکومت نے لال قلعہ دھماکے کو مسلمانوں کے خلاف کریک ڈاﺅن کا ذریعہ بنالیا ہے،اس سلسلے میں مقبوضہ کشمیر سمیت ملک کے مختلف شہروں میں سینکڑوں مسلمانوں کو گرفتار کیا گیا،کشمیر میں دکانداروں کو ہراساں کیا گیا،کچھ کشمیریوں کے گھر منہدم کیے گئے۔
خصوصی طور پر مسلم ڈاکٹروں اور پڑھے لکھے مسلمانوں کو نشانہ بنایا جارہا ہے۔ہندوتوا کی پیروکار مودی سرکار نے مسلمان ڈاکٹروں کا جینا حرام کردیا ہے۔
تازہ واقعے میں بنا کسی ثبوت کے 2 ڈاکٹروں کے لائسنس منسوخ کردیے۔دہلی کے لال قلعہ کے قریب دھماکے کے الزام میں گرفتار ڈاکٹر شاہین سعید اور ڈاکٹر عدیل احمد اب کبھی میڈیکل پراکٹس نہیں کر سکیں گے۔
اتر پردیش اسٹیٹ میڈیکل کونسل نے ان کے میڈیکل رجسٹریشن کو منسوخ کر دیا ہے۔ ریاستی کونسل نے یہ کارروائی نیشنل میڈیکل کونسل کی ہدایات پر کی ہے۔انڈین میڈیکل کونسل (آئی ایم سی) نے کئی ڈاکٹروں کے خلاف غیر قانونی سرگرمیاں (روک تھام) ایکٹ کے تحت کارروائی کی سفارش کی تھی۔
آئی ایم سی نے تمام ریاستی میڈیکل کونسلوں کو ایک خط بھیجا تھا جس میں درخواست کی گئی تھی کہ ایسی سرگرمیوں میں ملوث پائے جانے والے ڈاکٹروں کے رجسٹریشن منسوخ کر دی جائے۔
ڈاکٹر شاہین سعید نے 2005 میں رجسٹرڈ کیا تھا اور جموں کے رہنے والے ڈاکٹر عدیل احمد جموں و کشمیر میڈیکل کونسل میں رجسٹرڈ ہیں۔ اس کے بعد انھوں نے وہاں سے این او سی حاصل کیا اور 2010 میں اتر پردیش اسٹیٹ میڈیکل کونسل میں رجسٹرڈ ہوئے۔ انھوں نے پرائیوٹ پریکٹس کی آڑ میں رجسٹر کرایا تھا۔
اتر پردیش اسٹیٹ میڈیکل کونسل کے ڈائریکٹر ڈاکٹر امیت گھوش نے بتایا کہ ڈاکٹر عدیل اور ڈاکٹر شاہین کو ملک دشمن سرگرمیوں میں ملوث ہونے پر گرفتار کیا گیا ہے۔ نتیجتاً ان کے میڈیکل لائسنس منسوخ کر دیے گئے ہیں۔
واضح رہے دہلی میں لال قلعہ کے قریب ہوئے دھماکے کی تحقیقات اب این آئی اے کر رہی ہے اور اس معاملے میں ہر روز نئے انکشافات ہو رہے ہیں۔
امریکہ کی جانب سے سلامتی کونسل میں غزہ امن و استحکام کیلئے قرارداد متعارف