میئر کراچی نے وفاق سے 200 ارب روپے مانگ لیے
اشاعت کی تاریخ: 30th, September 2025 GMT
ویب ڈیسک : میئر کراچی مرتضیٰ وہاب نے وفاق سے 200 ارب روپے مانگ لیے۔
نیو رضویہ سوسائٹی میں پارک کی افتتاحی تقریب سے خطاب میں مرتضیٰ وہاب نے کہا کہ اسلام آباد میں بیٹھ کر کراچی کے محلوں کو ٹھیک نہیں کیا جاسکتا۔انہوں نے کہا کہ ہم خود شہر کو ٹھیک کریں گے، یہ نہیں ہوسکتا کہ اسلام آباد میں کوئی افسر کراچی میں کام کرے، جس کو کوئی نہیں جانتا، وہ اس شہر میں کام نہیں کرسکتا۔
میئر کراچی نے متحدہ قومی مومنٹ (ایم کیو ایم) پر تنقید کی اور کہا کہ متحدہ کو جیسے تیسے کراچی سے مینڈیٹ مل گیا ہے، جو خود سیاسی خیرات کے مستحق ہیں وہ بھی پارلیمان میں بیٹھے ہیں۔اُن کا کہنا تھا کہ اگر وہ بھی کام کرنا چاہتے ہیں تو ان کے لئے بھی دروازے کھلے ہیں۔
’’اپنے ہتھیار ہمارے حوالے کر دو‘‘
مرتضیٰ وہاب نے مزید کہا کہ شہر کو 20 نہیں بلکہ 200 ارب روپے چاہئیں، مقامی سطح پر شہر کو ٹھیک کریں۔
.
ذریعہ
ذریعہ: City 42
کلیدی لفظ: کہا کہ
پڑھیں:
کراچی، شہر کے مختلف علاقوں میں پولیس مقابلے، 5 ڈاکو زخمی حالت میں گرفتار
کراچی:شہر قائد کے مختلف علاقوں میں پولیس نے مبینہ مقابلوں کے دوران چار ملزمان کو زخمی حالت میں گرفتار کر لیا جبکہ ایک فرار ہونے والے مبینہ ڈاکو کو شہریوں نے پکڑ کر تشدد کے بعد پولیس کے حوالے کر دیا۔
پولیس اور چھیپا حکام کے مطابق اورنگی ٹاؤن تھانے کی حدود میں سیکٹر 8، اللہ والا کالج کے قریب مبینہ پولیس مقابلے میں ایک مبینہ ڈاکو زخمی حالت میں گرفتار کیا گیا۔
زخمی ملزم کو عباسی شہید اسپتال منتقل کیا گیا جہاں اس کی شناخت سبیل کے نام سے ہوئی۔ ملزم کے قبضے سے اسلحہ اور دیگر سامان بھی برآمد کیا گیا۔
ادھر بوٹ بیسن تھانے کی حدود میں کلفٹن، عبداللہ شاہ غازی مزار پل کے قریب مبینہ مقابلے کے دوران ایک مبینہ ڈاکو پولیس کی فائرنگ سے زخمی ہو گیا، جس کی شناخت مانی کے نام سے ہوئی۔
اسے جناح اسپتال منتقل کر دیا گیا۔ اس دوران فرار ہونے کی کوشش کرنے والے دوسرے مبینہ ملزم کو شہریوں نے پکڑ کر تشدد کا نشانہ بنایا بعد ازاں اسے پولیس کے حوالے کر دیا گیا۔ زخمی ملزم کی شناخت سکندر کے نام سے کی گئی۔
دوسری جانب شرافی گوٹھ پولیس نے کورنگی سنگر چورنگی کے قریب راڈو بیکری کے علاقے میں مبینہ مقابلے کے بعد ایک مبینہ ڈاکو اویس کو زخمی حالت میں گرفتار کیا۔ ملزم کو جناح اسپتال منتقل کیا گیا جبکہ اس کے قبضے سے اسلحہ اور دیگر سامان بھی برآمد ہوا۔
اسی طرح قائدآباد تھانے کی حدود میں لانڈھی شیر پاؤ کالونی، مولیٰ مدد قبرستان کے قریب مبینہ پولیس مقابلے میں ایک اور مبینہ ڈاکو زخمی حالت میں گرفتار کیا گیا۔
چھیپا حکام کے مطابق زخمی ملزم کو جناح اسپتال منتقل کیا گیا جہاں اس کی شناخت وارث خان کے نام سے ہوئی۔
بھارت سے جنگ اور افغانستان میں کارروائی خارج ازامکان نہیں، وزیردفاع