بھارت: تفریحی ٹور کے دوران 3 دوست کار میں زندہ جل گئے
اشاعت کی تاریخ: 5th, October 2025 GMT
data-id="863a0a8" data-element_type="widget" data-widget_type="theme-post-content.default">
نئی دہلی (انٹرنیشنل ڈیسک) بھارت میں تفریحی ٹور موت کا سفر بن گیا ، حادثے کے بعد کار میں آگ بھڑک اٹھی ،جس میں 3دوست جل کر ہلاک ہوگئے،جب کہ 2 نے شیشے توڑ کر جان بچائی۔ افسوسناک واقعہ تمل ناڈو میں پیش آیا، جہاں 5دوست چھٹیاں منانے چنائے جا رہے تھے کہ ولوپورم ضلع میں کار حادثے کا شکار ہوئی اور آگ بھڑک اٹھی۔ حادثے کی اطلاع ملتے ہی پولیس اور ریسکیو ادارے جائے حادثہ پر پہنچ گئے۔ لاشوں اور زخمیوں کو اسپتال منتقل کیا اور گاڑی کو کرین کے ذریعے وہاں سے ہٹا دیا۔ پولیس کا کہنا ہے کہ ابتدائی تحقیقات کے مطابق وکراوندی کے قریب ڈرائیور کو نیند آنے کے باعث حادثہ پیش آیا۔
ذریعہ: Jasarat News
پڑھیں:
شام :بشار الاسد کے فرار کے بعد پہلی بار روسی وفد کی آمد
data-id="863a0a8" data-element_type="widget" data-widget_type="theme-post-content.default">
دمشق (انٹرنیشنل ڈیسک) شام میں اسدی حکومت کے خاتمے کے بعد پہلی بار روس اور ترکیہ کے عہدے داروں پر مشتمل وفد نے دمشق کا دورہ کیا۔ وفد میں 25 گاڑیاں تھیں جن میں جنرل سیکورٹی اور پولیس بھی شامل تھی۔ ابتدائی طور پر فوجی وفد قنیطرہ صوبے پہنچا،جس کے بعد وفد تلول الحمر کی طرف گیا جو بیت جن قصبے کے مغرب میں واقع ہے اور جو پہلے ایک روسی فوجی چوکی تھی۔ ذرائع ابلاغ کے مطابق وفد نے ان بعض فوجی مقامات کا معائنہ کیا جو سابق حکومت کے دور میں روسی افواج کے ہیڈ کوارٹر تھے۔ جن علاقوں سے وفد گزرا وہاں شامی جنرل سیکوٹی فورسز کی بھاری نفری تعینات کی گئی تھی۔