اسرائیلی فوج نے جنوبی غزہ پٹی کا شمالی غزہ سے آخری رابطہ بھی منقطع کر دیا
اشاعت کی تاریخ: 1st, October 2025 GMT
اسرائیلی فوج نے جنوبی غزہ پٹی کا شمالی غزہ سے آخری کھلا رابطہ بھی منقطع کر دیا اسرائیلی فوج نے جنوبی غزہ پٹی کا شمالی غزہ سے آخری رابطہ بھی منقطع کر دیا
اسرائیلی فوج نے جنوبی غزہ پٹی کے شہریوں کی شمالی غزہ تک رسائی کے لیے زیر استعمال آخری کھلا راستہ بھی بند کر دیا ہے۔ یہ فیصلہ ایک ایسے وقت پر کیا گیا ہے، جب غزہ سٹی میں اسرائیلی فوجی آپریشن میں مزید شدت آتی جا رہی ہے۔
یروشلم سے بدھ یکم اکتوبر کو موصولہ رپورٹوں کے مطابق اسرئیل کی فوج کے عربی زبان کے ترجمان اویخائی ادرائی نے سوشل میڈیا پلیٹ فارم ایکس (سابقہ ٹوئٹر) پر ایک پوسٹ میں آج صبح لکھا کہ غزہ پٹی کے جنوبی حصے سے شمال کی طرف جانے کے لیے استعمال ہونے والا آخری کھلا راستہ بھی آج بند کر دیا جائے گا۔
(جاری ہے)
انہوں نے اس فیصلے پر عمل درآمد کے لیے عالمی وقت کے مطابق صبح نو بجے اور مقامی وقت کے مطابق دوپہر بارہ بجے کے وقت کا اعلان کیا تھا۔
پھر بدھ کی دوپہر مقررہ وقت پر اس فیصلے پر عمل درآمد بھی کر دیا گیا۔ الرشید اسٹریٹ کی بندشاویخائی ادرائی نے ایکس پر لکھا، ’’الرشید اسٹریٹ کو جنوبی سیکٹر سے آنے والی ٹریفک کے لیے مقامی وقت کے مطابق دوپہر 12 بجے بند کر دیا جائے گا۔ جنوب کی طرف نقل و حرکت کی صرف ان لوگوں کو اجازت دی جائے گی، جو غزہ سٹی سے اپنے انخلا میں ناکام رہے تھے۔
‘‘نیوز ایجنسی اے ایف پی نے یروشلم سے اس بارے میں اپنی رپورٹوں میں لکھا ہے کہ اس اسرائیلی فوجی اقدام کا مطلب یہ ہے کہ غزہ پٹی کے جنوب سے شمال کی طرف جانے والوں کے لیے آخری کھلی شاہراہ بھی بند کر دی گئی ہے، اور اب صرف غزہ سٹی سے رخصت ہونے والے فلسطینیوں کو یہ اجازت ہے کہ وہ جنوبی غزہ پٹی کی طرف جا سکیں۔ غزہ سٹی میں اسرائیلی فوجی آپریشن میں مزید شدت
اسرائیلی دفاعی افواج (آئی ڈی ایف) نے گزشتہ ماہ کے وسط میں غزہ پٹی کے سب سے بڑے شہری مرکز غزہ سٹی میں اپنا وسیع تر زمینی آپریشن شروع کیا تھا۔
تب سے اب تک اس شہر سے لاکھوں کی تعداد میں فلسطینی اپنی جانیں بچا کر جنوبی غزہ پٹی کی طرف جا چکے ہیں۔
اسرائیلی فوج کے مطابق غزہ سٹی اس تنگ ساحلی پٹی کا وہ آخری شہر ہے، جو ابھی تک فلسطینی عسکریت پسند تنظیم حماس کا گڑھ سمجھا جاتا ہے۔ گزشتہ کئی روز سے غزہ شہر میں اسرائیلی فوجی کارروائیوں میں مزید شدت آ چکی ہے۔
غزہ کی جنگ تقریباﹰ دو سال قبل، سات اکتوبر 2023ء کو اسرئیل میں حماس اور دیگر عسکریت پسند فلسطینی گروپوں کے سینکڑوں جنگجوؤں کے اس دہشت گردانہ حملے کے فوری بعد شروع ہوئی تھی، جس میں اسرائیلی اعداد و شمار کے مطابق 1219 افراد مارے گئے تھے۔
اس کے علاوہ واپس غزہ جاتے ہوئے فلسطینی جنگجو 251 افراد کو یرغمال بنا کر اپنے ساتھ بھی لے گئے تھے۔ ان میں سے 47 یرغمالی ابھی تک غزہ پٹی میں ہیں اور ان میں سے کم از کم 25 کے بارے میں اسرائیلی فوج کا کہنا ہے کہ وہ مارے جا چکے ہیں۔
حماس کے اسرائیل میں حملے کے فوری بعد اسرائیل نے غزہ پٹی میں حماس کے ٹھکانوں پر جن زمینی، فضائی اور بحری حملوں کی ابتدا کی، ان کے ساتھ شروع ہونے والی غزہ کی جنگ کو آج سے چھ روز بعد ٹھیک دو سال پورے ہو جائیں گے۔
اس جنگ میں غزہ پٹی کی حماس کے زیر انتظام کام کرنے والی وزارت صحت کے مطابق اب تک مجموعی طور پر 66,000 سے زائد افراد مارے جا چکے ہیں، جن میں اکثریت فلسطینی خواتین اور بچوں کی تھی۔
غزہ کی وزارت صحت کے ان اعداد و شمار کی غیر جانبدارانہ طور پر تصدیق ممکن نہیں لیکن اقوام متحدہ سمیت زیادہ تر بین الاقوامی تنظیمیں اور امدادی ادارے ان اعدا د و شمار کو قبل اعتماد قرار دیتے ہیں۔
.
ذریعہ: UrduPoint
کلیدی لفظ: تلاش کیجئے اسرائیلی فوج نے جنوبی غزہ پٹی میں اسرائیلی فوج اسرائیلی فوجی غزہ پٹی کے شمالی غزہ کی طرف جا کے مطابق غزہ سٹی غزہ کی کر دیا پٹی کا کے لیے
پڑھیں:
سرکاری حج اسکیم 2026کی دوسری قسط جمع کرانے کی آخری مہلت میں 3روز کی توسیع
سرکاری حج اسکیم 2026کی دوسری قسط جمع کرانے کی آخری مہلت میں 3روز کی توسیع WhatsAppFacebookTwitter 0 17 November, 2025 سب نیوز
اسلام آباد(سب نیوز) سرکاری حج اسکیم 2026 کے تحت واجبات جمع کرانے کے عمل میں وزارتِ مذہبی امور نے اہم اعلان کر دیا ہے۔
ترجمان وزارت کے مطابق حج واجبات کی دوسری قسط جمع کرانے کی آخری تاریخ میں تین روز کی توسیع کر دی گئی ہے، جس کے بعد درخواست گزار 19 نومبر تک لازمی طور پر اپنے واجبات جمع کرا سکیں گے۔ترجمان نے واضح کیا کہ مقررہ تاریخ تک دوسری قسط جمع نہ کرانے کی صورت میں متعلقہ درخواست خود بخود منسوخ کر دی جائے گی اور ایسے امیدوار سرکاری حج اسکیم میں شامل نہیں رہیں گے۔
وزارت کے مطابق اس توسیع کا مقصد درخواست گزاروں کو سہولت فراہم کرنا اور یقینی بنانا ہے کہ کوئی بھی مستحق شخص مالی ادائیگی میں تاخیر کے باعث اسکیم سے باہر نہ ہو۔وزارت نے تمام درخواست گزاروں سے اپیل کی ہے کہ وہ بینکوں میں طے شدہ طریقہ کار کے مطابق جلد از جلد اپنی دوسری قسط جمع کرائیں تاکہ ان کے حج انتظامات مکمل طور پر محفوظ ہوسکیں۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرعرفان صدیقی کی وفات کے باعث خالی ہونے والی سینیٹ نشست پر انتخاب کا شیڈول جاری عرفان صدیقی کی وفات کے باعث خالی ہونے والی سینیٹ نشست پر انتخاب کا شیڈول جاری سی ڈی اے نے مل پور کی آبادی کو غیر قانونی قرار دے کر خالی کرنے کا نوٹس جاری کر دیا وزیراعظم شہباز شریف نے شالیمار ایکسپریس کی اپ گریڈیشن کے بعد افتتاح کردیا سزائے موت کا حکم، بنگلادیش کا بھارت سے فوری طور پر شیخ حسینہ واجد کی حوالگی کا مطالبہ چیئرمین سی ڈی اے کی زیر صدارت اجلاس ، اسلام آباد کے اہم ترین منصوبوں پر ابتک ہونے والی پیشرفت کا جائزہ ہر چیز کا حساب لیا جائیگا، عدالتی فیصلے پر شیخ حسینہ واجد کا دھمکی آمیز ردعملCopyright © 2025, All Rights Reserved
رابطہ کریں ہماری ٹیم
دبئی میں اُڑن ٹیکسی کی پہلی آزمائشی پرواز کامیاب