صوبہ بھرمیں ڈرائیونگ لائسنس کےاجراءکاسلسلہ جاری
اشاعت کی تاریخ: 1st, October 2025 GMT
علی ساہی : ڈی آئی جی ٹریفک پنجاب محمد وقاص نذیر کے احکامات پر صوبہ بھر میں ڈرائیونگ لائسنس کے اجراء کا عمل تیزی سے جاری ہے۔
ترجمان ٹریفک پولیس کے مطابق گزشتہ ماہ 7 لاکھ 9 ہزار سے زائد شہریوں نے لائسنسنگ سہولیات سے استفادہ کیا، جن میں 2 لاکھ 38 ہزار سے زائد شہریوں نے لرننگ ڈرائیونگ لائسنس جبکہ 2 لاکھ 23 ہزار سے زائد نے ریگولر ڈرائیونگ لائسنس حاصل کیے۔
ستمبر میں 2 لاکھ 37 ہزار سے زائد شہریوں نے لرننگ، ریگولر اور انٹرنیشنل لائسنس کی تجدید کرائی، جبکہ 6 ہزار 904 شہریوں کو انٹرنیشنل ڈرائیونگ پرمٹ جاری کیے گئے۔
’’اپنے ہتھیار ہمارے حوالے کر دو‘‘
ڈی آئی جی ٹریفک پنجاب کا کہنا تھا کہ صوبہ بھر میں بغیر لائسنس ڈرائیونگ کرنے والوں کے خلاف 90 روزہ خصوصی مہم جاری ہے۔
انہوں نے واضح کیا کہ گاڑی یا موٹر سائیکل بغیر ڈرائیونگ لائسنس چلانا جرم ہے اور اس کے خلاف سخت کارروائی عمل میں لائی جائے گی۔
ذریعہ: City 42
پڑھیں:
لرنر سے ریگولر لائسنس تک، اب جدید موبائل یونٹس کے ذریعےسہولت شہریوں کی دہلیز تک ممکن
سٹی42: پنجاب بھر میں موبائل یونٹس کے ذریعے شہری اب اپنا لرنر لائسنس، لائسنس کی تجدید (رینیول)، اور ریگولر ڈرائیونگ لائسنس با آسانی حاصل کر سکیں گے۔ ریگولر لائسنس کے اجرا کے لیے جدید اے آئی بیسڈ ڈرائیونگ ٹیسٹنگ وینز بھی ان موبائل یونٹس کا حصہ ہوں گی۔
ڈی آئی جی ٹریفک وقاص نذیر کے مطابق صوبے بھر کے لیے 118 موبائل پولیس اسٹیشن اور لائسنسنگ یونٹس تیار کیے جا رہے ہیں جن میں سے 34 گاڑیاں مکمل طور پر تیار ہو چکی ہیں اور رواں ماہ وزیراعلیٰ پنجاب کے افتتاح کے بعد انہیں فیلڈ میں روانہ کر دیا جائے گا۔مزید بتایا گیا ہے کہ 118 میں سے 20 فیصد گاڑیاں خواتین کے لیے مخصوص ہوں گی تاکہ خواتین کو ان کی یونیورسٹیوں، کام کی جگہوں اور دیگر دور دراز علاقوں میں یہ سہولیات آسانی سے فراہم کی جا سکیں۔
نائٹ شفٹ میں کام کرنے والوں کو گردے کی پتھری کا زیادہ خطرہ ؛ تحقیق سامنے آگئی
ہر موبائل اسٹیشن میں 4 ٹرمینلز ہوں گے جن میں سے 2 پر لائسنسنگ جبکہ 2 پر ضلعی پولیس کے اہلکار اپنی ذمہ داریاں ادا کریں گے۔ یہ موبائل یونٹس جی پی ایس سسٹم کے ذریعے متعلقہ تھانوں سے منسلک ہوں گے جس سے شہری تھانے کے فرنٹ ڈیسک کی تمام سہولیات بھی ان موبائل اسٹیشنز کے ذریعے حاصل کر سکیں گے۔
ڈی آئی جی ٹریفک کے مطابق یہ یونٹس روزانہ کی بنیاد پر مختلف علاقوں میں روانہ کیے جائیں گے تاکہ دور دراز کے علاقوں، خواتین کی جامعات اور ورکنگ مقامات کو خصوصی طور پر ہدف بنایا جا سکے.
44 برس سے مسجد نبویﷺ میں قرآن مجید پڑھانے والے پاکستانی نژاد مدرس انتقال کرگئے
ترقیاتی کاموں کو جلد از جلد مکمل کیا جائے‘ڈپٹی میئر