سندھ بلڈنگ ،اسکیم 33میں غیر قانونی تعمیرات کا طوفان
اشاعت کی تاریخ: 3rd, October 2025 GMT
اسسٹنٹ ڈائریکٹر عدیل قریشی کی سرپرستی میں رانا ریزیڈنسی کی غیر قانونی تعمیر
تعمیراتی گینگ کی کھلی ڈکیتیاں، شہریوں کے بنیادی حقوق کا قتل عام جاری
سندھ بلڈنگ کنٹرول اتھارٹی کے عملے کی ملی بھگت کے تحت اسکیم 33 میں غیر قانونی تعمیرات کا طوفان برپا ہے ، جہاں ’’رانا ریزیڈنسی‘‘کے نام پر شہریوں کے بنیادی حقوق کا کھلم کھلا قتلِ عام کیا جا رہا ہے !یہ گورکھ دھندہ مبینہ طور پر عدیل قریشی کی قیادت میں چل رہا ہے۔یہ تعمیراتی ڈاکو گینگ کھلی ڈکیتی پر اتر آیا ہے ۔ یہ گینگ سرعام قوانین کو روندتا ہے ، ضابطوں کو تارتار کرتا ہے ، اور شہریوں کی زندگیوں کو اجیرن بنا رہا ہے ۔رانا ریزیڈنسی ایک مجرمانہ منصوبہ،یہ کوئی رہائشی منصوبہ نہیں بلکہ ایک مجرمانہ کارروائی ہے جس میںبغیر منظور شدہ نقشے کے تعمیر میں بلڈنگ قوانین قبر میں دفن، پارکنگ کے بغیر عمارت کا قتل عام، سیوریج سسٹم کا قتل، آگ سے بچاؤ کے انتظامات کا جنازہ، گرین ایریا کی بے حرمتی، فلور ایریا تناسب کی پامالی، ہائٹ کنٹرول کی توہین سے مقامی شہریوں کا غصہ پھٹ پڑا ہے جرأت سروے ٹیم سے بات کرتے ہوئے مقامی رہائشیوں کا کہنا ہے کہ اسسٹنٹ ڈائریکٹر عدیل قریشی اور اس کے ساتھی ہماری زندگیوں سے کھیل رہے ہیں۔ رانا ریزیڈنسی نے ہمارے علاقے کو جہنم بنا دیا ہے ۔ایس بی سی اے کے اندرونی ذرائع کے مطابق عدیل قریشی ملکی محصولات کو بھاری نقصان پہنچانے کے باوجود بھی احتساب کے خوف سے بالاتر ہے ۔ اسے معلوم ہے کہ اس کے تحفظ کے لیے اعلیٰ سطحی رابطے موجود ہیں۔ ضلعی انتظامیہ کی خاموشی اس بات کی غماز ہے کہ یا تو وہ مجرموں کے ساتھ ملی بھگت میں ملوث ہے یا پھر انتہائی نااہل ہے ۔ دونوں صورتوں میں وہ عوام کے ساتھ غداری کا مرتکب ہو رہی ہے ۔مقامی شہریوں نے واضح کر دیا ہے اگر رانا
ریزیڈنسی کی تعمیراتی ڈکیتی بند نہ ہوئی تو ہمارا احتجاج سڑکوں پر نہیں بلکہ ایس بی سی اے کے دفاتر میں ہوگا۔ ہم اب مزید خاموش نہیں بیٹھیں گے !ذرائع بتاتے ہیں کہ محض انکوائری کا ڈرامہ کیا جا رہا ہے ۔ حقیقی کارروائی سے تمام مجرم محفوظ ہیں۔
ذریعہ
ذریعہ: Juraat
کلیدی لفظ: رانا ریزیڈنسی عدیل قریشی رہا ہے
پڑھیں:
مسجد اقصیٰ میں اسرائیلی آبادکاروں کی دراندازی: پاکستان سمیت 8 ممالک کا شدید ردعمل، پورا حرم صرف مسلمانوں کی عبادت گاہ قرار
پاکستان، سعودی عرب، مصر، ترکیہ، انڈونیشیا، اردن، قطر اور متحدہ عرب امارات (یو اے ای) کے وزرائے خارجہ نے مسجد اقصیٰ میں انتہا پسند اسرائیلی آبادکاروں کی مسلسل دراندازی، اسرائیلی فورسز کی سرپرستی میں ہونے والی کارروائیوں اور مسجد کے احاطے میں اسرائیلی پرچم لہرانے کی شدید مذمت کی ہے۔
یہ بھی پڑھیں: فلسطینی قیدیوں کو سزائے موت سے متعلق اسرائیلی قانون سازی، پاکستان سمیت 8 اسلامی ممالک کا مذمتی بیان جاری
8 عرب و اسلامی ممالک کے وزرائے خارجہ نے مشترکہ بیان میں کہا کہ انتہا پسند اسرائیلی آبادکاروں کی یہ اشتعال انگیز اور ناقابل قبول کارروائیاں بین الاقوامی قانون، اقوام متحدہ کی متعلقہ قراردادوں اور مقبوضہ مشرقی یروشلم میں مقدس مقامات کی تاریخی و قانونی حیثیت کی کھلی خلاف ورزی ہیں۔
بیان میں اسرائیل کی جانب سے مقبوضہ مشرقی یروشلم کی تاریخی، قانونی اور آبادیاتی حیثیت تبدیل کرنے اور اسلامی و مسیحی مقدس مقامات کے تشخص کو نقصان پہنچانے کے لیے جاری منظم اقدامات اور خلاف ورزیوں کی بھی سخت مذمت کی گئی۔
وزرائے خارجہ نے یروشلم اور اس کے اسلامی و مسیحی مقدس مقامات کی تاریخی و قانونی حیثیت تبدیل کرنے کی ہر کوشش کو مسترد کرتے ہوئے اس کے تحفظ پر زور دیا جبکہ اس حوالے سے ہاشمی سرپرستی کے خصوصی کردار کو بھی تسلیم کیا۔
مشترکہ بیان میں کہا گیا کہ مسجد اقصیٰ/الحرم الشریف کا پورا 144 دونم (تقریباً 35.6 ایکڑ) پر مشتمل رقبہ صرف مسلمانوں کی عبادت گاہ ہے اور اردن کی وزارت اوقاف و اسلامی امور سے وابستہ یروشلم اوقاف و مسجد اقصیٰ امور ڈائریکٹوریٹ ہی اس مقدس مقام کے انتظام و انصرام اور داخلے کے امور کا واحد مجاز ادارہ ہے۔
مزید پڑھیے: پاکستان سمیت 8 اسلامی ممالک کا مشترکہ بیان، غزہ میں امن کے لیے ٹرمپ کی کوششوں کا خیرمقدم
وزرائے خارجہ نے اسرائیلی حکام کو ان اشتعال انگیز اقدامات کے فوری خاتمے کا ذمہ دار قرار دیتے ہوئے خبردار کیا کہ بار بار کی جانے والی ایسی خلاف ورزیاں خطے میں کشیدگی، عدم استحکام اور انتہا پسندی کو فروغ دیتی ہیں امن کی بین الاقوامی کوششوں کو نقصان پہنچاتی ہیں اور بین الاقوامی قانون کے تحت اسرائیل کی ذمہ داریوں کی صریح خلاف ورزی ہیں۔
انہوں نے مطالبہ کیا کہ اسرائیل فوری طور پر ایسی تمام غیر قانونی اور اشتعال انگیز کارروائیاں بند کرے اور مسجد اقصیٰ کی تاریخی و قانونی حیثیت کا مکمل احترام یقینی بنائے۔
????PR No.1️⃣4️⃣0️⃣/2️⃣0️⃣2️⃣6️⃣
Joint Statement by Foreign Ministers of the Group of Eight Arab-Islamic States
????⬇️ pic.twitter.com/qZTmgSZM0n
— Ministry of Foreign Affairs – Pakistan (@ForeignOfficePk) June 2, 2026
آٹھوں ممالک نے فلسطینی عوام کے ساتھ اپنی غیر متزلزل یکجہتی کا اعادہ کرتے ہوئے ان کے جائز اور ناقابل تنسیخ قومی حقوق، بالخصوص حقِ خودارادیت اور 1967 کی سرحدوں پر مشتمل ایک آزاد اور خودمختار فلسطینی ریاست کے قیام کی حمایت کا اعادہ کیا، جس کا دارالحکومت مشرقی یروشلم ہو۔
مزید پڑھیں: غزہ جنگ بندی کی خلاف ورزیاں، پاکستان سمیت 8 اسلامی ممالک اسرائیلی جارحیت پر بول پڑے
بیان میں اسرائیلی قبضے کے خاتمے اور 2 ریاستی حل کی بنیاد پر منصفانہ، دیرپا اور جامع امن کے قیام کے لیے جاری تمام سفارتی کوششوں کی بھی مکمل حمایت کا اظہار کیا گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
8 اسلامی ممالک اسرائیل کی جارحیت مسجد اقصیٰ میں اسرائیلی آبادکاروں کی دراندازی
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ