صحافیوں کا احتجاج حق بجانب، ہم ان کے شانہ بشانہ ہیں : مولانا فضل الرحمان
اشاعت کی تاریخ: 3rd, October 2025 GMT
جمعیت علمائے اسلام (ف) کے سربراہ مولانا فضل الرحمان نے کہا ہے کہ صحافی پرامن لوگ ہیں اور اپنا دائرہ کار خوب جانتے ہیں، پریس کلب میں صحافیوں پر تشدد کی بھرپور مذمت کرتے ہیں، صحافیوں کا احتجاج حق بجانب ہے اور وہ ہر حال میں ان کے شانہ بشانہ ہیں۔
جمعیت علمائے اسلام (ف) کے سربراہ مولانا فضل الرحمٰن نے نیشنل پریس کلب اسلام آباد پر پولیس گردی کے واقعے کی شدید مذمت کرتے ہوئے کہا ہے کہ مشکل وقت میں وہ صحافی برادری کے ساتھ کھڑے ہیں۔
یہ بھی پڑھیں: صحافیوں پر تشدد: وزیرداخلہ محسن نقوی کا نوٹس، آئی جی اسلام آباد سے رپورٹ طلب کرلی
مولانا فضل الرحمٰن وفاقی پولیس اہلکاروں کے صحافیوں پر تشدد کے خلاف اظہارِ یکجہتی کے لیے نیشنل پریس کلب پہنچے اور میڈیا سے گفتگو کرتے ہوئے کہا کہ گزشتہ روز ایک افسوس ناک واقعہ پیش آیا جہاں پولیس نے نہ صرف صحافیوں پر تشدد کیا بلکہ ان کی تضحیک بھی کی۔
امیر جےیوآئی مولانا فضل الرحمان مدظلہ کا اسلام آباد پریس کلب میں صحافیوں کے ساتھ اظہار یکجہتی pic.
— Jamiat Ulama-e-Islam Pakistan (@juipakofficial) October 3, 2025
انہوں نے کہا کہ صحافی پُرامن لوگ ہیں اور اپنا دائرہ کار بخوبی جانتے ہیں۔ ہر چار دیواری کا تقدس ہوتا ہے لیکن پریس کلب میں موجود صحافی نہ تو فیلڈ میں تھے اور نہ ہی انہوں نے قانون ہاتھ میں لیا تھا، اس کے باوجود پولیس اہلکار اندر گھس آئے اور تشدد کیا۔
مولانا فضل الرحمان نے کہا کہ صحافیوں کا احتجاج حق بجانب ہے اور وہ ہر حال میں ان کے شانہ بشانہ ہیں۔
یہ بھی پڑھیں: جے یو آئی کے بغیر حکومتیں بنتی نہیں یا چلتی نہیں، مولانا فضل الرحمان
واضح رہے کہ 2 اکتوبر کو عوام ایکشن کمیٹی آزاد کشمیر کی حمایت میں چند مظاہرین نیشنل پریس کلب اسلام آباد کے باہر احتجاج کر رہے تھے۔ پولیس کے وہاں پہنچنے پر کچھ مظاہرین کلب کے اندر چلے گئے، جنہیں گرفتار کرنے کے لیے اہلکار بھی اندر گھس گئے۔
اس دوران نہ صرف مظاہرین کو گرفتار کیا گیا بلکہ صحافیوں اور کلب کے ملازمین پر بھی تشدد کیا گیا۔ پولیس اہلکاروں نے ایک فوٹو گرافر کا کیمرا توڑنے اور کیفے ٹیریا میں توڑ پھوڑ کرنے کا بھی الزام ہے۔
قبل ازیں کونسل آف پاکستان نیوز پیپر ایڈیٹرز (سی پی این ای)، ایسوسی ایشن آف الیکٹرانک میڈیا ایڈیٹرز اینڈ نیوز ڈائریکٹرز (ایمنڈ) اور پاکستان فیڈرل یونین آف جرنلسٹس (پی ایف یو جے) نے بھی اسلام آباد پریس کلب پر پولیس کے دھاوے کی مذمت کی تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اسلام آباد پولیس جمعیت علمائے اسلام مولانا فضل الرحمان نیشنل پریس کلبذریعہ: WE News
کلیدی لفظ: اسلام ا باد پولیس جمعیت علمائے اسلام مولانا فضل الرحمان نیشنل پریس کلب مولانا فضل الرحمان صحافیوں پر تشدد نیشنل پریس کلب کہ صحافی تشدد کی
پڑھیں:
اسلام آباد پولیس کی نیشنل پریس کلب میں توڑ پھوڑ‘ صحافیوں پر تشدد‘ حکومت کی غیر مشروط معافی
data-id="863a0a8" data-element_type="widget" data-widget_type="theme-post-content.default">
251003-08-28
اسلام آباد (مانیٹرنگ ڈیسک) اسلام آباد میں پولیس نے نیشنل پریس کلب کے باہر آزاد کشمیر عوامی ایکشن کمیٹی کے مظاہرے کی کوریج کرنے والے صحافیوں پر تشدد کیا، بعد ازاں پولیس نے پریس کلب کے دروازوں پر لاتیں ماریں اور دیواریں پھلانگ کر پولیس اہلکار اندر داخل ہوگئے۔ پولیس نے کلب کے اندر بھی صحافیوں پر بدترین تشدد کیا اور ان کے کیمرے بھی توڑ دیے۔ پولیس کیفے ٹیریا میں داخل ہوگئی جہاں توڑ پھوڑ کی اور کھانا کھانے میں مصروف صحافیوں کو تشدد کا نشانہ بنایا۔ علاوہ ازیں وزیر مملکت داخلہ طلال چودھری نے نیشنل پریس کلب اسلام آباد میں پولیس کی جانب سے صحافیوں پر تشدد پر غیرمشروط معافی مانگ لی۔ وزیر مملکت داخلہ نے نیشنل پریس کلب اسلام آباد میں صحافیوں سے بات کرتے ہوئے کہا کہ جیسے ہی واقعے کا پتا چلا میں نے شدید مذمت کی اور میں آپ کے پاس حاضر ہوا ہوں، مجھے وزیر داخلہ محسن نقوی نے فوری طور پر بھیجا ہے۔انہوں نے کہا کہ افسوس ناک واقعے پر میں صحافیوں سے معذرت کرتا ہوں، یہ واقعہ اچانک پیش آیا ہے۔ طلال چودھری نے کہا کہ کشمیر ایکشن کمیٹی کے چند لوگ احتجاج کر رہے ہیں، پولیس ان مظاہرین کو گرفتار کرنے پریس کلب آئی جنہوں نے ایس پی اور ایس ایچ اے سے بدتمیزی کی تھی۔ انہوں نے کہا کہ آپ جو فیصلہ کریں گے ہم اسے من و عن تسلیم کریں گے ۔
اٹلی میں معرکہ حق انٹرنیشنل سیمینار کا انعقاد، افواجِ پاکستان سے والہانہ اظہارِ محبت